انا متزوجة من 3 سنوات وعندي بنوتة واحين حامل بالشهر الثامن واعيش مع اهل زوجي الشرقي انا وزوجي نحب بعض كثير وكان زواجنا على تضحيات مني ومنه**
اعيش حياة كريمة معه ولكن يعكرها بعض الاطراف مثل خواته بحكم تسلطهم وهو اخوهم الوحيد وكثير عانيت من هالشي
المهم انا صبورة و عاقلة وزوجي اعقل مني.. امس كنت صايمة وصار موقف من اخته الكبيرة عشان خدامتي لانها ما تطيق خدامتي ابد وكل كلامها وشكواها عنها (الله يسامحها) يمكن غيرانة لاني مرتاحة وهي ما عندها خدامة ولا بيت مستقل فتيجي كل يوم بيت زوجي (بيت اهلها اقصد) تفرض رأيها وتسلطها
زوجي بين نارين خواته وانا, وانا تعبت كثير خبرته باللي صار بس الله يسامحه ما يرد بكلمة وأنا ما اعرف صمته هذا لمتى حسيت نفسيتي جدااا تعبانة وسفهته لكن لما جيت انام ما قدرت وتميت اصيح وهو ما عجبه لانه حس اني امثل وتم يصارخ علي لانه يبي ينام قتله بيجيني اكتئاب من كل اللي يصير وانت ما تقدر تسوي شي (اقصد صمته هو اللي يزيد المشكلة)
وقامت بنوتي تصيح لانها سمعت صياحي وحسيت يبي يضربني ولأول مرة يسويهااا
اقسم بالله ما اعرف كيف نمت لكن ربك كريم
والصباح قمت وجيت دوامي وانا وايد شايلة عليه لانه ما قدرني ولا قدر نفسيتي اني حامل وقريب أولد ولا قدر كل صبري وسكوتي على خواته بالرغم انه يعرف اسلوبهم ومرات يؤيد كلامي** انصحوني كيف أتعامل معه وهل أعطيه حقه لانه يقول لما يمارس معي العلاقة اني مريحتنه موت بس انا اريد احسسه بغلطته والالم اللي سببه لي وسكوته ع خواته وصبري اللي احتسبه لوجه الله** نفسيتي حيل تعباااانة ارجوكم اللي تقدر تسدح لي من نصايحها وهل اسفهه لأنه رح يداوم بعد يومين
هو بس يجينا اجازته يومين بالاسبوع ويشتاق لنا
الله يكـــــــــــون بعونك ياقلبي ...مشكــــــله اذا الوحده سكنت مع اهل زوجها الصراحه ..:(
لانو ياحبيبتي من الطبيعي تلاقي منهم مشكله تعكر حياتك ..
انتي الان انسانه حامل ونفسيتك مع الحمل اكيد بتختلف .. بتكوني حساسه اكثر ..
انتبهي لنفسك محد ينفعك ياقلبي ..
وبعدين اخت زوجك مو ساكنه معكم بنفس البيت تجيكم زيارات فقط ..يعني هاذي ساهل امرها احقريها ..خليها تتكلم براحتها ع الشغاله ..
هي الشغاله عندها لسان تتكلم فيه تتدافع عن نفسها اكيد ...
وانتي تسمعي في بلاوي الخدم هالايام ...
من ناحيه زوجك انتي تبيه ياخذ حقك من اخته او امه او او اي احد يغلط عليكي قدامه او زعلك بكلمه .........
من هاذي الناااااحيه انسي الموضــــــــــــــوع لانه مستحـــــــــــــــــــيل يتكلم :-#
حتى لو انه عاااااااااااارف انهم غلطانين وانه معك حق ..
بس يضلووون اهله ...
الرجال اهم شئ عنده ماتنقال له كلمه زوجتك راكبه على راسك ..:|
لانه مافي رجال بيرضى بهالكلمه ...:cool:
وانتي قلتي من الاول احنا متفاهمين وعاقلين ومبسوطين ويا بعض ..:cool:
اجل ليش تخلي ناس مايحبون لك الخير والسعاده يخربون عليكي هالاجواء ؟؟؟F:
انتي عارفه ...؟انه حتى لو تكلم تحسبين انه بينتهي الموضوع هنا ؟؟؟:clock:لاااااااا حبيبتي بلعكس بتكبررررر وبتكبرررر اكثـــــــــر خصوصا انك ساكنه معهم بنفس البيت ؟؟
فخليك في نفسك وفي بنتك وبحملك وبغرفتك ...
والباقي طنشي ياقلبي :thumbs_up:
والخدامه اهم شئ انها كويسه معاك ..
خلاص هذا يكفي ..
ماعجبتهم هما حرين اصلا مابتشتغل عندهم :rolleyes:
انتي تقدري تقولي لشغاله بينك وبينها ..
ماعليك منها اذا خاصمتك او كلمتك لا تردي عليها ..اهم شئ مدام وبابا وبس ...:rolleyes:
صدقيني راح تحلها الشغاله معها ;)
وبعدين فهمت منك انه زوجك يجيك يومين بالاسبووع ...من العمل
طيب مو حرام المسكين يجي بعد هالغيبه على صوت الصراخ والصياااح وعملو لي وقالو لي .......
لااا يختي انتي حرام اولا تتمنعي من رغبته وحقه كزوج معك :o
وثانيا الرجال جاي يستريح في بيته ..
لا تخلينه يهرب لوحده غيرك في غيابه ..
من المشاكل الي يسمعها منك ...
انتي مدام عندك راتب وموظفه
سويله مفاجأه كل بين فتره وفتره ..
خذي فندق باليومين الي يجي فيها ونامو فيه بعيد عن الاهل ...
وخليه ينبسط وانتي كمان تنبسطي بعيد عنهم شويا ...
وربي ان شاء الله يقومك بالسلامه ويبعد عنك كل ر ياارب :):):)
ايش تبين تسوين تهجرينه في المضجع :p سمعتها من غيرج قبل ,استغرب منكم يالحريم
بعدين الرجال يتزوج ليش تزوج ؟شاسوي ؟ ما قصرت معاه في شئ , يعني فكرة الهجران في
العلاقة الحميمية هذي عيب تفكرين فيها امسحيها من الوجود , لا تخلطين الأمور ببعضها
تكمن مشكلتك في العلاقة بينج وبين اهل زوجج , انتي تنقصك المهاره في العلاقة , حاولي
تتقربين من اهل زوجك , يعني جامليهم بين الفتره والثانية , اخت زوجك اذا حسيتي أنها
تبي مساعده , من خادمتك اطلبي من خدامتج بس جدام حماتج أنها تساعد حماتج ,
هالإسلوب يسمى عياره , يعني فن في العياره , مثال آخر اعرف وحده رسمية مع اهل زوجها
ولكن تجاملهم , مثلا حماتها مسويه عملية والخدامات كانوا مشغولات , فجات الجنة
وشلت الطاوله وحطته جدام حماتها وحطت لها العشا بعد , هذي الحركه ما تصير دايما ,
تصير في الظروف , لأن اذا تصير دايما اهل الزوج ما بيحسون في تصرفاتها بالعكس يمكن
يعتمدون عليها ويعتبرونها زي الخادمه ولكن لما في الظروف او المناسبات هالأمور تترسخ في
الذهن , في نقطه الي هي اهم من هذي كله , علاقتج بزوجج , تبين علاقتج تكون زينة
مع زوجج رجااااااااااااااااااااااااااء لا تتكلمين عن هله , حلي مشاكلج بينج وبينهم , ولا تدخلين
زوجج في الموضوع , يعني اذا تصادفج مشاكل مع اهل زوجج اعرضيها علينا افضل بكثير
من أنك تعرضينها على زوجك , اما بالنسبة لصمت زوجك , انتي تتخيلين زوجج ايش كثر
يعاني من شكاويج , يعاني لأن المسكين كان يتمنى في زوجه تتفهم الأمور في زوجه ما تحن
على زوجها ولازم تعرفين أن كان يسكت وكان يعاني بس عشان ما يغلط عليج ولكن انتي الي
طلعتيه غصب من هالسكون والي ترتب عليه أن صب الغضب عليج لا تعيدينها ولما تتعرضين
لموقف رخي من نفسج وفكري على رواق شلون تحلين المشكله , لا تشيلين على زوجج
حبيبج , ولما يرجع في الإسبوع القادم ابي يغير نظرته فيج غيري من نفسج واسلوبج
واذكري هله بالخير حتى لو كانوا اخس الناس :D حبيه لا تخربين على نفسج لما يدخل
البيت ابتسمي له ولا كأن صار شئ , ابيه يتفاجأ عطري البيت وتنظفي وتعطري واسعديه .
اول شي الله يعينك انا ساكنه قبالهم في شقه لحالي وبتجنن والله حاسه فيكي بس والله انا ماخليتهم يتدخلوا في حياتي وكان لمن يتكلموا ارد عليهم اول باول لازم تخليه ياخد موقف وبين لوا انك قد ايش تعبانه وانها لو جات من اهلك مارضي علي نفسوا وانك انتي ماترضيها عليه
S
Sweet N Sour
عروس ركن العناية بالبشرة والجسم وركن العطور والعناية بالشعر
13-07-2011 | 12:26 PM
اختي الموضوع صحيح يوتر بس مو لدرجة تتمنعي عن زوجك في الواجبات الزوجية خصوصا و انتي تعرفين انه يرتاح معاكي،،ما اظن انه من الصواب تسوينها.
مادام زوجك يدري باخواته ،هذا شي كويس و في صالحك ليوم يزودها راح يوقف معاك انتي، بس لا تضغطين عليه و تطلبين منه ياخذ موقف من اخواته لان هالموقف احتمال ينتهي بهواش او مشكلة كبيرة،،اذا هو ساكت خليكي انتي المسؤولة عن ادارة شؤونك معاهم ، ما اقول لك تهاوشي معاهم و لكن خليكي معتدلة و بنفس الوقت حازمة، يعني خلي في حدود و بنفس الوقت من غير ما يمسكوا شي عليكي .
كمان اختي خلي ببالك انه هالمواقف من اهل الزوج تصيد الاغلبية ، فما في قدامنا الا الصبر و التطنيش لان التوتر ما يضرنا الا احنا، فلا تتحسسين منهم بزيادة و زوجك قوي علاقتك بيه اكثر و اكثر
الله يوفقك اختي
أشكر لكم ردودكم التي أثلجت صدري وأتمنى ان اكون اكثر صبرا وتحملا واكون قوية اكثر
ادعولي الله يسهل علينا ويسخر زوجي ويهدي اهله
عزيزتي... أنا مع البنات إن الزوج صعب إنه يتخذ موقف تجاه أهله... خصوصاً إنه وحيدهم...
الحل بيدج انتي، إذا مو قادرة تتجاهلين تصرفاتهم، حلي الموضوع بنفسج لا تنتظرين منه تدخل! كوني حازمة معاهم لكن بإحترام، لأنهم أهل زوجج و هو ما يرضى الغلط عليهم حتى لو كان معترف فيه!
أعرف كثير صبروا و طنشوا لكن في النهاية اضطروا يحلون الموضوع بأنفسهم بدون تدخل الزوج، و الحمد لله مرتاحين كثير... و بيني و بينج أهم شي راحة البال!
موفقة عزيزتي F:
الله يوفقج ان شاءالله ويسهل عليج ويسر لج يارب
والله يكتب لج اللي فيه الخير والصلاح
وزوجج وحيدهم ومثل ماقلتي بين نارين وهم هله وبيتمون هله وانتي زوجته وحبيبته وام عياله
لو عندج مكان خاص فيج لاتقعدين وياهم وايد خصوصا بوجود هالاخت الكبيره
وخلي خدامتج معاج
الله ايسر لج ويقومج بالسلامه يارب
زوجج لاتحرمينه من حقه
بس ادبيه لاتطوفينها له
ودامه يحبج ويمووت فيح حتى لو بدون ماتتكلمين بروحه بيحس وبيعتذر
من نفسه
انتي لاتقاطعينه نهائيا لااا كلميه وردي عليه ولو فتح موضوع سولفي
بسسس مب زي الاول شدي شوي قللي ضحك
خله يتحسف
حبيبتي
لازم تفهمين شخصيه زوجج اولا
مو كل الرجال مثل بعض
وسكوته مو يعني عاجبه بس هذا طببببببعه شو تسوين فيه ماتقدرين تغيرين هالشي
عشان جي
سدي الباب الي يجي منه الريح
تعلمي شي في حياتج وانا اختج
خذي حقج بييييييدج لا تترين حد ياخذه لج حتى لو زوجج
لا تلومين الرجال تراه بين نارين رضاج انتي ورضا اهله
عشان جي يسكت بعد شو تسوي حطي نفسج مكانه
والرجال يحب المره الي تاخذ حقها بيدها
ردي ع اخت زوجج بس رد محترم مو تسوين وياها ضرابه وخناقه
لا قولي لها تبعد عنج وماتتدخل فيج
بدون ما تدخلين زوجج طرف فالمشكله
ابعديه عن المشكله بكبرها ولالالالالالالا حتى تقولين له شي جدامه
لالا تتكلمين فالموضوع
ولا تسوين حركات اهجره فالفراش ولا ما اكلمه ولا ولا ولا من هالحركات لاحد يحطه براسج لان انتي الخسرانه اخر شي
عامليه مثل باقي الايام عاادي هو ترى ما عصب عليج الا لانج انتي سفهتيه مو جي العتاب يا اختي
مافي وحده تسفهه زوجها مثل ما انتي ماتحبين هو يسفهج
عاتبيه بحنان مو جي
بيني له انج حزينه مو انج تقطعين واجباتج الزوجيه مو جي العقاب
وما اقول حزينه يعني تكسرين كل شي فالبيت والمطبخ لا
نظره حزينه ويه حزين
يعني اول شي خذي حقج بيدج
ثاني شي ابعدي زوجج عن مشاكلج مع اهله
ثالث شي عاتبيه بحزن مو تهجرين وتعصبين عليه
B
BINT EL BAHRAIN
عروس ماسية
13-07-2011 | 10:59 PM
الله يهدي أهل زوجج و إن شاء الله أزمة وتعدي
الصراحة البنات ماقصروا جزاهم الله خيراً
لا تضايقين روحج حبوبة إن شاء الله تقومين بالسلامة أنتي و البيبي :)
&
❥ بَـحّـة قَصْيٍـِد ❥
عروس ماسية
13-07-2011 | 11:08 PM
جامليهم وطنشي اي اذيه منهم عشان زوجك .. وربي يكتب لك الاجر يارب
وش ما يسوون طنشيهم و اذا ع
الشغالة هي بتصرف احسن من تتدخلي
و يسون لج مشكلة و حاولي ان ما تدخلين
زوجج بمشاكلهم بالمرة احمدي ربج ان زين
وياج يا في رجاجيل ما يعاملون زوجاتهم مثل
اهلهم و ترى الرجال ما يحب المرة الي تصارخ و
تزن ع راسه و تصيح خصوصا وقت الي بينام
{ ش تتوقعين منه يعني بذمتك؟؟؟؟؟؟..~
انا مالومه زوجك بصراحة بين نارين
كيف انه يرضيك انتي ويوقف بصفك ويعرف انك ع حق
وكيف انه يرضي هله وهو وحييييييدهم
وبعدين ش دخل زوجك تمنعينه عن حقه الشرعي؟
تعرفين الي تسوي كذا تلعنها الملائكة
لان زوجك بيزعل عليك
هذا مو حل من مراة عاقلة وفاهمة وواعية
عيب عليك مايصير كذا ش دخله هو؟
المشكلة الي صايرة بين خواته وبينك
هو ماله علاقة بالموضوع
مو هو الي قال لخواته سوي وقولي علشان تحاسبينه
اكييييييييد بيسكت
ش توقعين منه يقول يعني؟
قالك مرة مرتين انك ع حق علشان تفضفضين لا اكثر !
مو معناته تقلبين البيت حرب بينه وبين اهله علشان بس انتي وشغالتك ترضين
اختي يعني شغلي مخك بعد
ف اشياء ماتنحل بالمخاصم والكلام والعتاب والزعل ومد البوز
ف امور تنحل بالتطنيييييش
مشي امورك خلي الحياة تمشي
مايسوى عليك تخربين حياتك علشان تعليقات عابرة
وع من يعني ع شغالة !!!!!!!
ماراح تبكي عليك شغالتك اذا بكرة وبعده اختربت حياتك الزوجية وعلاقتك الخاصة باهل زوجك
يكون بعلمك محد خسران الا انتي
ف اعقلي احسن لك
وخلي عنك الحساسية الزايدة
طنـــــشي
لاتدورييييين ع العظم حتى تحطينه بالبلعوم
لاتصير النكد عندك هواية تمارسينها
عيشي حياتك واتركي الي مايهمك ولاتجلسين تدققين
فلانة قالت وفلانة سوت وفلانةوفلانة
محد راح يدخلك الجنة يعني
ورضى الناس غاية لاتدرك
ذبحتي نفسك وذبحتي زوجك
فكي عن هالسالفة وخلاص سكري الموضوع
مايحتاج كل هذا منك
اهتمي بنفسك وبطفلك وتثقفي افضل لك من تفسير كل كلمة وكل مقولة ع اساس انها عنااااااااد فيك
رووووووقي خليك كووووووووول
وخذي نفس !
حبيبتي لا تصرعين زوجك كل شوي بشكاوي هو يرجع تعبان ويريد يرتاح يعني ما معقولة تأثر فيك اخته وغيرها ومثل ما قالت الاخت كادي هو ما بيرضى انك تتكلمي عن اهله ويوقف بصفك الله يسعدك
كادي الدلوعه;15362864:
الله يكـــــــــــون بعونك ياقلبي ...مشكــــــله اذا الوحده سكنت مع اهل زوجها الصراحه ..:(
لانو ياحبيبتي من الطبيعي تلاقي منهم مشكله تعكر حياتك ..
انتي الان انسانه حامل ونفسيتك مع الحمل اكيد بتختلف .. بتكوني حساسه اكثر ..
انتبهي لنفسك محد ينفعك ياقلبي ..
وبعدين اخت زوجك مو ساكنه معكم بنفس البيت تجيكم زيارات فقط ..يعني هاذي ساهل امرها احقريها ..خليها تتكلم براحتها ع الشغاله ..
هي الشغاله عندها لسان تتكلم فيه تتدافع عن نفسها اكيد ...
وانتي تسمعي في بلاوي الخدم هالايام ...
من ناحيه زوجك انتي تبيه ياخذ حقك من اخته او امه او او اي احد يغلط عليكي قدامه او زعلك بكلمه .........
من هاذي الناااااحيه انسي الموضــــــــــــــوع لانه مستحـــــــــــــــــــيل يتكلم :-#
حتى لو انه عاااااااااااارف انهم غلطانين وانه معك حق ..
بس يضلووون اهله ...
الرجال اهم شئ عنده ماتنقال له كلمه زوجتك راكبه على راسك ..:|
لانه مافي رجال بيرضى بهالكلمه ...:cool:
وانتي قلتي من الاول احنا متفاهمين وعاقلين ومبسوطين ويا بعض ..:cool:
اجل ليش تخلي ناس مايحبون لك الخير والسعاده يخربون عليكي هالاجواء ؟؟؟F:
انتي عارفه ...؟انه حتى لو تكلم تحسبين انه بينتهي الموضوع هنا ؟؟؟:clock:لاااااااا حبيبتي بلعكس بتكبررررر وبتكبرررر اكثـــــــــر خصوصا انك ساكنه معهم بنفس البيت ؟؟
فخليك في نفسك وفي بنتك وبحملك وبغرفتك ...
والباقي طنشي ياقلبي :thumbs_up:
والخدامه اهم شئ انها كويسه معاك ..
خلاص هذا يكفي ..
ماعجبتهم هما حرين اصلا مابتشتغل عندهم :rolleyes:
انتي تقدري تقولي لشغاله بينك وبينها ..
ماعليك منها اذا خاصمتك او كلمتك لا تردي عليها ..اهم شئ مدام وبابا وبس ...:rolleyes:
صدقيني راح تحلها الشغاله معها ;)
وبعدين فهمت منك انه زوجك يجيك يومين بالاسبووع ...من العمل
طيب مو حرام المسكين يجي بعد هالغيبه على صوت الصراخ والصياااح وعملو لي وقالو لي .......
لااا يختي انتي حرام اولا تتمنعي من رغبته وحقه كزوج معك :o
وثانيا الرجال جاي يستريح في بيته ..
لا تخلينه يهرب لوحده غيرك في غيابه ..
من المشاكل الي يسمعها منك ...
انتي مدام عندك راتب وموظفه
سويله مفاجأه كل بين فتره وفتره ..
خذي فندق باليومين الي يجي فيها ونامو فيه بعيد عن الاهل ...
وخليه ينبسط وانتي كمان تنبسطي بعيد عنهم شويا ...
وربي ان شاء الله يقومك بالسلامه ويبعد عنك كل ر ياارب :):):)
ماشا الله تبارك الله كفت ووفت :thumbs_up: