كل يوم هنتكلم عن موضوع جديد لصحه طفلك ..الجزء الثالث

السلام عليكم ورحمة الله وبركالتة ازيكم ياقمرات وازيك يادكتورة دونى ليا استفسار شخصى ليا جايز ميكنشى ليه علاقة بتخصصك بس انا اعرف ان الدكارة بيبقى ليهم لو فاكرة بسيطة عن الحاجاة انا راحت لدكتور عيون واخدت ىمنه ميعاد يوم السبت عشان اعمل عملية الليزر لعينى لان نظرى صعف جدا وكمان بقيت ازهق من النظارة والعدسات بس انا خايفة وناس خوفونى منها قوى وقلولى انى حتى بعد مااعملها هلبس نظارةو وهل هى ليها تاثير جنبى قدام مش كويس ولا اتوكل على الله واعملها وانتى تعرفى حد عملها ومش اشتكى منها وقوليلى اعمل ايه لانى خايفة قوى

nanoo99;15541572:
جزاك الله خير يادينا
ربنا يكرمك يااااااارب

جزانا و اياكى يا نانو

&pinky tears&;15550229:
دندووووووووووووووووووووووووونة والله انتى بتتعبى معانا ربنا يكتبها ف ميزان حسناتك وموضوعك ماشاء الله مازال مثمر وجميل وشيق
انا جايه اقولك وحشانى جدا:adore::adore:
مع ان عندى اسئله كتير بس ماتعرفيش ليه مش عاوزة اسال ولا اصلا اكتب :thumbs_down:

روروووووووووووووووووووووووووووووووووووووووووووووو اخيرا ظهرتى يا حبيبه قلبى و حشانى اوى عامله ايه انتى و البنات بعتلك رساله ع الفيس بوك بس اكيد ماخدتيش بالك
متغيبيش عننا كده تانى

M!ss Tuky;15552476:
دونى ازيك ياقمر

بصي تايا من قبل العيد وهى مش طبيعيه

مرت ب 3 ادوار

اول دور قبل العيد ب اربع ايام سخونيه شدييده ومش بتروح بالادوبه ودتها لدكتور قالى فيرس ف الحلق وادالى مضاد حيوي وكتافلاى للحرارة

وغلبتني لانها رفضت الدوا لدرجه انها كانت بترجعو حتى لو نزل بطنها وبترجع الى ف بطنها وحايلتها لحد ما خدتو اربع ايام وبقت الحمدلله وهو الكورس كان 5 ايام

المهم الدور التانى كحه ببلغن شدييده كلمت الدكتور ادالى امبروكسول نقط والحمدلله الكحه راحت

والدور التالت جالها اليومين الى فاتو سخونيه وترجيع واسهال

ادتلها كورتيجين والدكتور كتبلها ع كورس حقن 4 ايام ورا بعض وخافض وسميكتا وهى لازالت رافضه الدوا وكرهتنى ف الادويه الترجيع راح والاسهال بس سخنت النهردا تانى

وتايا مش عاجبانى خاالص المفروض اخر حقنه بكره والبنت مقريفه جامد وعماله تزن والجديد بقي بتعرق بطريقه غريبه لما بترضع حتى والجو حلو مش حر بتعرق بردو اووووى

وتانى حاجه محلول الجفاف م راضيه تاخدو وعندها حق طعمو وش اوى اعمل اييه البنت جسمها بينزل جامد

تالت حاجه مبتاكلش خاالص اعمل ايييه

توكى ازيك يا قمر الف سلامه على تايا
بصى اولا بالنسبه لترجيع الدوا ممكن طالما الاسهال راح خلاص تديلها دوا السخونيه لبوس بدال دوا الشرب
ثانيا بالنسبه للعرق دى حاجه طبيعيه جدا الايام دى الدنيا حر و كمان مع السخونيه اللى عندها طبيعى انها تعرق مع الرضاعه لانها بتبذل مجهود و هيا بترضع

محلول الجفاف فعلا طعمه مش حلو بس فى نوع اسمه هيدروسيف طعمه حلو الى حد ما يمكن تتقبله و لو متقبلتوش عوضيه بالسوايل العاديه

بالنسبه للاكل دى حاجه طبيعيه مع الدور اللى عندها مع الوقت شهيتها هتبدا ترجع ان شاء الله

sally2007;15555212:
السلام عليكم ورحمة الله وبركالتة ازيكم ياقمرات وازيك يادكتورة دونى ليا استفسار شخصى ليا جايز ميكنشى ليه علاقة بتخصصك بس انا اعرف ان الدكارة بيبقى ليهم لو فاكرة بسيطة عن الحاجاة انا راحت لدكتور عيون واخدت ىمنه ميعاد يوم السبت عشان اعمل عملية الليزر لعينى لان نظرى صعف جدا وكمان بقيت ازهق من النظارة والعدسات بس انا خايفة وناس خوفونى منها قوى وقلولى انى حتى بعد مااعملها هلبس نظارةو وهل هى ليها تاثير جنبى قدام مش كويس ولا اتوكل على الله واعملها وانتى تعرفى حد عملها ومش اشتكى منها وقوليلى اعمل ايه لانى خايفة قوى

ازيك يا سالى يا حبيتى
بصى يا سالى بالنسبه لعمليه الليزك اللى اعرفه عنها انها عمليه كويسيه جدا و بتريحك من لبس النضارة و العدسات بس اهم حاجه انك تعمليها عند دكور شاطر اوى و متمكن لان ممكن لو عملتيها عند دكتور مش شاطر تفشل العمليه و فى الحاله دى زى مقالولك هتضطرى تعملى نضارة دا معناه انه معملهاش صح
بالنسبه لاثارها الجانبيه دى بتكون فى الايام اللى بعد العمليه على طول ممكن يحصل شويه احمرار او حساسيه للضوء او اكلان فى العين او يحصل تجمع دموى تحت الملتحمه
تانى حاجه ان ممكن العين متستجيبش كويس للعمليه و يبقى فاضلها درجه فبتحتاج لجلسه تانيه
بالنسبه لسؤالك انا فعلا اعرف واحده صاحبتى عملتها و كويسه جدا و مبقتش تلبس نضارة

و اقرى الكلام ده انا جايباهولك من النت استشار ى عيون هو اللى كاتبه
الليزك
• كيف ترى العين بوضوح ؟
كثير من الأشخاص المحظوظين حول العالم يتمتعون بنظر سليم،
وبالنسبة لهؤلاء فإن الضوء يمر من القرنية إلى العدسة في مقدمة العين
ويتركز بشكل صحيح على الشبكية في الجزء الخلفي من العين .
وتقوم الشبكية بعد ذلك بتحويل الضوء إلى إشارات كهربائية وتنقلها
إلى المخ الذي يترجمها إلى الصور التي نراها

عيوب الإبصار
حوالي 50% من الناس حول العالم يعانون من عيوب الإبصار أو من ضعفه .
وأهم تلك العيوب :

ويظهر عندما يكون تحدب القرنية أو المسافة بين عدسة العين
والشبكية أقصر من الطبيعي . وبالتالي فإن الضوء يتجمع أمام الشبكية
بدلاً من التجمع على سطحها مباشرة مما ينتج عنه
عدم وضوح الرؤية عند النظر للأجسام البعيدة .

يحدث عندما تكون القرنية مسطحة أو عندما تكون المسافة
بين عدسة العين والشبكية أطول من الطبيعي . وبالتالي فإن الضوء
يتجمع خلف الشبكية مما يؤدي لعدم وضوح الرؤية عند النظر للأجسام القريبة .

يحدث عندما يكون سطح القرنية محدباً بشكل غير منتظم
مثل ظهر الملعقة بدلاً من أن يكون محدباً بانتظام كزجاجة الساعة .
وذلك يعنى تجمع الضوء في عدة نقاط على الشبكية مما يؤدي لعدم وضوح الرؤية .

أفضل علاج لعيوب الإبصار :
حتى وقت قريب كان العلاج الوحيد لعيوب الإبصار هو استعمال النظارات الطبية
أو العدسات اللاصقة ولكن في الخمسة وعشرين عاماً الأخيرة زاد الإقبال بنسبة كبيرة
على تصحيح النظر بالليزر كوسيلة فعالة لتصحيح مثل هذه العيوب ،
فلقد أجريت مليون و ستمائة الف جراحة في العام الماضي بالولايات المتحدة
ومن المتوقع إجراء اكثر من مليوني جراحة هذا العام ،
ويمكن لتلك الجراحة أن تعالج قصر وطول النظر والإستجماتزم
من خلال التغيير الدقيق لشكل القرنية .
الإكزايمر ليزر :
استعمال تقنية الإكزايمر ليزر المتقدمة تضيف دقة متناهية لجراحات العيون .
الليزك :
تعنى كلمة الليزك تعديل شكل القرنية باستعمال الليزر فتستعمل أداة دقيقة
تسمى الميكروكيراتوم لإزالة طبقة رقيقة من سطح القرنية عدا جزء صغير
منها يبقيها متصلة بالعين ويتم إبعاده للخلف ، ويستعمل بعد ذلك الإكزايمر ليزر لازالة
جزء من النسيج الداخلي للقرنية ( يتم تقديره حسب نوع ودرجة عيب الإبصار)
ويتم بعد ذلك إعادة الطبقة السطحية للقرنية لوضعها الطبيعي
لتلتحم بدون الحاجة لأية غرز جراحية .

النجاح الجراحي في ثواني باستعمال الليزك :

الخطوة الأولى : رغم إنك ستظل مستيقظاً طوال جراحة الليزك إلا
أنك لن تشعر بأي ألم , فبعد وضع محلول مخدر بالعين يتم إبعاد الجفون
عن بعضها برفق باستعمال أداة طبية .
الخطوة الثانية : توضع حلقة صغيرة ماصة حول القرنية لتعمل كقاعدة لجهاز الميكروكيراتوم .
الخطوة الثالثة : يفصل سطح القرنية الخارجي باستعمال الميكروكيراتوم ، ويتم ثنيه للاعلى .
الخطوة الرابعة : سيطلب الطبيب منك النظر لضوء متقطع احمر
بينما يقوم الإكزيمر ليزر بتعديل شكل القرنية الداخلي وتستمر هذه الخطوة
من ثوان إلى دقيقتين حسب درجة التعديل الضرورية .
الخطوة الخامسة : يعاد سطح القرنية الخارجي إلى مكانه الطبيعي
ويترك ليجف لعدة دقائق .
الخطوة السادسة : قد ينصح الطبيب باٍستعمال بعض أنواع القطرات
أو تغطية العين لحمايتها .
وقد تشعر بعدم وضوح الرؤية بشكل بسيط ولذلك يفضل أن يكون معك أحد أقاربك أو
أصدقائك ليصطحبك للمنزل . وسينصحك الطبيب بالاسترخاء لبقية اليوم.
وكما ترى فإن تصحيح النظر بالليزك إجراء فعال وسريع وغير مؤلم بالمرة .

1. قصر النظر 2. طول النظر 3. الأستجماتزم سؤال وجواب
• هل عملية الليزك تؤلم ؟
معظم المرضى لا يشعرون بألم أثناء العملية بسبب استخدام مخدر سطحي
عبارة عن قطرة توضع بالعين لتخدير سطح القرنية .
• متى يمكن الرؤية بوضوح بعد إجراء العملية ؟
معظم المرضى يستطيعون مشاهدة التلفزيون بعد 4 ساعات من إجراء العملية ،
أما تحسن قوة الإبصار بصورة كاملة فتحدث خلال أسبوع إلى 3 أسابيع
ويختلف ذلك من مريض إلى أخر .
• هل من الممكن تحسن قوة الإبصار إلى درجة 6/6 أو 20/20 ؟
معظم المرضى يشعرون بتحسن قوة الإبصار مما يمكنهم من النجاح في اختبار
قيادة السيارات بدون ارتداء النظارة الطبية أو العدسات اللاصقة .
• ما هي مزايا عملية الليزك على عملية الليزر السابقة ؟
عملية الليزر السابقة تعالج سطح القرنية مباشرة بالإكزيمر ليزر
بعد إزالة طبقة الخلايا السطحية بينما عملية الليزك الحالية
تعالج الأنسجة الداخلية للقرنية ولهذا السبب تتميزعملية الليزك
بالألم البسيط، وسرعة الرؤية بعد 4 ساعات فقط من إجراء العملية،
وعدم حدوث عتامات على سطح القرنية، كما أنها تستخدم لعلاج مقاسات ضعف النظر الكبيرة .
• ما هي المخاطر الممكن حدوثها أثناء عملية الليزك ؟
عملية الليزك مثل أي عملية جراحية أخرى لها بعض المخاطر مما يتطلب خبرة جراحية كبيرة
لدى الطبيب المعالج ، ويسر الطبيب المعالج أن يعطى للمريض
المعلومات الكاملة المتعلقة بالعملية ومشاكلها حسب درجة ضعف النظر .
• هل سبق لأي شخص على الإطلاق إصابته بالعمى بعد عملية الليزك ؟
هذا الاعتقاد غير صحيح بالمرة وهذه شائعات ، و ليس لها أي أساس علمى
ولم يثبت أن هناك حالة واحدة أصيبت بمثل هذه الأضرار في العالم .
• هل من الممكن إجراء عملية الليزك للعينين في نفس الوقت ؟
في معظم المرضى (98%) نقوم بإجراء عملية الليزك بالعينين في نفس الوقت
والحالات المتبقية (2%) تجرى العملية بكل عين على حدة حسب رغبة المريض .
• ما هي نتائج عملية الليزك ؟
في حالات قصر النظر البسيطة تصل نسبة النجاح إلى (98%)
أما حالات قصر النظر أكثر من ناقص 6 درجات فتصل نسبة النجاح إلى (95%) .
• كم من الزمن سيبقى أثر العملية وهل سيعود النظر للنقصان في المستقبل ؟
من واقع المتابعة الدقيقة للمرضى الذين أجروا العملية منذ أكثر 12 عاماً
تأكد لنا ثبات نتيجة الجراحة مما يؤكد نجاحها على مر السنين .
• في حالة إذا لم تؤد العملية لتصحيح كامل للنظر هل من الممكن
تكرراها لتصحيح الباقي من قصر النظر ؟
نعم يمكن إعادة تصحيح الباقي من قصر النظر ولكن يفضل الانتظار
فترة 2 إلى 3 شهور بعد العملية الأولى لضمان ثبات قصرالنظر
ويجرى المريض عملية تكميلية لتصليح بقايا قصر النظر بعد العملية الأولى .
• هل جفاف العين يؤثر على نتيجة الليزك ؟
من واقع الدراسات التي أجريت على المرضى وجد أن جفاف العين
يؤثر على قوة الإبصار النهائية بعد عملية الليزك بسبب تأثيره
على سطح القرنية ولذا يجب استعمال القطرات اللازمة
لتعويض نقص إفراز الدموع قبل وبعد العملية .
• هل من الممكن استعمال عدسة أو نظارة بعد العملية إذا دعت الحاجة لذلك ؟
من الممكن إذا لم يرغب المريض في تصحيح الباقي من النظر
أن يستعمل نظارة أو عدسة لاصقة.
• كيف يعالج من هم في الأربعينيات ليستطيعوا القراءة ؟
معظم المرضى بعد سن الأربعين يحتاجون نظارة عند القراءة فقط
بعد إجراء عملية الليزك أو يمكن لعين بتصليح كامل لرؤية البعيدة
وإجراء العملية للعين الأخرى بتصحيح أقل للقراءة .
• ماذا يمكن أن يحدث لعيناي بعد عشرين عاماً من إجراء عملية الليزك ؟
لا يتوقع أن يحدث أي تغيير في مقاسات النظر
وقوة الأبصار بعد إجراء عملية الليزك الشيء الوحيد هو
احتياج الشخص لنظارة قراءة بعد سن الأربعين .
• هل عملية الليزك تم الموافقة عليها من قبل اللجنة الأغذية والأدوية الأمريكية ؟
نعم وافقت منظمة الأدوية والأغذية العالمية على إجراء هذه العملية
منذ أكثر من 12 سنة وأن كانت تجرى في أوروبا وأمريكا اللاتينية ومعظم بلدان العالم منذ أكثر من 17 عاماً .
• من هو الشخص الذي يصلح لعملية الليزك ؟
تصلح عملية الليزك للشخص الذي ليس لديه عيوب خلقية
او امراض في القرنية وخاصة القرنية المخروطية
• من هو الشخص الذي لا يصلح لعملية الليزك ؟
لا تصلح عملية الليزك لمن لديهم أمراض في القرنية أو عيوب خلقية
لا تسمح بإجرائها ويجب أن يقرر ذلك الطبيب المختص .
• متى أستطيع قيادة السيارة ؟
يستطيع المريض أن يقود سيارته بعد مرور يوم
على الأكثر من إجراء العملية .
• متى أستطيع العودة للعمل ؟
معظم المرضى يستطيعون مزاولة أعمالهم وحياتهم الطبيعية
بعد مرور يوم أو أثنين على الأكثر من إجراء العملية .
• ما النصائح التي تقدمها للمريض قبل إجراء عملية الليزك ؟
إذا كان المريض يستعمل العدسات اللاصقة فيجب أن يوقف استعمالها لمدة 4 ايام
قبل الكشف أو أسبوعين في حالة استعمال العدسات الصلبة
ويجب على المريض كذلك الاستعلام عن كل ما يتعلق بالعملية
ومدى نجاحها بالنسبة لحالته شخصياً من الطبيب المعالج .
• هل أجريت هذه العملية لأطباء عيون ؟
أجريت عملية الليزك لأكثر من ثلاثمائة طبيب منهم ستة وثلاثون من أطباء
العيون كما تعلم أنه لن يقدم عليها الأطباء إلا إذا كانوا متأكدين من نتائجها الممتازة .
• وهل يقبل الشباب على هذا النوع من الجراحة ؟
نعم ، يقبل الشباب عليها وهي في ازدياد مستمر ، خاصة بين
من يرغبون في الالتحاق بالكليات العسكرية ،
إضافة إلى الفتيات اللاتي لا يرغبن في ارتداء النظارات أو العدسات اللاصقة .
• هل يمكن إجراء الليزك للسيدة الحامل ؟
لا ينصح بإجراء العملية للحامل أو أثناء الدورة الشهرية .
• هل مرض السكر أو الجلوكوما ما يمنعان إجراء هذه العملية ؟
لا يمنع ، ولكن يجب تنظيم السكر والجلوكوما قبل إجرائها .
• هل الليزك هو العملية الوحيدة المتاحة حالياً لتصحيح ضعف النظر ؟
يعتبر الليزك هو الحل الأمثل لتصحيح درجات قصر النظرحتى 12 درجة
وحالات طول النظر حتى موجب 3 درجات ، كما يمكنه تصحيح الأستجماتزم حتى 4 درجات ،
أما الدرجات الكبيرة بالنسبة لقصر النظر ( أكثر من ناقص 12 درجة )
أو طول النظر ( أكثر من موجب 6 درجات ) فيفضل زرع العدسات داخل العين
وهي عملية أمنه ونسبة النجاح فيها تصل إلى 95%.

***هذه المعلومات مستقاة من مقالات باللغة العربية ومترجمة من الجمعية الامريكية لاطباء العيون و من الانترنت و من مستشفيات المغربي ومني شخصيا
و ان شاء الله نقصد بها التوعية العلمية والطبية
وشكرا

دونى ازيك و ازى سما
بقلك دومى دلوقتى بيزحف و بيقوم يقف و هو ساند على التربيزة او الكراسي
و ماما جبتله مشايه من يومين ينفع يقعد فيها دلوقتي
و كمان هو لغايه دلوقتى لسه مطلعلوش و لا سنه هو كده متاخر و لا ايه

sweetyronaaa;15556358:
دونى ازيك و ازى سما
بقلك دومى دلوقتى بيزحف و بيقوم يقف و هو ساند على التربيزة او الكراسي
و ماما جبتله مشايه من يومين ينفع يقعد فيها دلوقتي
و كمان هو لغايه دلوقتى لسه مطلعلوش و لا سنه هو كده متاخر و لا ايه

ازيك يا رونا لا مش متاخر ولا حاجه متقلقيش
هو عشان وقف الاول و بيمشى مسند
و بالنسبه للمشايه ممكن تقعديه فيها بس مش اكتر من ساعه واحده فى اليوم

توكي ألف سلامة علي تايا مش عارفه العيال دي مالها اليومين دول ربنا يشفيهم.. دينا عامله ايه و سما حبيبتي مفيش صورة جديدة لها بقي بلبس العيد كده؟ دلوقتي آدم الحمدلله بقي أحسن بعد الدور اللي اخذه بس امبارح بدأ يكح وفيه رشح بسيط أعمل ايه عندي بلسم بتاع الكحة و رينوستوب أديلو ولا فيه حاجة أحسن؟ و هو فعلا اللبوس أحسن من دوا الشرب ولا ده اعتقاد خاطئ بس؟ متحرمش منك ياقمر.. رورو حمدالله علي السلامة وحشتينا اوي بجد

~OM-ADAM~;15557632:
توكي ألف سلامة علي تايا مش عارفه العيال دي مالها اليومين دول ربنا يشفيهم.. دينا عامله ايه و سما حبيبتي مفيش صورة جديدة لها بقي بلبس العيد كده؟ دلوقتي آدم الحمدلله بقي أحسن بعد الدور اللي اخذه بس امبارح بدأ يكح وفيه رشح بسيط أعمل ايه عندي بلسم بتاع الكحة و رينوستوب أديلو ولا فيه حاجة أحسن؟ و هو فعلا اللبوس أحسن من دوا الشرب ولا ده اعتقاد خاطئ بس؟ متحرمش منك ياقمر.. رورو حمدالله علي السلامة وحشتينا اوي بجد

الحمد لله يا بوسى
انا نزلتلك صورة جديده بلبس العيد شوفيها ع الفيس

مش عارفه ايه حكايه الرشح و الكحه اللى عند كل الاطفال دى
ممكن ااه تديله البلسم و الرينوستوب و شربيه اعشاب دافيه
بالنسبه للبوس على حسب النوع و الجرعه
بس الاعتقاد الشائع فى الناس فى مصر لما تقولك اديتله لبوس السخونيه بيبقى قصدها على لبوسه الدولفين و دا غلط شايع عشان الدولفين على الرغم انه اقوى من الباراسيتامول بس مش بيستعمل قبل ميتم الطفل سنه

دونى تسلميلي يااارب وجزاكى الله كل خير

تايا بقت احسن بس النوم بقت وحشه اوووووى بتقوم اكتر من عشرين مره وهى نايمه تقوم تقعد وهى مغمصه عنيها وتفضل تعيط وتنام الناحيه التانى وتفضل تعيط ولازم يا اديلها صدرى او السكاته لما بتعب بقي بس طول الليل كده بجد اعصابي تعبت

صحيح يا دونى فطمتي سما ولا لسه ممممممممممممم

عشان انا عندي فكره ملحه اوى انى افطم تايا عند سنة وتلات شهور واقلبببببببب

بجد هروح اشوفها حالا يا دودي.. لا أنا مش بحب دولفين ده أصلا أنا جبت سليجون لأن بجد صدره تعب و مش بيعرف ينام من الكحة خالص.. بس كده تبقي الجرعة ايه من بلسم و سيليجون ولا مش ينفع مع بعض أصلا.. توكي أنا بسجل اعتراضي ثاني علي فكرة الفطام دلوقتي هم لسه صغيرين مهما كان السبب مصلحتهم أهم و صحتهم أهم.. صحيح أنا كل يوم وأنا بنيم آدم بفكر افطمه لأن الرضاعة مع الاسنان سخيفة جدا بس نعمل ايه.. دينا صحيح ينفع ابدأ بقي الفطام الليلي ولا لسه؟

دوني انا نفسيتي في الحضيض يوسف معدش بياكل بقاله كذا يوم رضاعة و بس و يبقى عمل فيا معروف لو اكل معلقة زباادي يبقى كتر خيره الصراحة بجد تعبانة و متضايقة اوي و قعدت اعيط و الله مش عارفة اعمله ايه انا خايفة عليه جدا و الله

دونى ربنا يجازيكي كل خير
معلش يا دونى هو المفروض وزن و طول ادهم يبقي كام تقريبا
و كمان سمعت دكتور مدحت الزيات الاسبوع اللي فات بيقول ان الطفل ميقدرش يمشي قبل ما يكمل 8 او 9 كيلو
الكلام ده صحيح و لا ايه
و كمان يا دونى انا كنت طعمته ضد الانفلونزا البكتيريه و خد جرعتين منهم و اتاخرنا على الجرعه التالته عادي ياخدها في اى وقت و لا كده خلاص مش هينفع ياخدها و تطعيم الست شهور كنت ادهتوله على سبع شهور الا كام يوم ااخر كمان تطعيم التسع شهور و لا ياخده في معاده عادي

بوسي هو ايه الفطام الليلي ده و ينفع من سن كام

السلام عليكم انا بنتي عندها سنه وشهرين والدكتور قالي عندها التهاب في الشعب الهوائيه نتيجه برد مكتوم لجوة من غير رشح لبره وكده وقاللي صدرها مليان ياعيني واداني مضاد حيوي ودوا اسمه سينوك للشعب الهوائيه وزيرتك واعشاب الكحه سيكم
المهم انا عايزة اسال على الاعشاب سيكم للكحه دي لقيت مكتوب عليها من بره لايستخدم للحامل والمرضع والاطفال الرضع وخفت اديهولها طبعا ومافتحتهاش اساسا بس ازاي الدكتور كتبهالها والصيدلي قاللي عادي انا مش عارفه اديها منه ولا ايه والف سلامه على ولادكم جميعا وربنا يشفيهم يارب

M!ss Tuky;15560477:
دونى تسلميلي يااارب وجزاكى الله كل خير

تايا بقت احسن بس النوم بقت وحشه اوووووى بتقوم اكتر من عشرين مره وهى نايمه تقوم تقعد وهى مغمصه عنيها وتفضل تعيط وتنام الناحيه التانى وتفضل تعيط ولازم يا اديلها صدرى او السكاته لما بتعب بقي بس طول الليل كده بجد اعصابي تعبت

ممكن يكون تسنين يا توكى على فكرة بصى كده فى بقها ممكن تكون بتطلع حاجه و لو كده اديها حاجه مسكنه قبل متنام

M!ss Tuky;15560479:
صحيح يا دونى فطمتي سما ولا لسه ممممممممممممم

عشان انا عندي فكره ملحه اوى انى افطم تايا عند سنة وتلات شهور واقلبببببببب

لا لسه مستنيه لما تتم سنه و نص ان شاء الله مع انها بجد بقت متعبه اخر حاجه و خصوصا انى فطمتها من التيتينه فبقت ماسكه فيا اكتر و كل متشوفنى عايزانى ارضعها بس اصبرى مجتش من 3 شهور

~OM-ADAM~;15560678:
بجد هروح اشوفها حالا يا دودي.. لا أنا مش بحب دولفين ده أصلا أنا جبت سليجون لأن بجد صدره تعب و مش بيعرف ينام من الكحة خالص.. بس كده تبقي الجرعة ايه من بلسم و سيليجون ولا مش ينفع مع بعض أصلا.. توكي أنا بسجل اعتراضي ثاني علي فكرة الفطام دلوقتي هم لسه صغيرين مهما كان السبب مصلحتهم أهم و صحتهم أهم.. صحيح أنا كل يوم وأنا بنيم آدم بفكر افطمه لأن الرضاعة مع الاسنان سخيفة جدا بس نعمل ايه.. دينا صحيح ينفع ابدأ بقي الفطام الليلي ولا لسه؟

لا ادى واحد منهم بس سيلجون كفايه
و الفطام الليلى ممكن يا بوسى بس لو قدرتى ع الزن بقى

dandona om jou;15560684:
دوني انا نفسيتي في الحضيض يوسف معدش بياكل بقاله كذا يوم رضاعة و بس و يبقى عمل فيا معروف لو اكل معلقة زباادي يبقى كتر خيره الصراحة بجد تعبانة و متضايقة اوي و قعدت اع يط و الله مش عارفة اعمله ايه انا خايفة عليه جدا و الله

ليه بس يا دندونه هو بيطلع سنان ولا ايه بالراحه معاه كده و متغصبيش عليه و هو غصب عنه لما هيجوع هياكل و كتتوتريش عشان توترك هيتنقله

sweetyronaaa;15561084:
دونى ربنا يجازيكي كل خير
معلش يا دونى هو المفروض وزن و طول ادهم يبقي كام تقريبا
و كمان سمعت دكتور مدحت الزيات الاسبوع اللي فات بيقول ان الطفل ميقدرش يمشي قبل ما يكمل 8 او 9 كيلو
الكلام ده صحيح و لا ايه
و كمان يا دونى انا كنت طعمته ضد الانفلونزا البكتيريه و خد جرعتين منهم و اتاخرنا على الجرعه التالته عادي ياخدها في اى وقت و لا كده خلاص مش هينفع ياخدها و تطعيم الست شهور كنت ادهتوله على سبع شهور الا كام يوم ااخر كمان تطعيم التسع شهور و لا ياخده في معاده عادي

بوسي هو ايه الفطام الليلي ده و ينفع من سن كام

المفروض الطول يبقى من 68:77 سم
و الوزن من 7.5:11 كجم

بالنسبه للتطعيم عادى ياخد الجرعه اللى اتاخر عليها و تطعيم التسع شهور يتاخد عادى فى معاده هو اصلا عبارة عن نقط شلل اطفال

بسبوسةميدو;15562852:
السلام عليكم انا بنتي عندها سنه وشهرين والدكتور قالي عندها التهاب في الشعب الهوائيه نتيجه برد مكتوم لجوة من غير رشح لبره وكده وقاللي صدرها مليان ياعيني واداني مضاد حيوي ودوا اسمه سينوك للشعب الهوائيه وزيرتك واعشاب الكحه سيكم
المهم انا عايزة اسال على الاعشاب سيكم للكحه دي لقيت مكتوب عليها من بره لايستخدم للحامل والمرضع والاطفال الرضع وخفت اديهولها طبعا ومافتحتهاش اساسا بس ازاي الدكتور كتبهالها والصيدلي قاللي عادي انا مش عارفه اديها منه ولا ايه والف سلامه على ولادكم جميعا وربنا يشفيهم يارب

لا عادى يا بسبوسه مش كل حاجه بتبقى مكتوبه فى النشرة بنبقى ملتزمين بيها على فكرة و لو انتى قلقانه هاتيله اعشاب انتى زى الينسون و التيليو و النعناع و اعمليهالها

بالمناسبه يا بنات فى حمله تطعيم شلل اطفال هتبدا يوم 2-10 ان شاء الله

دينا أنا أديتلو الاثنين من امبارح كده غلط ولا ايه؟ و لسه الكحة ذي ماهي خصوصا الصبح مش بيعرف يكمل نوم منها ولما ينام بيطلع من بقو رغاوي بيضاء جوزي بيقولي ده بلغم مش عارفه ده صح ولا ده حاجة ثانية؟ و الرشح كمان كثير اوي خصوصا وهو نايم مش عارفه أعمل ايه بجد

دوني انا تعبت منها جدا هديلها ان شاء الله قبل ما تنام النهردا مسكن كده سيتال ولا حاجه واشوف هينفع معاها ولا لا

هى طلعت 4 فوق و2 تحت وتقريبا شكلها الاتنيه التانيين الى تحت بيتكونو

بالنسبه للطام الليلي انا من زهقي منها بجد بقي اغلب صحيانها الليلي بديلها ميه والتتينه وتنام اكملها واعودها علي كده ولا ده في حاجه غلط

وبوووسي انتى ادرى واحده ا1ا كانت ببلغم ولا لا

الى ببلغم ليها صوت معروف والناشفه ليها صوت معروف

لما كان عندها كحه ببلغم مبتنيمهاش الدكتور كتبلها امبركسول نقط 10 نقط كل 8 ساعات

~OM-ADAM~;15565443:
دينا أنا أديتلو الاثنين من امبارح كده غلط ولا ايه؟ و لسه الكحة ذي ماهي خصوصا الصبح مش بيعرف يكمل نوم منها ولما ينام بيطلع من بقو رغاوي بيضاء جوزي بيقولي ده بلغم مش عارفه ده صح ولا ده حاجة ثانية؟ و الرشح كمان كثير اوي خصوصا وهو نايم مش عارفه أعمل ايه بجد

لا عادى بس المهم تحددى الاول دى كحه ناشفه و لا ببلغم لانها لو ببلغم يبقى مينفعش معاها السيلجون و هتحتاجى تدى مذيب للبلغم زى الامبروكسول
و فعلا زى ما قالت توكى بيبان من الصوت لو ببلغم هتحسى كان صدرة فيه صوت كركرة كده

و ساعتها برضه مش هينفع تديه رينوستوب لانه هيخلى البلغم يبقى تخين و هيبقى صعب عليه يطرده و بالتالى هيزود الكحه فيبقى الافضل تدى حاجه موضعيه زى afrin drops
بس مش اكتر من 5 ايام

M!ss Tuky;15565814:
دوني انا تعبت منها جدا هديلها ان شاء الله قبل ما تنام النهردا مسكن كده سيتال ولا حاجه واشوف هينفع معاها ولا لا

هى طلعت 4 فوق و2 تحت وتقريبا شكلها الاتنيه التانيين الى تحت بيتكونو

بالنسبه للطام الليلي انا من زهقي منها بجد بقي اغلب صحيانها الليلي بديلها ميه والتتينه وتنام اكملها واعودها علي كده ولا ده في حاجه غلط

وبوووسي انتى ادرى واحده ا1ا كانت ببلغم ولا لا

الى ببلغم ليها صوت معروف والناشفه ليها صوت معروف

لما كان عندها كحه ببلغم مبتنيمهاش الدكتور كتبلها امبركسول نقط 10 نقط كل 8 ساعات

ان شاء الله تتحسن مع المسكن و دا فى الغالب تسنين ادهنيلها اوراكيور قبل متنام و ان شاء الله تتحسن

دوني يا قمراية انا جبتيله البيديا شور بنكهة الفانيليا بيدهله زي الحليب الصناعي في الببرونة بس حاساه تقيل عليه مش عارفة ليه مش بيقدر يخلصها مع اني ماشية زي التعليمات اللي مكتوبة على العلبة و الله ينفع اديله فاتح شهية و لا لازم اوديه لدكتور دلوقتي

ددوني صحيح و النبي هوا ترتيب طلوع السنان ايه عند الاطفال و لا كل طفل و نظامه بردو

dandona om jou;15568018:
دوني يا قمراية انا جبتيله البيديا شور بنكهة الفانيليا بيدهله زي الحليب الصناعي في الببرونة بس حاساه تقيل عليه مش عارفة ليه مش بيقدر يخلصها مع اني ماشية زي التعليمات اللي مكتوبة على العلبة و الله ينفع اديله فاتح شهية و لا لازم اوديه لدكتور دلوقتي

ددوني صحيح و النبي هوا ترتيب طلوع السنان ايه عند الاطفال و لا كل طفل و نظامه بردو

لا مش مستاهل فاتح شهيه يا دوندون بصى كويس انه تقبل البيديا شور اديله منه على قد مياخد عادى هو تقيل عشان دسم و سعراته عاليه بحيث بيبقى وجبه متكامله
و متغصبيش عليه انه يكمل الكميه و هتلاقيه هو بيزودها مع الوقت ان شاء الله جربى برده اللى بالشيكولاته طعمه حلو

بالنسبه للسنان ترتيبها كده



بس طبعا دى مش قاعده كل طفل بيبقى على حسب طبيعته يعنى انا بنتى مطلعتش غير اتنين فوق و اتنين تحت و بعديها نطت على الضروس من غير متطلع باقى السنان

تسلمي يا دونى ربنا يجازيكي كل خير