كيف تقدروا يا أمهات ؟؟

هلا فيكم يا أمهات ؟؟
أنا بصراحة أول طفل عندي بنتي عمرها سنة و سبع شهور الله يحفظها ، الحمد لله هي مش من النوع اللي يغار ، يعني تاخذي لعبتها و تلعبي فيها صغير ثاني تجي تضحك و تجلس تلعب معاه ... بس المشكلة إن فيه أطفال مزعجين يجون ياخذوا ألعابها فهي ما ترد عليهم ، ممكن تسكت و تطالعهم و أحيانا تجي عندي تصيح ... حتى لما أزور وحدة من قرايبي بنتها تاخذ ألعاب بنتي اللي جايبتهم معاي و تحطهم بحضنها و بنتي مسكينة تطالعها تبي تلعب معاها و هذيك ما ترضى ، أنا ما أبي أتدخل بعدين راح يقولوا حاطة عقلها بعقل الجهال ، بس بجد الحركة تعصبني .... كيف أقدر أعلمها إنها تدافع عن حقها بدون إحراج لأحد و لا تصير تستقوي و شغلتها تضرب الصغار ؟؟؟