قصة ولادتي المتعبه الطويله

ف

فرراشة1

عروس مشرقة

11-07-2011 | 11:20 PM

بسم الله راح ابدا اكتب لكم قصة ولادتي لكن ليس لترهيب والتخويف أنما خوفا تمرون بالي مريت فيه طبعا من دخلت الشهر السابع والحمل كان ثقيل على وكل ماروح لدكتوره وتشوف بطني تقول الجنين حجمه كبير ووزنه في تزايد وكنت أتعب بسرعه على اقل مجهود ولمادخلت الشهر الثامن وأخذت منه اسبوعين حسيت الساعه تسع بالليل بتقلصات وتحجر في بطني لدرجه يضغطني بطني مع ألم كنت ساعتها مرهقه مره وتعبانه من شغل البيت ورحت غرفتي استرخي وضطريت انوم بناتي بدري بس لاحظت أني موقادره أنام وعيوني مو قادره أغمضها وكل نصف ساعه يجيني تحجر موألم وضليت في السرير لين أذن الفجر صحيت زوجي وصلى وبعدها جلس مانام وأنا رحت انام حاولت والألم يزيد جلست على سريري لخمس ونص دخل على زوجي وقال ليش جالسه قلت احس أن معي طلوق من البارح قال خلينا نطلع للمستشفي ونشوف طلعت للمستشفي وسوو لي تخطيط وطلع في الجهاز طلق ومنتظم كل خمس دقائق وقالوا تنويم وجابوا لزقه ذهبيه صغيره ولزقوها على بطني وقالوا هذا مسكن يهدي الطلق وحطوا لي غذايه فيها سكوبينال علشان يهدى الطلق في البدايه استمر الطلق ثلاث أيام وخلالها أعطوني اربع جرعات أبره الرئه بين كل جرعه وجرعه ١٢ساعه وفي اليوم الرابع هدا الطلق وستقر واليوم الخامس توقف نهائيا وخرجت من المستشفي واعطوني حبوب مهدئه لطلق استخدمتها اسبوع وتركتها اخر اسبوع من الثامن كانت تسبب لي خفقان سريع في القلب هذا اهم عيوب هالحبوب و قبل ماكمل الشهر الثامن بيومين كان يوم جمعه من العصر وأنا أحس بألم اسفل بطني وتحجر منتظم مع ألم أثناء التحجر يضغط على ظهري ورجولي وكان ساعتها الوالده مشغوله بزواج أحد قرايبها وماحبيت أقول لها شي لاني حبيتها تحضر الزواج وارسلت الوالده علي وحده من خواتي تجلس عندي لن زوجي مسافر اول ماجات أختي قالت وجهك مغمق وش فيك كنت ساعتها متضايقه مره ومكتئبه ومارديت عليها عاد أنا معروفه من اتضايق وأكتئب مارد على أحد أنسدحت على الكنبه ولاحظت كل خمس دقائق بدفع على اسفل طبعا بدت دقات القلب تزيد بس مازلت مصره على أني ماروح إلا أذا أمي راحت لزواج لأن أخوي إلي بوديها لازم هو إلي يروحني للمستشفي طبعا ساعتها كنت مطمنه لأن سبق وأخذت ابرة الرئه والدكتوره طمنتني أن لو حصل ولاده اول التاسع ماراح يحتاج الجنين حضانه وضليت اطلق لين الساعه ١١ونصف قلت لختي انتبهي حق بناتي بروح لغرفتي أنام دخلت الحمام ولاحظت نزول إفزازات بنيه ارتعت اتصلت حق أخوي وسألته وين هو وكان في الزواج وقلت له تعال ولاتخبر أحد وجاء بعد نصف ساعه وجاب أختي الكبيره معه وطلعنا للمستشفي رحت قسم الطوارى وسألوا عن اسم دكتورتي وتصلوا عليها طبعا طلعوني فوق قسم الولاده وأعطوني لبس من عندهم وجابوا العدو الدود التخطيط ياني أكرهه وتعقدت منه وركبوا حق الطلق ونبض الجنين كان فيه طلق لأني صرت خبره فيه ولاحظت أن الطلق منتظم وجات دكتوره مناوبه وشافت الجهاز وقالت معاك طلق ودكتورتك بتجي الصباح وطلبت منا نوقف الطلق قلت ليش توقفونه وأنا اول التاسع قالت باقي يومين عالتاسع والدكتوره امرتنا وراحوا جابوا لزقه ذهبيه لازقوها على بطني وعبر الوريد حطوا اسكوبينال وأعطوني اول جرعه لأبره الرئه قلت سبق وأخذتها قالوا نعرف وهذا من دكتورتك بكره الصباح اسأليها ومن جيتهم وجهاز التخطيط على بطني طفشني وصرت كل نصف ساعه اتعذر بالحمام عشان يفكونه كانوا قمه بالتعامل بس كثر الأهتمام يطفش بعد كل خمس دقائق داخلين علي لين الساعه ٨ الصباح جات الدكتوره أيمان وشافت التخطيط وقالت الطلق بدا يرتفع راح نشوف بعد مرور ٢٤ساعه أذا ضل مرتفع راح أوقف مهدي الطلق لأن مانقدر نضغط الرحم أكثر من كذا وقلت طيب ليش ماتوقفينها الحين وتخليني ألد وارتاح قالت أنتي حملك جاء بعد اجهاض ومانعرف أذا انتي دخلتي التاسع او لا لأن مانحسب على تاريخ ألأجهاض صحيح السونار يقول باقي يوم عالتاسع بس بعد ماعتمد عليه راح احاول ماتولدين إلا بعد اسبوع اضمن وطلبت من الممرضه تزيد جرعه الأسكوبينال وتزيد حجم اللزقه إلي على بطني وراحت وضليت أنا والتخطيط وممرضه داخله وممرضه طالعه لين ١٢الظهر جات الدكتوره أيمان وشافت التخطيط وطلع الطلق في تزايد وقالت صباح الأحد لو ماوقف حنا راح نوقف كل شي ونتركها على الله وفعلا ماوقف جاتني شالت الزقه وقفت الأسكوبينال وسبحان الله من بعد ماشالوها بدا الطلق يتباعد وتخف شدته

ورتحت لأني عشت عذاب مع هاليومين من الطلوق وكل ماركبوا التخطيط تقل الطلوق أكثر لين ١٢بالليل جات دكتورتي وقالت اليوم طلقك خف الحمدلله فأكيد لو رجعنا لزقه البطن والأسكوبينال راح يوقف نهائي وبكره نخرجك قلت اوكيه ورجعت لي العلاج مره ثانيه تعتقدون وش صار ههههههههههه اول ماحطوا اللزقه والأسكوبينال رجع الطلق مره ثانيه دكتورتي انجنت قالت أنتي شكلك في قلق لما نقول ولدي من القلق تبرد الطلوق وأذا قلنا نوقف الطلق ترتاحين وترد لك الطلوق طبعا اصبحنا على الأثنين لما صليت الفجر دعيت ربي من قلب يكتب لي إلي فيه الخير طبعا ماراح تصدقوني لو قلت لكم من الجمعه مانمت ابدا وكل شوي يطفوا النور ويحاولوا فيني أنام وماقدرت نرجع لموضوعنا وضليت بعد الصلاه استغفر لين أصبحنا كانوا مانعين عني الأكل من الأحد الصباح ركبوا جهاز الطلق وصار الطلق واقف نهائي كانت الساعه ٨ كنت جوعانه مره جابوا الفطور وكنت متحمسه أكل بس لاقافتي قلت خل اروح للحمام افضي وأخذ راحتي بالأكل هههههه اول ماخلصت وقمت لاحظت نزول قطرات على ارجولي قلت أمكن بقايا بول مسحت بالمنديل لاحظت اللون مو اصفر صرت اضغط كأني بتبول وينزل بقوه وحطيت منديل ودقيت الجرس إلي بالحمام وجاتني الدكتوره تركض في الحمام وراويتها المنديل وقلت هذا مويه صح قالت إيه طبعا صحيح لي تجربتين سابقه بس ماعمري شفت مويه الجنين لأن ماتنفتح الا وأنا عالسرير الولاده وجاتني الدكتوره المناوبه وسوت فحص وقالت مفتوح اربعه ولبسوني فوطه بيتأكدوا هي مويه الجنين اولا وصارت المويه تنزل على طول وشالوا الفطور اخخ عالقهر وقالوا كملي صيام لأن يخافوا من تتحول الولاده لعمليه وجات الدكتوره إيمان على طول وقالت هذا امر ربنا خلاص الحين بنحاول نولدك نخاف تنشف المويه عالجنين شالت الزقه المهديه والاأسكوبينال حطت الطلق الصناعي أوووه من اول ماحطته والطلق حامي حاولت اتماسك وأخذ نفس وحطو الكمام وماجاب

حطو الكمام وماجاب فايده بس يكتم وبس وصرت ارميه وهم يردونه لاحظت كل ماأخذ نفس سريع يخف الألم دقيقتين ويرجع دخل على زوجي مع أني من أشد المعارضين لدخول الزوج بس خدعني وجاء يحاول يخفف عني بالعكس من شفته صرت أبكي وحاول يهديني بس أنا تضايقت من دخوله أكثر طبعا هوماتحمل منظري ابدا وطلع جلس برا وأنا بس اسأل الممرضه كم باقي اولد وكأن العلم عندها بس والله مو مني من إلي فيني وهي تقول كل ساعه يفتح سانتي أن شاء الله حسبت قلت ان شاء الله العصر راح ألد وكان عندي ممرضه جالسه عندي تهدي فيني وأنا عيني بس عالساعه وكل ساعه تجي الدكتوره إيمان تكشف ولسا اربعه بس كان مع الكشف شكلها تسوي تحريض لان كشفها مو طبيعي كرهت شي اسمه كشف راح احاول أختصر لأن قصتي طالت ضليت اطلق من ثمان صباح الأثنين لين ثمان صباح الثلاثاء وأعطوني مسكن صرت أغفى بين كل طلقه وطلقه وجاء مغرب الثلاثاء وصار الرحم خمسه وصار عندي شويه أمل بس جات لدكتوره وكشفت وقالت الراس مو راضي ينزل والجنين نبضه مره زين ومره لا شكلي بحولها قيصري بس أنا مستخسره القيصري فيه لأنه صغير مره فحرام افتح بطنك وكشفت وصار سته بس ساعتها معاد اتحمل صرت أخذ نفس سريع احاول أهدي الطلق ومرات اصرخ وزوجي أذا شافني صرخت دخل علي ولماشاف حالتي طلب من الدكتوره تسوي قيصري بس ارفضت لدرجة أنهم تأذوا من زوجي من كثر مايحن عليهم قالت له الدكتوره روح للبيت ولاتجي إلا الصباح ماراح تولد زوجتك إلا بكره ههههه كانت تصريفه بعدها خلاص صار ماعاد فيني حيل ابدا لأن ثلاث أيام ماكليت وطاقتي راحت والساعه ١١ جات أكشفت بعد ماسمعت صرختي طالعه من قلب وقالت سبعه بس خلاص راح تولدي قلت أحلفي دكتوره صارت تضحك وتقول والله مابكذب خلاص راح تولدي قربتي ونادت الممرضات ودفوني بالسرير لغرفة الولاده وشفت فيها ولاعشر ممرضات ونقلوني عالسرير ابوشناكير بس لبسوني بنطلون بس مفتوح من تحت وجابوا جنبي ستاره وخلوا دكتور الأطفال مع اجهزته وراها لأنهم مايدرون عن وضع أبني كيف راح يكون

وضليت من الساعه ١٢ وأنا ادفع لين وحده وموراضي يطلع وصاروا يشجعوني بس طاقتي انتهت خلاص لين وحده وربع صباح الأربعاء دفعت بكل قوتي وسمعتهم يصفقون والدكتوره تصرخ عالممرضه العيل مخنوق بالحبل السري ارتعت بس ربي ستر كان ملتف على رقبته مرتين وهذا السبب إلا كان مخليني اطلق عالفاضي لومسوين سونار كان مفروض عمليه ولادتي بس الحمدلله على كل حال وشافه الدكتور والحمدلله كان تنفسه طبيعي لفوه وجابوه لي حبيته وخذوه للحضانه وضلت الدكتوره تسوي الخياطه تجميليه مع إني ماطلبت منها تجميلي بس كانت دكتوره بقمة الروعه ظلت اربع أيام معي مانامت كل ساعه كانت تجي تطمن عني لدرجه ولادتي كانت فرحه بالنسبه لها لن لها اربع أيام تعاني معي كانت تقولي كل ماجي اغمض عيوني اتذكرك واجي أشوفك كلمة روعه قليله بحقها وبعد ساعتين جابوه لي ارضعه أتصلت على زوجي ابشره نصف ساعه وهو عندي مع أمي وظل لصبح مو مصدق انه جاله ولد وهذي قصة ولادتي ادري انها طويله بس حبيت تعيشون معي أحداثها وسميت ولدي فارس انضم حق خواته افنان واريام ربي يصلحهم ويهديهم دعواتكم وربي ييسر للحامل ويعطي المحروم يارب

n

najmat " sama2

عروس ذهبية

11-07-2011 | 11:48 PM

يا حبيبتي ألف حمد الله على سلامتك الله يجعل الألم من مغفرة الذنوب ..

شي صعب أكيد أن بس أتخيل لسة ماجربت ..

على كل حمد الله على سلامة

&

ḾỈṦṦ..ŁǾŁǾ

عروس مشاركة

12-07-2011 | 12:12 AM

ماشاء الله الف مبرووووك وصووول فارس يتربى بعزكم يارب
الف حمدالله على سلامتك خيتووو قصتك رهيبه

ز

زهرة اللاوند

عروس مبدعة

12-07-2011 | 12:12 AM

الحمدلله على سلآآآآآآآآمتك ي قلبي ويتربى بعزكم
و الله يخليه لك ي رب ويكبر ويعوضك عن هالتعب

n

najmat " sama2

عروس ذهبية

12-07-2011 | 12:21 AM

أن افتكرت مافي تكملة ههه عجولة ..

حبيبتي ألف ألف حمد الله على سلامة

و مبروك البيبي الله يخليه لكم و يحفظه يتربى بعزكم

ض

ضياء الجنه

عروس رائعة

12-07-2011 | 12:24 AM

الف الف الف حمدلله على سلامتك وربنا يخليلك ابنك وبناتك يارب ويحميهم ويحفظهم ادعيلى ربنا يرجعلى بنتى من الحضانه بالسلامه

ب

بيْلسان

عروس نشيطة

12-07-2011 | 02:11 AM

يتربى في عزك .. ومبروووك الولد
اندمجت مع القصة هههههههه ..

أ

أم البراء K

عروس مشاركة

12-07-2011 | 03:24 AM

فراشه الف مبرووووووووووووك ياعمري ع ولادتك والحمدلله ع سلامتك
والله يجعله ذرية صالحه بإذن الله..

ا

ام الحر@

عروس رائعة

12-07-2011 | 05:38 AM

تاثرت وانا اقرا القصة

الحمدلله على سلامتك

ويتربى في عزك وعز ابوه

ربي يصلحه ويهديه هو واخواتة

Z

Z A H R A

عروس رائعة

12-07-2011 | 07:50 AM

الحمدلله على السلااامة فرووووشة ^___^ عقبالنااا

~

~▌♥ الثلجة♥البيضاء♥▐~

عروس مبدعة

12-07-2011 | 08:07 AM

اندمجت في قصتك كتير الحمدلله انك ولدتي بالسلامة
يتربى فارس في عزكم يا رب و ان شاء الله بتشوفي عريس

ن

نور عيني A

عروس جديدة

12-07-2011 | 08:17 AM

الحمد لله على سلامتك والف مبروك على ولدك فارس
بس مره عذاب الطلق مااستحملته اربع ساعات كيف انتي تعذبتي ايام

ا

الدنيا 2005

عروس نشيطة

12-07-2011 | 09:15 AM

الله يخليه لش يا فراشة وتشوفينه معرس والحمدلله على السلامة وانجان زين مستشفياتنا في البحرين جدي

&

ۈرۈد متسآقطـﮧ |~

عروس مشاركة

12-07-2011 | 10:00 AM

الحمد الله على السلامة
ويتربى فارس بعزكم يارب
وعقبال ما تشوفينه معرس

*

*بنوته عسل*

عروس نشيطة

12-07-2011 | 11:45 AM

ياااااااااااااااااه يافراشة

كل هالايام وانتين تطلقين
الله يساعدك صدق

والحمد الله على سلامتك اهم شي فروس شرف وهو بصحة وسلامة
الالم كله بيتنسي ان شاء الله

ا

ام نيلا

مشرفة سابقة

12-07-2011 | 01:13 PM

مبروووووووووك

وتستاهلين السلامة

S

SomeOne1

عروس متألقة

12-07-2011 | 02:19 PM

فروووووووووشة
اول شي ألف الحمدالله ع السلامه

وعن جد معانه بس الحمدالله انك ولدتي طبيعي

عن جد خفت من الولاده

لانه كل مره شي غيرر
الوحده ما تعرف شنوو يصيدهااااا

بس اهم شي
انك قمتي بالسلامه
وشفتي فرووس بين ايديييينك .... :)

A

Arch L0L

عروس نشيطة

12-07-2011 | 02:52 PM

الف مبروك والله يقومنا متلك بالسلامة يارب

ا

القلب الحنون25

عروس مبدعة

12-07-2011 | 02:56 PM

الف الف مبروك والحمدالله على السلامه

الله يهديه ويصلحه اهو وخواته

ف

فرراشة1

عروس مشرقة

12-07-2011 | 03:46 PM

مشكورات خواتي وربي يبارك فيكم جميع وفعلا مثل ماقلتوا شوفة ولدي وفرحتي فيه نستني كل شي والحمدلله على كل حال وربي يسهل عليكم يابنات تجمع أغسطس ويسهل عالجميع ولادتهم ويرزق المحرومه يارب . الدنيا 2005 على فكره ترى عندنا وعندكم خير أغلب مستشفياتنا الحكوميه فيها قل اهتمام بس هالمره قلت خل اجرب خاص ورحت للالماني وماشاء الله عندهم اهتمام من اول ماحملت راجعت فيه لين الولاده والحمدلله على كل حال