السلام عليكم
اليوم صارلي والدة 5 اشهر و 6 ايام
ولدت في تاريخ 31-1-2011 و كنت من تجمع حوامل يناير
بصراحة صحيح كانت الولادة مؤلمة بس بحب اطمن كل البكريات
صدقو لما تشوفو البيبي خلص بنفس اللحظة الوحدة بتنسى الالم
نبدا بمغامرتي
قبل ولادتي بيوم كنت في بيت اهلي و بصراحة كانت امنيتي يبدا معي الطلق و انا عند اهلي و تحقق هالشي ههههه ، بدأ معي ألم بيشبه الم الدورة الساعة 1 الظهر و كان محتمل و كل شوي يجي و يروح و لسا محتمل حكتلي امي عادي خليكي و روحت على بيتي ما بعرف ليش ما ضليت عندهم المهم كان يوم احد و اجا زوجي عند اهلي و اخدني و حكالي ابوي ازا بصير شي بنص الليل بتتصلو علينا و روحت على بيتي و كل شوي في شي بيجيني بظهري الم قوي شوي و بعدين الساعة 10 بالليل نزل علي شي شفاف و في دم (سدادة الرحم) و نزل بعدها كمية قليلة مي اتصلت على امي و قلتلها اللي صار معي و حكتلي خلص بكرة الصبح بناخدك هلاء ازا بتروحي بعجبو عليكي بالمستشفى قلتلها اوك
و جوزي طبعا خلص اخد اجازة من الشغل و استعد و خواتي و اخوتي بيحكولي يلا اولديو ريحينا و انا احكيله هو بإيدي يعني ههههههه
المهم طول الليل و انا يجيني وجع و يروح يجي ويروح لحد ما صارت الساعة 6 الصبح قمت من التخت و عملت حركة انزل و اطلع على رجليي قالولي الممرضات بيساعد عالتوسع و و صحيت جوزي و قعدنا شوي و بعدين اتصل ابوي و حضرنا حالنا و اجا ابوي اخدنا عالمستشفى و هون الاكشن اجا يفحصني الدكتور اللي بدي اياه يولدني و هو بالحقيقة الدكتور كتير رايق و هادي بس على حظي صار عصبي و ما بينطاق لما اجا يفحصني داخلي فزعت المستشفى صريخ هههههههه و هو عصب طبعا امي كانت برا حكالها ما تدخلي بس هو موجود و الممرضة و صار يحكيلي الدكتور و هو طالع يلا حضري حالك لعملية عاد انا عارفة ليش بحكيلي هيك عشان صرخت :-# و امي صارت تحكيل ييييي يا دكتور يعني الولد متدايق في اشي ؟؟؟ حكالها لاء يختي بس بنتك ما بنفع تلد بتعجبلنا عالمستشفى احنا رح نفحصها 100 مرة داخلي مش مرة و مرتين و ا بنفع تطلع هالصوت حكتلو امي ما انت ولدتني و كنت اصرخ شو يعني حكالنا هادا الموجود عندي و انا عم بطلق و صار ينزل علي شوي دم
حكيت للدكتور اي الواحد بخلع طحونتو بتوجع كيف الولادة !!!!
المهم الا هو حكالي بدي انصحك تروحي تولدي بمستشفى تاني اسمو المستشفى الفرنسي عندو ابرة الظهر و هاي بتهون عليكي و اللي متلك لازم ياخدوها حكيتلو يا دكتور بخاف اخد ابرة بظهري بيقولو انو في وحدة اتكسحت منها حكالي انتي قلتي بيقولو طيب شو قالو اسمها ;)قلتلو ما بعرف اسمها
حكالها اتوكلي على الله و روحي عالمستشفى الفرنسي و بالفعل رحت صحيح كان عندي توسع 3
و رحت عالمستشفى التاني و كانت معاملتهم جدا راقية و مرتبة و محترمة و كل الدلال للحامل
المهم اجو يفحصوني داخلي و انا هون خلص رح اموت قلت لامي خلص بنتك اليوم رح تموت :'( قالتلي لاء ما تخافي ما رح تموتي يا حبيبتي خليهم يفحصوتي عشان تشوفي ابنك و تنبسطي في حبيبتي خليهم يفحصوكي و طبعا لا مفر فحصوني و صرت اصرخ
حكولي حالة ولادة و بدنا منك بول و اخدو فحص دم و اجت ممرضة طلعتني على طابق الولادة و لبسوني روب و دخلوني على الحمام عشان احط مي سخنة على ظهري و امي اجت و ساعدتني و كان بينزل علي دم :confused:
و حطيت مي و قعدت على التخت كانت غرفة الولادة كتير حلوة و مريحة نفسيا
و بعدين حطولي ابرة الكيلو و حطوليس التخطيط على بطني :sick:
و طبعا رايحين جايين يفحصوني داخلي و يطمنو عالتخطيط و يقولو كل شي تمام و كل شوي اسألهم ايمتى تقريبا رح اولد حكولي عند الظهر بتكوني والدة صارت الساعدة تنين و انا لسا مو والدة قلت للممرضة هيني ما ولدت قالتلي خلص العصر والدة المهم على 2 و عشرة تقريبا اجا دكتور قال قلب البيبي تعب و الطلق بارد لازم تعطيكي طلق صناعي بالابرة و خايفين على البيبي يتعب من الطلق الصناعي اكتر اجا دكتور تاني يطلع على التخطيط قال لازم عملية على طول و صار يحكو مع بعض اشياء ما فهمتها بالانجلش المهم قلتلهم ازا لازمني عملية خلص ولدوني و ريحوني قالو لاء في مجال نستنى شوي
بعدين جابو جهاز ستينلس كبير و مدور و في بنصو ابرة يا لهوي و انا صرت اعيط شو هادا شو بدو تعملو فيي بدو تولدوني هيك صرت مجنونة هههههه قالتلي الممرضة بدنا ناخدة عينة دم من ابنك قلتلها يا وردي عليي شو قلي عقلي احمل انا مجنونة والله مجنونة قالتلي اه بدنا نشوف ازا السنة الجاي ما رجعتي تولدي عنا هههههههه
و فوتو هادا الجهاز و كان في بتمي اوكسجين و شفت نجوم الظهر من هادا الجهاز كتير تغلبت منو فحصو من دم ابني و قالو الوضع مستقر و في مجال نصبر و حطولي شوي طلق صناعي
و طبعا قبل ابرة الطلق اخدت ابرة الظهر و و بعدين على 5و ربع تقريبا فحصوني كان التوسع 6 و قعدت لمدة 4 ساعات توسع 6 و بعدين اجو يفحصوني قالو البيبي تعب و لازم نرجع ناخد عينة من دمو و يا لهوي اجاني الموت و بهاي المرة اخدو مني تبع التنفس عاد كتير بريح
و قالو خال ساعة الا ربع ازا ما بتولدي رح نعمل عملية قلتلهم انا اعملولي عملية من هلاء
قالت امي لاء يا رب تولدي طبيعي احسنلك
طيب و سبحان الله صارت الساعة 6 الا تلت و اجو فحصوني قالو خلص صرتي 10 ولادة
و سألوني بتحبي جوزك يحضر الولادة قلتلهم لاء بس بدي امي
و ضلت امي جمبي و ماسكة ايدي و قعدو يحكولي كيف ادفع و بقدرة الله 6 الا عشرة كنت والدة احلى لحظة بحياتي و حطولي ابني و كلو دم على صدري و صرت ابكي من الفرحة
و امي تبكي و حضنا بعض
و طبعا كنت متفقة مع امي لو شو ما كان الموقف صوري ابني اول ما يحطو على صدري و كلو دم و صورتو
و تركتني و نزلت تخبر جوزي و حماتي و خواتي و كل اللي قاعدين بيستنو بغرفة الانتظار
و قعدت تخطيتني الدكتورة و توجعت شوي بالخياطة حسيت فيها ششوي
و بعدين بعد ما خلصت لخياطة لبسوني بجامتي و ما قدرت انزل على رجلي و اقعد على كرسي نيموني على تخت عشان رجلي مش قادرة احركهم و نزلت و حطو ابني جمبي
و كانو كل اهلي بستنوني تحت و بيضحكو و مبسوطين و انا كنت مبسوطة بس تعبانة
و جابولي المستشفى اتعشا بس ما كان جاي على بالي اكول حتى كنت من قبل بيوم مو ماكلة شي ما كان جاي على بالي
و قعدت يومين و التالت عند الظهر نزلت من المستشفى و كانو ايام حلوة
و رحت بعدين على بيت اهلي 3 ايام ورجعت على بيتي و صرت اسهر بالليل مع ابني لما يصحى
و سمينا البيبي مجد متل ما بدو جوزي بس انا كان نفسي اسم تاني
بس يلا هيك نصيبو و مكتوبلو هالاسم
و نسيت احكيلكم و انا بطلق كان يطلع عندي جوزي و يصير يبكي علي :'( حسسني انو معي و حاسس فيي يعني خفف علي
و هاي كل مغامرة ولادتي
يمكن اكون اختصرت بعض النقاط و ناسية بعض الاشياء
قصة ولادتي التي لن تنسى
~
06-07-2011 | 09:38 PM
أ
06-07-2011 | 09:49 PM
حمدلله ع سلامتك ...
وبتربى مجد بعزكم ........
وأن شاء الله تجيبي الثاني وتسمية أنتي ...
وبتربى مجد بعزكم ........
وأن شاء الله تجيبي الثاني وتسمية أنتي ...
&
06-07-2011 | 09:51 PM
حمدالله عالسلامه حبيبتي ومبرووووووووووووك البيبي يتربي بعزكم
دمعت والله من قصتك حسيت شكثر عانيتي الله يسهل علي حملي وولادتي يارب
دمعت والله من قصتك حسيت شكثر عانيتي الله يسهل علي حملي وولادتي يارب
M
06-07-2011 | 10:03 PM
الحمدلله ع سلامتك حبيبتي
حسيت فيكي :hysterical: :hysterical: :hysterical: الله يعينك
الله يخليلكم مجد , ويتربى بـ عزكم :L:
حسيت فيكي :hysterical: :hysterical: :hysterical: الله يعينك
الله يخليلكم مجد , ويتربى بـ عزكم :L:
ت
06-07-2011 | 10:22 PM
الحمد لله ع السلامه
والله يخليلك مجد ...
والله يخليلك مجد ...
أ
06-07-2011 | 10:27 PM
اندمجت مع قصتك الحمدلله اللي ولدتي وخلصتي
الف الحمدلله على سلامتكم ويتربى البيبي بعزكم
عقبالي ياربي الله يرزقني ولادة سهلة وميسرة ويقر عيوني بشوفة ضناي سليم معافى يارب
الف الحمدلله على سلامتكم ويتربى البيبي بعزكم
عقبالي ياربي الله يرزقني ولادة سهلة وميسرة ويقر عيوني بشوفة ضناي سليم معافى يارب
ا
06-07-2011 | 10:37 PM
الحمد للهـ علي سلامتكـ خيتو عشت جو مع قصتكـ ..
أ
06-07-2011 | 10:47 PM
الحمد لله على سلامتك ونشالله يتربى بعزك ويخليه لك وتشوفينه معرس ونشالله السنه الجايه برضوا حامل ونسمع قصتك وادعي ليه انه الله يسهل على ولادتي لاني اصراحه خايفه منها لاني ما جربته
M
06-07-2011 | 10:58 PM
الحمدلله على السلامة
ن
07-07-2011 | 02:43 AM
الف مبروووك والحمدلله على السلامه
[
07-07-2011 | 03:20 AM
{ الف مبرووك..~
ربي يعين الحوامل الله يسهل ولادتهم كلهم
الحمدلله ع سلامتك حبيبتي
والحمدلله ع سلامة البيبي وربي يخليه لك ويتربى بعزكم ان شاء الله
ربي يعين الحوامل الله يسهل ولادتهم كلهم
الحمدلله ع سلامتك حبيبتي
والحمدلله ع سلامة البيبي وربي يخليه لك ويتربى بعزكم ان شاء الله
ا
07-07-2011 | 06:19 AM
الحمدالله ع السلامه الله يخليلك مجد
ش
07-07-2011 | 08:18 PM
الحمد لله على سلامه
والله يحفظلك مجد
والله يحفظلك مجد
l
07-07-2011 | 09:32 PM
الحمد لله على السلامة
وجعلة الله من الأبناء الصالحين البارين
ر
07-07-2011 | 09:40 PM
حمد لله على سلامتك و يتربى في عزكم مجد
ا
07-07-2011 | 11:29 PM
الله يخليه لك وتشوفينه عريس والحمدلله على السلامة
o
08-07-2011 | 05:31 AM
الحمدلله على السلامة
A
08-07-2011 | 01:08 PM
الف الحمد لله على السلامه ويتربى مجد في حضن والديه
ر
09-07-2011 | 01:16 AM
الحمد لله ع السلامه
والله يخليلك مجد ...
والله يخليلك مجد ...
ا
10-07-2011 | 08:15 AM
الحمدلله على سلامتج
ومبروووووووووووووك
ومبروووووووووووووك