تطبيقي لحلى الاوريو للأخت ام نجود الاحساء..حياكم..

ماشاء الله شكله روووووووووعه عقبالي اطبقه
تسلم ايدك

يميييي شششكلها لذيذةة

تسسسلم آيديآتك يآعسسل ،

رووووووووووعه بس يا ليت حبيبتي لو تحطين المقادير بالضبط

لانه الرابط الصور مش طالعه لانه الموضوع قديم
ومو مكتوبة تفصايل المقادير

فياليت تحطين تفاصيل المقادير والطريقة

وتسلم يدج

ماشاء الله

تطبيق اكتر من رائع

تسلم ايديكِ حبيبتي

ماشاء الله تطبيق أكثر من رائع
تسلم يدك ويد أم نجودة
الله يعطيكم الصحة والعافية

تسلمي

مبين عليه لذيذ،،تسلم ايدك

ما شالله شكلو بياخد العئل يسلمو دياتك استمري

أشكركم عزيزاتي على الردود الطيبة..

شجعتوني.. :o

SomeOne1;15320549:
رووووووووووعه بس يا ليت حبيبتي لو تحطين المقادير بالضبط

لانه الرابط الصور مش طالعه لانه الموضوع قديم
ومو مكتوبة تفصايل المقادير

فياليت تحطين تفاصيل المقادير والطريقة

وتسلم يدج

ان شاء الله من عيوني..

بعطيج بالضبط مقادير الاخت ام نجود..

المقادير:

- كيكة اسفنجية نكهة الشوكولاته..
- جبنة كيري..
- قشطة..
- صلصة هيرشي..
- دريم ويب..
- بسكويت اوريو (الداكن)

الطريقة:

- تجيبين الصينية..(الاخت ام نجود مسويتها في قالب الكيك اللي يتبطل من الجوانب..وانا سويت مرة بالقالب ومرة بالبايركس)..تاخذين الكيكة وتفردينها في الصينية كطبقة اولى..

- (هالشي انا سويته علشان احافظ على السويت..بعد مافردت الكيكة حطيت الصينية في الفريزر علشان يشوي تستبرد عندي الكيكة لإنها فريش وطريه فإذا حطيت عليها الكريمة احتمال تخترب..انت وبكيفج وبطريقتج)..تاخذين الدريم ويب العلبة كاملة وتضيفين عليها الحليب الكمية المكتوبة على ظرف الدريم ويب + 1 قشطة + 3 حبات كيري .. وتخلطينهم بالخلاط..وعقب ضيفي عليه صلصة الهيرشي وكسري بسكوت الاوريو فيه يعني مايكون مليان ولا شوي..تحكمي فيه باللي تبينه..

- بعدين حطيه في الفريزر لمدة ساعة..جهزي الكريمة الطبقة الاخيرة..دريم ويب+ كيري+ قشطة..(نفس مقادير الطبقة الثانية)..بعد مرور ساعة ضيفي الطبقة الاخيرة عليها..

اذا حابه تكون مثل الايس كريم( ترى بتكون لذيذة وايد)..حطيها في الفريزر لحزة التقديم..واذا تبينها عادية حطيها في الثلاجة..وزينينها بصلصة الهيرشي وبسكويت الاوريو..

* ملاحظة:

اضفت اللبنة في الكريمة، عطت نكهة لذيذة وكانت وايد خفيفة..

واستخدمت اوريو بنكهة الكراميل عطت نكهة لذيذة في السويت..

وعليج بألف عااااافية

ماشاء الله

تطبيق اكتر من رائع

تسلم ايدج اختي

يسلمو على المرور الطيب حبيبابتي..