قصة ولادتى- ونصيحه لكل اللى ولادتها قريبه

صباحكم ورد- بقولكم قصة ولادتى بولدى-- انا كان عندى بنتين وكنت احس زوجى متلهف ع ولد وتمنيت انى حملى يكون ولد وكنت ادعى ان الله يرزقنى بولد عشان افرح زوجى المهم فى الشهر السابع تقريبا سويت سونار وقررت اني ما اسال واذا قالت لى الدكتوره ولا ما اسألها سالتنى الدكتوره كم عندك قلت 2 قلت بنات ولا عيال قلت بنتين قالت يلا جايهم ولد يخاويهم انا بغيت اطير من الفرحه وخفت تكون غلطانه بشرت زوجى وبالثامن راح معى نعيد السونار وفرح وهو يشوفه ولا يدرى وش يسوى عشان يعبر عن فرحته انتظرنا كل الشهور الباقيه ع احر من الجمر وجاء التاسع ورحت قبل موعد ولادتى عند اهلى وكنت كل يوم امشى واكل مسهلات للولاده قبل ولادتى بيومين او 3 بدت تجينى الام قويه وتروح وكل ما ودونى اهلى للطبيب يقول 2 سم روحى امشي تعبت وكنت طول الليل اطلع امشي بالحوشوقتها كان اجازه وخواتى كلهم متجمعين وبناتهم وسهرات ووناسه وانا بس ابكى واقفل ع نفسي كنى نايمه مابى اخرب وناستهم ومره من المرات حسيت بوجع الفجر وصليت وطلعت امشي بالحوش :badly:وانا بموت من الالم وكان عند بنتى ارنب ابيض وفتحت له القفص وصرت اتمشى معه وارمى له خس عشان اسلي نفسي ولا اطفش بسرعه طلعت الشمس جابو اهلى الفطور وتجمعو خوانى وخواتى بالحوش يضحكون على انا والارنب وجابو فطورهم بالحوش وقعدنا نفطر وانا ماسكه نفسي اول ما احترت الشمس شوى دخلنا انسدحت قدام التلفزيون ماودى اضايق امى ولا اعلمها انى اتوجع فجاءه جانى الم قوووووى :worn_out:وجلست وصرخت بدون احساس اخوى الصغير قال يلا بوديك لا تولدين علينا هنا انا كنت منحرجه واهاوش اقول خلاص روح شغل سيارتك ابيه يروح وراح واول ماقمت الا احس بكيس الماى واركض للحمام كانت المويه مو كثير تروشت بماى دافى ونظفت جسمى وطلعت لبست وراحت معى اختى الكبيره وكلهم يتوقعون نرجع مثل كل مره يقولون 2 سم واول مادخلت للفحص قالو يلالالالا ولالالالالاده 4 سم:-oالمهم طلعت ع مسؤليتى ولانى ابي اولد بمستشفى عسكرى زوجى يداوم فيه وطلعنا والطريق كان طويل كنت استغفر واتالم لما وصلنا كان زوجى باستقبالى ومخلص اجراءاتى ودخلنى للجناح حق الولاده جتنى الدكتوره وسوت فحص وتحاليل واكتشفت معى فقر دم حاد وطلبت دم لانها خافت من النزيف ونقلولى دم تجمدت من البرد وانا اتالم والرحم مو راضى يفتح وقف ع 4سم واخر شي قالو مالك حل الا ننقلك لغرفة الولاده ونحط طلق صناعى ركبو لى الصناعى وبغيت اموت ارتفع الضغط وضربات قلبي زادت صار جسمى كله اجهزه شي لي وشي للبيبي تخطيط لقلبي ولقلب البيبي والطلق واكسجين واكياس للدم والمغذي كنت ارجف وماعاد فينى حتى طاقه اصرخ يتكلمون عندى ان الوضع خطر على انا وان الضغط اذا مانزل بنضطر للعمليه وانا اقرا سورة الزلزله ومن الالم اقرا وانسى وارجع اعيد وهم مايدرون وش اقول كلهم امريكان واجانب بعدها انفتح عنق الرحم وحسيت انى بدفع والطفل ع وشك يطلع اشرت لها بيدي ماقدر اتكلم وهى تكتب وتراقب الطلق ع بالها انى تونى يوم جت فحصت وصارخت واووووو كم تو هلب مي بيبي از كوم وتجمعو الممرضات يساعدونها ورفعور رجولى وخلونى انا امسكهم مع انى كانت قوتى كلها منهاره ولا فينى حيل بس من الخوف تمالكت نفسي وقلت كلها لحظات دفعت وهم يصارخون يسسسسس مدام ذس از هير يور بيبي اى كان سي قود قود وانا ادفع
وهم يشجعون بوووووش بوش وانا اكتم نفسي وادفع وطلع ولدي مثل الحلم وخارت كل قووواى قالو واوووووووو مبروك بوي شوفى مدام ويورونى فرحت بس ودى اكلم زوجى وابشره انه ولد لانه كان يكسر خاطرى يقول كل خوانى عندهم اولاد ودى بولد :adore:المهم نظفونى وخيطونى وودونى لغرفتى ارتاح انا والبيبي وقعدت ارضعه واطالع بوجهه كان يجنن وصغنطوط وابوس ايديه ورجليه وشوى الا مثل الكابوس دخلو على مجموعة ممرضات قالو ولدك لازم عنايه مركزه نسبة الصفار عاليه قلت اقعد معه واصريت ورفضو قالو تزورينه بس وحتى الرضاعه ماترضعينه حنا نشفط من صدرك بعلب معقمه انا بغيت انهبل ودخلوه وانا بغرفتى بالجناح وكل شوى اروح ازوره بعده بيوم دخل على دكتور التخدير قال يامدام لازم توقعين ع ورقه انك موافقه ع الخزعه قلت وش خزعته قال ولدك نقل مكروب التهاب السحايا طبعا هذا المرض مايصاب فيه الطفل ببطن امه ابد كنت شاكه انه جاه عدوى من العنايه قعدت ابكى وادق ع زوجى طلع وقعد يهدينى ودخل يتفاهم مع الدكتور وانا كنت خايفه من سالفة الخزعه لانها تشل الطفل كذا سمعت من الحريم لو اخطى الدكتور او زاد الجرعه لو ملم كنت مانى مصدقه وابكى وصاور يحطون لولدى مضاد حيوى بابره مثل المغذي مع راسه حلقووو جزء من راسه وصار شكله يخوف كنت اشوفه بالعنايه واتذكر يوم كان بحضنى واموت صياح ويطلعون الممرضات غصب وربي يسحبونى سحب لبرا العنايه ماعاد اقدر اكل ولا انام وقالو خلاص حالتى استقرت وبيطلعونى وولدى يتم بالمستشفى وطلبو توقيع لخزعه ثانيه يشوفون لكم وصل حدة المرض وافقت وانا اتالم وطلعت وتركت ولدى صدرى يكب الحليب كب والحريم يجون يقهوونى بدون ولدى تخيلو كل وحده تجى جايبه حلا وقهوه ولا تقدر تمد حفاله للولد لانه محد مصدق انه بيعيش وكنت اموت لما يواسونى كنه بيموت طبعا انا نفست ببيتى واكره نفاس مره على لا اكل ولا اشرب وكل عصر اروح ازوره وزوجى يقرا عليه طلعوه بعد اسبوعين فرحت وطرت من الفرح كملت حلاقة راسه وكان ودى اطهره ماجا بالليل الا يدقون علينا يقولون رجعوه نتيجة اخر تحليل تو طلعت وصدمتنا ان المرض باقى منه نسبه بسيطه بدمه ورجعناه وكملت الاربعين بدونه باقى ع طلعتى 4 ايام وهو طلع ويااااااااربي لك الحمد باتم الصحه والعافيه :'(والحين عمر ولد 3 سنوات ومثل القمر بسم الله عليه بنصحكم بنات انتم خواتى وربي مابيكم تذوقون اللى ذقته مرض الصفار لا تستهينون فيه لانى شفت حريم يطلعون عيالهم ع مسؤليتهم ويعالجونه بالعصفر وسكر نبات بس ترا بعض الحلات مثل حالة ولدى شديده تتطور لاشياء ثانيه ممكن تضر الكبد او الدماغ كذا قال لى الدكتور والحمد لله انى صبرت وتركت ولدى وتحملت فراقه طول الاربعين بس لانى ابيه ماينظر مع ان كثير الله يسامحهم عن طيب نيه كانو واقفين ضدى ويقولون طلعيه شققو لحمه بالابر طلعيه علاجه العصفر والمر وانا خفت اغامر قلت بتوكل ع الله وهو حسيبي وربي ماخيب ضني- ادعووو لى انا حامل الحين بنهاية الشهر الرابع دعواتكم ان الله يساعدنى ويهدى بناتى ويخلى لى ولدى وزوجى وربي انى ادعى لكم كلكم F: