قصة ولادتي بتوامي عدنان وليليان

الحمد لله رب العالمين بدي احكيلكم قصة ولادتي ويارب تستفيدوا من قصتي

الحمد لله انا حملت بعد 6 اشهر من لما عملت عملية تنظيفات حملي الاول كان كتير متعب
المهم بعد ما حملت تاني مرة كنت خايفة كتير يصير معي متل الحمل الاول
بس الحمد لله كانت المفاجاة والله عوضني باني حامل بتوام ما بقدر احكيلكم الشعور يلي صابني لما عرفت اني حامل بتوام وانه الله عوضني عن الحمل الاول المهم اول 3 شهور ما كنت افوت المطبخ بالمرة كان وحام صعب وضليت يا نايمة بالتخت او بالحمام على استفراغ او على تلفزيون مكتئبة عدت المراحل الاولى تمام والحمد لله هيك حتى بلشت بالشهر الثامن من اول يوم بلشت بالثامن صرت الاحظ انتفاخ برجلي رحت الدكتورة حكت الوضع عادي وبعدين كنت احس بخدر باليدين والدكتورة حكت عادي بعد اسبوع من الثامن اتصلوا على جوزي وحكولوه الحق ابوك بالمستشفى فكان لازم يسافر عندهم
وانا اضطريت اضل لحالي بالدمام وجوزي نزل على الاردن لانه الدكتورة ما كانت حابة يصير شي يسرع بولادة المهم قضيت اسبوعين لحالي بالبيت والجيران ما قصروا توفى حماي الله يرحموا وانا زعلت كتير وضل بالي بزوجي يلي بعيد عني وما قدرت اكون معاه بهيك وضع صعب المهم لما رجع جوزي الحمد لله
رحنا الدكتورة يومها اول ما فتت على الدكتورة حكيتلها انا اول مرة بكون مرتاحة وما في شي بوجعني المهم بلشت الفحوصات وطلع عندي ارتفاع بضفط الدم :confused: وضليت جالسةانتظر والدكتور تقلي اشربي مي ولا تفكري بشي ونعيد الفحص
ما في فايدة عملتلي تخطيط لتوام والحمد لله كان وضعهم تمام الدكتورة طلبت مني اراقب ضغطي لانه ارتفاع الضغط مش كويس للحامل ضليت اراقب فيه والحمد لله مع الراحة نزل شوي المهم في يوم كان جوزي صاحي بده يطلع الدوام حكالي افحصي ضغط والمفاجاة طلعت مرتفع جوزي قعد يحكيلي نامي وارتاحي بعد ساعتين طلع لسه مرتفع لبسنا ورحنا مستشفى بعد الفحوصات ما اشوف وله الدكتورة طلع ورقة تقول لجوزي وقع على عملية وبتولد هلا لانه بلش عندي ارتفاع ضغط وكان درجة تسمم الحمل درجة واحدة
وفتت اولد وانا لحالي وكننت مصدومة اني فايتة مراجعة وولدوني
ما اقولكم شو شعوري قولت بدل البكاء ضليت اقراء قران والحمد لله اولدت وضليت مصدومة من الولادة لما جابولي اولادي ما قدرت اشيلهم وما اتلهفت على شوفة كنت بصدمة من يلي صار معي قعدت بالمستشفى 5 ايام ولما طلعت طلعت معي ليليان بس عدنان كان معه اصفار وحطوه تحت نيون وضل بالمستشفى انا ما كنت اعرف للاولاد وامي متوفيه وحماتي بالعدة وانا بالسعودية ما بعرف حد جد بعد يومين من لما طلعت مستشفى غيبت من قلة الاكل وسهر والتعب لانه ما بعرف شي . وهلا الحمد لله اموري صارت تمام وصار عمر اولادي سنتين ونص