مو مشكله .. بس ابي افضفض ^_^

ما عليه حبيبتي...في ناس يقولون الكلام و ما يفكرون شنو وقعه على الآخرين..و هذول *تعذرينهم*...لانهم على جهل باللي يسوونه..

و في نمط ثاني...يدورون زلات للناس و اشياء ينتقدوها اما لانهم حسودين او لانهم يحسون بنقص و يبون النقص هذا يصير عند الآخرين...و هذول *تهملينهم*...لانهم عاهة نفسية...اذا عطيتيهم اهمية بتوسعين دائرة عاهاتهم النفسية

حملج رزق من رب العالمين و مكتوب لج باليوم الفلاني و الساعة الفلانية بشاكلة كذا و كذا!!!..يعني حتى لو انت حاولتي ما تحملين...ارادة الله بتصد هالشي و اللي هو كاتبه سبحانه بيصير لج...و اذا تفكرين فيها...سبحان الله..هالشي فعععلا صار معاج...انت نويتي شي مع زوجج..لكن ارادة ربنا هي اللي مشت...

فاستعيني بالله على الصبر بهذي الفترة...و لا تخلين احد يقتل فرحتج...بالعكس استانسي و تذكري و ذكري زوجج جزاء اللي يربي بنت و يصلح تربيتها عند الله (في حديث بهالخصوص دوريه)...و اقري كتب و تثقفي بمجال التربية...و تجهزي لمولودتج...و اللي يقط عليج كلام...قولي له اللي قلته "هذا رزق من رب العالمين جه فوقته اللي ربنا قدره لي" و احمدي الله...و بسسسس...اذا زادوا كرري الحمدلله او ابتسمي و بسسسسسسسسس

و ربي يجعل ذريتج كللللللها من البارين و الصالحين...آمين آمين آمين

حبيبتي كلام الناس لا تودي ولاتجيب ترا الناس ماعندها سااالفة ولاتهتمي فيهم اهم شي هذا حكمة رب العالمين وارادته وفرحي ببنوتك وجهزي اغراضها ونشغلي وستمتعي بحملك هذه الفترة راح تكون احلى لحظات حياتك صحيح فيها شوية تعب بس تعيشي دور الامومة شي عظيم لا تسمعي كلام حد اتمنى ما اكون ثقلت عليك بكلامي :083:

حبيبتي ما تحطي في بالك في ناس ما لها لا شغلة ولا مشغلة غير يحكوا اللي ما تزوجت يقولوا متى تتزوج واللي تزوجت يقولوا متى تحمل
واللي تحمل بسرعة يقولوا بكتري واللي تأخرتي يووووووووه حكي الناس ما يخلص سكري اذانك عن هالحكي وخلاص
وبالسبة لأبو زوجك لو فتح هالحديث مرة ثانية قولي قسمة ربي ما بيجوز نعترض
الأولاد نعمة ربي لا يحرم أحد منها

الله يتمم لك حملك على خير وتجيبي أحلى بنوتة

مبروك مـآشآء الله الله يتمم عليج ان شآء الله ويسهل عليج
بخصوص كلام الناس اصلا الناس غآيرين منج ماعليج منهم
انتي حاولي تكونين قويه وماهمج لا ناس ولا غيره لانه بيأثر على شخصيتج يا حلوه ..
واذآ ب الممنتدى جذي عيل في الحيآة اشلون رح تتقبلين .. لازم الآنسآن يكون قوي في كل الآوقآت حبوبه ...
تحيــآتي ..

اول شي الف مبرووووك
الله يتمم لك ع خير
وبالنسبه للناس والله ما يعجبهم
شي انا اهل زوجي البنات كثير
والاولاد قليل وهذا شي من عند ربي
يوم حملت قالوا نبعى ولد لانه اخوة جلس
10 سنين بعدين جاب ولد وانا كان عندي عادي
اهم شي طفل سليم وجبت ولد يوم عرفوا
قالوا البنت احلى تساعد امها وتصير صديقتها
يعني باختصار الناس ما يعجبهم شي
ماعليك في احد ولاتخلي احد يخرب عليك
فرحتك الاطفال نعمه من عند ربي افرحي
وسوي كل اللي في باالك (الحقران يقطع المصران)
خليها حكمتك مع الناس اللي زي كذا

انت الغلطانه اللي مخليه نفسك لعبة للناس تلعب بك

طبيعي أي متزوجه ممكن تحمل وتجيب عيال

وسالفة حملتِ بسرعه وطلعت بنت

انتِ الغلطانه انك تقولين هالشيئ كأنك خايفة وسويتي ذنب وتبررين

محد له خص في حياتك

مرة ثانية اي حد يقول لك أي شيء

قولي الله كاتب والحمدلله وانا فرحانه وادعوا لي اقوم بالسلامه

وانتهىىىىى

مرة ثانية اقول لك محد له خص ووقفي الكل عند حده

جوابك كلمتين وبس

ولا اطولين حجي معاهم ولا تبررين ولاتخلين نفسك لعبة لحد

واللي بيقول خلفتك بنات

قولي هالزمن البنت تنفع وترحم اهلها احسن من الولد وخليهم ينبطون ويحترون

اعوذ بالله

حتى الشياب والعيايز في الزمن خبلان ولاعندهم سالفه وعقولهم مثل اليهال

الله يصلح حالنا ويكفينا شر هالناس

آول شئ آلف آلف مبروووكـ
وجعلهـآ تتربى بعزكـــمـ يــــآرب :032: :032:

ومــآعليك من كلآمهــم طنشي وخليهم آللي بقلبه شئ بيطـلع

ومــآدآم آنــكـ آنتي وزوجـكـ مبسووطـــــــــــــين ومستــآنسسسين مـآعليكـم من كلامهم
ومثل مــآقــآلوآ آلبــنــآت ;)

ياقلبوووو الف الف الف 1000000000 مليووون مبرووك الزواج والحمل والبنووته :)



ربي يتمم عليكي ويجعلها من المواليد الصااالحين يااااااااااااااارب :)




حبيبتي انتي .. ليه علمتي جنس المولود كان تركتيها مفأجاه للاهل :)


ماعليك من احد ياقلبي طنشي مراا هذا هما الاهل مايعجبهم حاجه ...للاسف :(

اذا لساتك ماتزوجتي قالو عانس واذا تزوجت وماخلفت قالو عقيم واذا جابت اطفال قالو مسررع
واذا جابت بنات قالو ام البنات
واذا جابت اولاد قالو كلو اولاد
وليتهم فووق هذا كلووو يذكروون الله :sick:

اسم الله عليكي ياقلبي ..
حصني نفسك ..
وخلي الي يتكلم ياخذ ذنوبك ...
العريس للعروس والجري للمتاعيس ههههه:D

مبروك و قولي الحمدلله و ربنا يتمم لك على خير

خلي كلام الناس و ايلي يقولك شي قولي الحمدلله الله رزقنا و ان شاء الله يتمها علينا بخير و نحن حامدين ربنا لان غيرنا الله ما رزقهم و يتمنون ايلي احنا فيه
مبروك لك و الله ينبته ذرية صالحه

مرحبا حبيبتي , الف الف مبروك على الزواج والله يسعدج يارب , ويتمم لج الحمل على خير

وتولدين بالسلامه وتيبين لنا كتكوته حلوه , الحين انتي ما عليج من الي حواليج , كل يوم

بتسمعين لج شئ , طنش تعش , بالنسبة لحملج , كان رديتي عليهم اذكروا الله , الله رايد,

كان كويتيهم بها الرد , انتي تربيتي في بيئة متحضره والي حواليج , اسمحي لي على جرأتي

مب ناس متفتحين واجد , وما عليج منهم انتي افرحي وخليج واثقه من نفسك ومثل ما قلتي

أن خلفهم اولاد يعني الأولاد جايين في الطريق :)

كلام النــاس ينـــداس !!

اذا بتميـــن تسمعين كلام فلانة و علانة ما بتخلصيــن، و بتتعب نفسيتك عالفـاضي

منو اللي بيحمل انتي ولا الحريم !!

افرحـي ف حملك و استانســي هاي أحلى الأيــام

غيرك محروم من هالنعمــة !!

قولـي الحمدالله على كل حال

الله يسهل حملك و يرزقك فالبنت البــارة ف والديهـــا ^__^

روحي جهزي ملابس الحمــل و اقهريهم :)

فديتكم والله :adore:.. الله يسعدكم وينولكم اللي في بالكم بصراحه رفعتوا معنوياتي .. انتوا بجد خواااااااااااااااااااااااااااااااتي :adore:
وان شاء الله بحاول اكبر راسي واتجراء و ارد .. معني ما اعرف ارد ابد :|..
واطنش كلامهم اللي يغث ويوجع ..
وربي احبكم يا احلى خوااااااااااااااااااااااااااااااات :L:

حبيبتي المهم الف الف الف مبرووووك عليك الزواج والحمل ... تراه نعمه من الله ... غيرك يتمناااها ...


انا مثلك حملت بحمودي على طول بعد الزواج ... وطول فتره حملي .. كل ماسويت سونار .. يقولوا بنت .. سويت اكثر من 3 مرات ...


تصدقي حتى شريت كل شيء وردي ... طقم النفاس والرضاعات وملابسه .. كلــــه وردي ...

وتفاااجأت بالولاده,,, باغالى حمودي بالدنيا...

ومن ناحيتهم ..لا تأكلي هم .. وتشغلي بالك .. ومن راقب الناس مات هماً.. حبيبتي ماعليك منهم ...



ياشيخه .. ان جاك بنت والا ولد ... نعمه من رب العالمين ...

الله يووفقك وتقوومين بسلامه وتشوفين بنوتك


والله نحن عندناا غير اذا ما حملت من اول سنه زوووواج
بيقوولون ليه تااخرت ومن السبب ؟....


والله محد عارف للمجتمعاات

افرحي استانسي عيشي حياتش
طنشي اي احد يرمي يقولكم اي كلمة
تضايقكم ولا تخلين احد يأثر عليش بكلامه
الحمل و الولادة بإرادة الله تعالى و قدرة ألف
مبروووووووك خيتو و الله يثبت حملج اهم شي
انتي و زوجش مستانسين بس غلطااااااانة لما
قلتي لكل عن جنس الجنين مرة ثانية لا تعلمين
لان راااح تزيد غيرهم

صراحه بنتك راح تصيردلوعه العائله اناواثقه من كلامي وماعليك منهم حسودين وانتبهي لايحسدوك على سعادتك ومافي احلى من الاطفال بنت اوولدكلهم رزق من ربي وامانه في ايدينا والعقول المتخلفه طنشيها واهتمي بسعادتك من زوجك مالك غيره ولاعادتعطينهم مجال انهم يعرفون شئ من حياتك مع زوجك يعني خليك رسميه معاهم تقهرينهم اكثروبالعكس البنت حبيبه ابوها ودلوعته لايهمك سوى نفسك وزوجك خلي فتره الحمل احلى شئ في حياتك ومبرووووووووووووووووك ربي يتمم فرحتك