طلبتكم...قولوا تم....... افكار لترتيب الزهاب؟؟؟؟؟

السلام عليكم ورحمة الله وبركاته
اهلين اختي اذا كنتي من الرياااض فأنا اقدر اساعدك
بهدايا المعازيم ............
واذا كنتي مو من الرياااض فان ان شاء الله البنات مايقصرووون معاك.....

والف الف مبروووووك اختي*****

السلام عليكم ورحمة الله وبركاته..

بالبركه عليج الغاليه.. وعقبال العرس ان شاء الله..

عن طلبج.. ان شاء الله تستفيدين من هالرابطتين:

احتياجات العروس من الزهبه "لبنات الامارات"..

هدايا المعازيم؟

وان شاء الله البنات ما بيقصرون معاج..

الله يبارك لكم..

أنا من العين..أختي فتفوته بس شكراً على المساعدة ما تقصرين

XxSnow WhitexX مشكورة أختي على الرابط...صح أنا أريد أفكار للهدايا بس اللي شاغل بالي أكثر يعني كيف برتب الشنط يوم نعرض الزهاب ..حد اقترح أني أفرش الشنط بالتول وأنثر عليهم من فوق ورد بس أبغي أفكار مبتكرة.. وإذا في حد يسوي هالشغلات أحسن...(وحدة ما عندها حس إبداعي) :bigsmile:

مشكورين على الرد

بسم الله الرحمن الرحيم
السلام عليكم ورحمة الله وبركاته
اولا الف الف مبروك و مرحبا بكِ في المنتدي

الموضوعات التي يمكن ان تفيدك

موضوع واحد يجمع روابط لعدة موضوعات مفيده
دليلك في ركن العروس

كل واحده تقول كيف رتبت زهابها؟؟؟؟؟

و ان شاء الله باقي البنات يفيدونك
و تقبلي خالص تحياتي

ألف شكر أختي قلب جرئ...وجزاك الله خيراً وجعله في ميزان حسناتك يا رب....

بس أنا طمعانه في ردود الباقين بعد.. ويييينكم:confused:

اوكي حبوبه..

اذا عندج ميزانيه..

ممكن تييبين منيكانات.. وتعرضين عليهم الجلاليب والمغربيات وهالسوالف اللي تقدرين تعرضينها.. :)

اما عن باقي الاشياء.. ممكن تسوين جو غابة.. يعني


الطاولات يكونن على شكر صخـــــــــــور.. مزينه باوراق الشجر.. واصوات عصافير.. واذا قدرتي حطي نوافيــــــــــــر.. :)

بحيث تعرضين زهابج على الصخـــــــــــور.. اونه عاده عرض في الغابة.. :)

مادري هاي الفكره لي تحضرني الحين..بس اذا لقيت شي يديد بخبرج.. :)

بس خبريني شو ميزانيتج.. صغيرة كبيرة ولا مفتوحه.. :)

مشكورة ملاك الامارات على الأفكار...

وبالنسبة للميزانية مش مهمة بس أبا شي مرتب... ذوقي يميل للبساطة.. وااااااايد..لو أمي خلتني على كيفي بيستوي عرسي عرس أجانب من بساطته...

أحب شغلات الورود والفراشات :shy:....بس ما أدري اذا عندج أفكار جذي...

مشكورة يا أحلى ملاك :flower:

شوفي حبوبه..

شوفي حبوبه..

ورده عوده.. على شكل طاوله.. يعني تقدرين تحطين ثيابج عليها.. يعني كأنه الزهاب داخل ورده.. :) وعلى الورده خليهم ينثرون فراشات ضغــــــــــــــار..

حلو لون الوردي وعليه لماعي شوي.. والابيض.. يعطي لون هادي.. وحلو..

والعطــــــــــور.. خليهن في صندووووووق عود.. مزينينه كله ورد ورد ورد..

يعني كأنه اغراضج تظهر من الورد.. كل شي اذا قدرتي حطيه في ورد.. :)

فكره يمكن تكون شوي صعبه. بس اذا حصلتي اللي ينفذها ماشي اسهل عنها. :)

شوفي الموضوع.. حطيت صورة وشرحت انه ممكن تكون صورة لعرض الزهبه..

(الصورة اللي كنها حيمة من داخل..ويا الورد .. بتكون فكره روعه بعد)


http://www.3roos.com/forums/showthread.php?s=&postid=556979#post556979

روعة مشكورة حبيبتي :clap:...الله لا يحرمنا من أفكارج

والله بنات أنا وايد مستحية منكم :o..عندكم أفكار حلوة بس أنا لو بنفذهن ما بعرف..لأني أنا من أبدا في شي جذي أخربه.. فيا ليت يا بنات لو تعرفون حد ممكن يسويلي هالأشياء تدلوني عليه....

مشكورين وما قصرتوا...(a)

حبيبتي.. جربي محلات الزهور المعروفه.. اعتقد هم يعرفون يسوون هالاشياء.. او محلات الكوش.. :) ترى هاي شغلتهم.. :)

والله ما قصرتي يا أخت ملاك....جزاج الله خير

حبيبتي انا امي توها راجعه من عرس ناس وشفت في يدها تور فيه حلاوه وعطر عربي بوتوله ومربوط بورد حلوواااايد ومعاه بطاقه صغيره فيها قصيده من اخت المعرس واااااايد حلوه (فكرة هدية المعازيم)
ولقيت معاه رقم اللي نفذت هدايا المعازيم واسمها لمسات ظبيانيه بطرشلج رقمها على الخاص واكيد هي تزين الزهاب اتصليلها واساليها:smile: واللي تريد مايردها الالسانها..
على فكره عندي رقم وحده في العين اسمها ام شوق بس رقمها يعطي انه غير مستعمل اللي تعرف رقمها اليديد لاتبخل علينا :z_bye:

مشكورة أختي عنود الصيد ..

واللي تعرف رقم حد في العين ساعدوووووووووووني:confused:

معقولة يا بنات...ولا رد:confused:

Jasmine: شوفي في محل اسمه السفير للورود هم في ابوظبي ويرتبلج الزهاب وهم شغلهم فضيع كل شي تحصلينه عندهم....وكل شغلهم مصورينه بشريط بفيديو روحي المحل وبيرونج انا ماشفت بس سمعت وشفت مسكة العروس عندهم روووووووووووووووووعه انصحج سويها عندهم افكارهم حلوه ووردهم يجنن والاكسسوار اللي مع الورد راااااااقي شوفة عيني والله،،،،وعندهم صناديق واقفاص طيور ممكن تحطين داخلهم طيرين بيض وتزينين القفص بورد من فوق وتحطينه في غرفتج يوم العرس جنااااان اناسويتها حق ربيعتي واستانست وااايدبس ماسويتها عندهم عند محل ثاني في الخالديه بعد نسيت اسمهم طحت به بالصدفه اذا تذكرت اسمه بقولج وعشان الكل يستفيد،،بالتوفيق:smile:

سمعي اعتمدي على اكثر من جهة

عشان تتنوع الافكار

بس تدرون انا شوكنت افكر


لو يموتون ما راويتهم زهبتي


هههههههههههههههههههههههههه


انتواو في العين وباقي المناطق بعدها عنكم هاي السوالف

نحن خلاص مادري احس اتغيرت

بس روعة
بالبركة

:x_hello:

أختي jasmine مبــررووووك
مقدماً وإنشاء الله يتم كل شيء
مثل مت تتمنين وأحلى :flower:

وأختي عنود الصيد بغيت رقم
الحرمه ( لمسات ظبيانية ):z_thanks: مقدماً