ما هو شعورك في غرفة الولادة؟!!!!!!!

هههههههههههه
ضحكتوني ....... انا اول مولوده ..... شفت الموت بعيني
اولا نزل الماي بدون الم يومين وانا في المستشفى
انواع الفحوصات حتى الى ما تستحي تستحي:o
وبعدين عطوني حقنه داخل علشان تحفز الرحم على الطلق وما شي فايده
بعدين عطوني طلق صناعي .... شفت فيه الموت ... كنه سكاكين تمزقني
مهما شرحت ما اقدر اوصف حجم اللالام
زوجي يوم شاف الوضع جايد ..... ما استحمل طلع ... وامي تقراء على
وانا التفت عليها اقولها يا امي صدقيني تراني جالسه اموت
كانت تظحك ... وتقول ما راح تموتين
وانا كنت مصره انها ما تفهمنى لاني فعلا جالسه اموت
صراحه الالام لا تحتمل
كنت احيانا اصرخ وحالتي حاله .....
ويوم ولدت ما صدقت ان الالام اختفت ..


بعد ما حملت بطفلي الثاني كان عمر بنتي 4 شهور
سويت عزاء وانواع البكاء وكل الى افكر فيه هو لحظه الولاده
كنت خايفه موووووووووت من الولاده
بس الحمد لله .... كان من يومه وهو مستعجل ( اقصد ابني)
ولادته كلها بسرعه ما يمداني ارتاح ...
وخلال ساعتين كنت والده
الحمد الله

الحمد لله على سلامتج:smile:

اخيرا تجربه جديده:D2

السلام عليكم ورحمة الله وبركاته
الله يعينكم والله ويقويكم
بس اللي اعرفه انه الدعاء وقت الطلق مستجاب ادعولنا بالخير

اهأ اهأ اهأ والله اني خايفه ولادتي بعد شهر و نص الله يستر و يلطف بي
ادعولي تراكم خوفتوني

:confused::confused::confused:
:cry: :cry: :cry: :cry: :cry: :cry:
خاااااااااااااااااااااااااااااايفة

الله يقومكم بالسلامه

لاتخافوا



<<<<<<<<<تقول خابره الدنيا
:D2

لا تخافون ولا تقلقون كلها كم ساعه وتقومون بالسلامه

بإذن الواحد الأحد أهم شي كثرة الدعاء بإن الله يسهل عليكم

ولا شنو وظيفتنا بهالدنيا من بعد العبادة :up:

اذا جربت بجي اقول لكم :D2:D2:D2

:shy: :o

اذا ربي كتب لي الزواج فاتمنى ان يكون زوجا صالحا يرعاني فارعى حرمته وساعتها كل الذرية النابعه من الصلاح بتكون باذن الله ميسره ومسهله من رب العباد واكيد لو المراه ما تتحمل الام الولاده ما كان ربنا جعلها لها وليس للرجل دعواتكم لي بالتوفيق والله يسهلها على كل المتزوجات والحوامل آآآآآآمين

عقبالكم وعقبالنا:cool2:

الله يسترها علينا
انا قريب أتزوّج
وأحب العيال ... ومخططه على دسته عيال
لكن .............. وااااي :s2 .. السالفه تخرّع

eek2::eek2: والله على ما قالن الاخوات كلها كم ساعه واتحسين بالراحه

يوم البيبي عدالج حاطينه :eek2::eek2::eek2:


احلى لحظه في الدنيا :eek2::eek2:


:eek2::eek2: يالله يا بنات اللي عرسها قريب تستعد حق الغرفه هذي


ككككككككككككككككككككككككككككككككككككك:eek2::eek2::

السلام عليكم ورحمة الله وبركاته


ولادتي الاولي كانت سهلة كنت اقول بعدني ما فيني شي وودوني المستشفى غصب ولما فحصوني قالت الممرضة نص الى واحد سم بعد يومين الولادة بس اهلي قالوا لا تمي بالمستشفى

بعد اربع ساعات حسيت بالام الولادة الحقيقية وكنت اترجاهم يفحصوني وكانوا يقولون لي ماما انتي بكرة في ولادة لييين ما طلع الماي
ودوني غرفة الولادة ساعة ولدت امونه الحمدلله كنت مستانسة وما حسيت بالعوار هاك الزود

مثل ما يقولون البكر ماله ذكر

هجور قلت لهم ما بروح المستشفى ما فيني شي قالوا لي ياما الحين ولا ماشي اختج رايحه تزور حمتها والدة وروحي معاها قلت لهم اول تودوني اشتري اغراض حقي وحق الصغيرة قالوا انزين اركب السيارة وانا اطلق ادخل المحل وانا اطلق ولما خلصنا وصلنا المستشفى قلت بنزور الحرمة اللي والدة ولما ييني العوار بدخل


وهناك خبرتهم امي اني بولد فقالت انزين شربي ماي زمزم وكلي تمرة
ما إن شربت الا ونزل علي الماي البيبي ودخلت غرفة الولادة والممرضة تقول لي بعدج وعشرين دقيقة وولدت الحمدللة كانت زفرة وحد ه


سعودي ...ولدي يبته قبل شهر ...وكانت هي المرة الوحيدة اللي تعبت فيها قلت لزوجي هاذي المرة بتي معاي قال انزين وراح بعد ما ياس اني بولد قبل ساعه من ولادتي
لأنه كان مريض وراح يرتاح

في غرفة الولادة الممرضة كالعادة ما صدقتني بل ما كانت تخليني افتح ريولي وتقول بعدج وكانت تكتب ما ادري شو طول الوقت وانا من النوع اللي ما اصارخ وتقول لا تزفرييين بيموت الياهل وانا في عذاب اخر شي قلت ما حد عندي وانا الوحيدة فى العنبر بصارخ يمكن تفهم وترضى تفحصني صرخت عليا وقلت لها بس شوفي كم سم واخر شي بعد ما صرخت شافت ولا 10 سم لما قالت لي 10 قلت لها عمى وانا اللي طول عمري مؤدبة تركت الادب في غرفة الاولادة

ولدت بعد نص ساعة من دخولي غرفة الولادة

ولا حصلت احد يقول لي مبروك لين الصبح وهذا بعد ما طرشت مسج
زوجي في كل المرات مو موجود سبحان الله

وفي كل مرة اكون يوعانة وقت الطلق واكل جني بمووت


وعلى فكرة ترا الماي الحار وقت الطلق واااااااااااااااااااااااااايد مريح

قعدي فيه او صبي على ظهرج يخفف وايد الالم

السلام عليكم ورحمة الله وبركاته
بصراااااااااااااحة كنت خايفة ومستنية الموووووووووووت



لـــــــــــــــــــــــــكـن:rolleyes:

ربي يسرها ولا انا غشيمة لأنها بكرية

ورايحة على عماي :cool2:

وطبعا اللي مو مجربة تتوقع الولادة موووووووووووت واقع لااااااامحــــلة:confused:



وبصراااااااااااااااااااااااااااااااااااااااحة اكثر كنت متوقعتها خيال لايمكن وصفة وطبعا الحريــــــــــــــــــــــم ما يقصرون في الوصف والحمد لله مرت بســـــــــــــــــــــــــــــــــــــــــــــــــــــــــلام

ولو انها تخرع عن جد ما كانت بيوت الناس مليانة ورعان



ولو سمحتو بلاش جدال و أفلام رعب:eek2:

وما أقول انه مافيه ولادة صعبة لا فيه ولادة صعبة لـــــــــــــــــــــــكن مو كل ولادة صعبة


والحمد لله ولدت قبل 4شهور وأفر اجيب الثاني قريـــــــــــــــــب:shy:


ولا تخافـــــــــــــــــــــــون يابنيات

حبيت اشارككم في الموضوع

اول ولاده لي كانت قيصريه شفت الموت فعلا اتذكر جاتني حاله هستيريه
في غرفة العمليات كنت رافضه اني اشم المخدر والدكتور يصرخ في وجهي رعب شكل الدكاتره وهم علي راسي اتذكر واحد منهم وانا في قمة بكائي كان ايغني اغنيه حق جورج وسوف المهم ولدت وجبت بنت وخذوني علي الغرفه وطبعا اول كحه كحيتها اتبعتها صرخه عظيمه من شدة الألم 0
طبعا زوجي ماله شغل كان نايم في الأستراحه



اما ولدي

كانت ولاده متعسره دامت 18 ساعه وكنت اترجى الدكاتره قيصريه لالالا

ولما ظهرت بوادر أمل ووصلت 9 صانتي
خيروني ان الأستشاري وهو رجل حيولدني وافقت فورا
وتمت الولاده بالشفط



الأخيره عاد

شكيت حق وحده مصريه ان الولاده عندي بطيئه وبارده ومتعسره
شارت علي بالسحلب
شربت السحلب والله لايوريكم جاني طلق اعوذ بالله
من قوته حسيت ان ولدي كان بيشق بطني لدرجة ان جاتني جلطه في الرئه بسبت قوة الطلق وتمت الولاده

وانا الحين حامل ماتبت 0

حرام عليكم خوفتو البنيات...:D2

أما أنا

كنت خايفه شوي و خاصه لما كنت أسمع غيري يبكي و يصرخ و إللي ما تريد تولد و تلعن يومها إللي..... و هذي تولد و هذي تتأوه ...

و لكن في ظل كل هذا كنت متماسكه و أحاول أشجع نفسي لإن الموقف فعلا يحتاج إنه الواحد يشجع نفسه علشان لا نتعرض لمفاجأت

كانت أمي و زوجي معاي و الحمد لله لا صرخت و لا بكيت و كنت أحاول إني أفكر بإجابيه و الحمد لله ولدت بعد 22 ساعه و طلع ولد زي القمر .

الحمد لله على سلامتكم ياعرايس

السلام عليكم


هذا اليوم مستحححححححححححححححيل أنساه

حسيت أني بين الدنيا والأخرة

كأني في عالم ثاني بالفعل

ولكن بعد خروج الطفل

سبحان الله العظيم وكأن شيئاً لم يكن


يووووووووووووه

قلبتي علينا المواجع

لكن كله بأجرة إنشاء الله

تفكرون الجنه تحت أقدام الأمهات من شيئ

وشكراً
:up:

هلا بنات انا اول مره اكتب معكم في هذا القسم ...رجاء منكم تقبلي ,,,,,

احب اسال اختي الى تكلمت عن سحلب كيف تشربه وقت طلق لا قبل ....


غير كذا كيف اسويه؟؟؟؟وحده عليميه:o

والله العظيم عن جد نفسيتي تعبت انا الحين في شهري الاخير اليوم لي 16 يوم من الشهر التاسع ....
قريت هالموضوع وقعدت ابجي واصيح من كل قلبي من الخرعة والخوف من هاللحظات اللي مادري متى راح امر فيها الليله باجر اللي بعده وابجي من الفرحة اللي انتوا حسيتوا فيها بعد الولادة بعد ماشفتوا البيبي ...

ادعولي ان الله يسهل علي ويرزقني الذرية الصالحة والولد السليم المعافى يا رب العالمين :confused: