بنات الامارات: دلوني على وحدة تفصل وتصمم شراشف حلوة؟

أ

أوركيـــــــــد

عروس مبدعة

30-09-2003 | 04:06 PM

السلام عليكم اخواتي العزيزات،،،

بنات انا وايد محتاية احصل وحدة تفصل شراشف حلوة ومميزة وبأسعار مناسبة اذا ممكن في الامارات وياريت من دبي والشارجة،،، ادري انه صعب احصل بس يمكن حد يعرف من الخوات،،،

الصراحة كل ما اخذلي فراش حلو يطلع صغير عن اللي عندي مع اني آخذ اكبر حجم وما احصل على حجم اللي عندي عشان جيه افضل اني افصل وخاطري في قماشتين من لونين متناسقين من الصوبين بيكون وايد عملي وبتصاميم معينة في بالي،،،

ياريت لو الاخوات يفيدونا وبدعيلكم دوم،،،

بليز لا تردوني

شكرا

D

Dubai 2

عروس رائعة

30-09-2003 | 05:03 PM

السلام عليكم ورحمة الله وبركاته

كيفج اختي أوركيـــــــــد

ان شاء الله المكان اللي بخبرج بس اتدلينا ... المكان بيكون في الشارقه وين عياده الزهراء بيكون عياده بالوييه وانتي تاخذين الدوار اما المحل اسمه ( الشعب ) بيكون باليسار بس شويه داخل على الشارع بس عليج تدخلي الشارع داخل سيده على ايدج يمين واااااضح ...

اللي خاطرج في باتحصلين او اتفصلين ...

أ

أوركيـــــــــد

عروس مبدعة

30-09-2003 | 06:50 PM

اختي الغالية Dubai 2

تسلمين عزيزتي وايد على الرد والله استانست يوم شفت ردج،،، بس ما خبرتيني عاد،،، هو محل يفصل والا يبيع جاهز والا الثنينه؟ واذا يفصل مثل ما قلتي عنده قطع حلوة واروم اتنقى اللي ابغيه؟ وشو عن تصميمهم غاوي ولا ها؟!!! تراني ابغي ناس يتفننون عدل،،، وشو عن اسعارهم؟ّ ان شاء الله اوكيه؟ وانتي جد يربتي عندهم والا؟ هريتج بالاسئلة لاه،،،

ما صدقت تبين الصدق لاني صار لي فترة طويلة وانا ادور،،،

اختي الغالية تعرفين اشو،،، الظاهر اني بتصل فيهم احسن وبسأل،،، بخبرج شو قالولي،،،

شكرا عزيزتي وياريت البنات يفيدون زيادة،،،