بيتنا الخامس عشر ربات بيوت اكثر سنع في شهر شعبان وقبل رمضان

ا

انثى ذوق

عروس مشرقة

01-07-2011 | 08:35 PM

السلام عليكم

صبــ آحكم رضآ ومسـ آ كم سعــآده

الله يبارك لنا بشعبان ويبلغنا رمضان ...

حبيباتي حنا مجتمعين هناا علشان نشجع بعض ونبذل جهد

علشان نوصل لهدف الى هو ..اني اكون ربة بيت ناجحه:08:

فـ في شهر شعبان لازم نثبت جدارتنااا

لازم نأخذ بالاعتبار .. اول شي تنظيف عميق

علشان يكون البيت في رمضان مريح نفسياا ويقلل جهدناا

وثاني شي تفريز

يلا كل وحده تكتب:082: طريقتها بالتجهيزات سواء بالتنظيف العميق :068:

او من ناحية التجارب

والخبرات في التفريز

وماننسى نحتسب الاجر والمثوبه من رب العالمين

وعلشان نختصر وقتنا برمضان ونستغل وقتنا بهـ الشهر الفضيل بالعباده وقراءة القران

وماننسى الاكثار من الاذكار والاستغفار

لان لها مفعولها سبحان الله في البركه في الوقت والجهد
اخراج : محبتكم :adore:..
دفا الثلج ..

ا

ابتسامة بدلع

عروس مبدعة

01-07-2011 | 08:43 PM

مسسسسساء الخييير
مبروووك البيت الجديد ويارب يكون فاتحة خير على الجميع
وتولدي باأنوثه بالسلامه بشعبان
جوجو
الله يسخر لك زوجك هونيها وتهون

*

*شذى الورد*

عروس مشرقة

01-07-2011 | 09:05 PM

مبروك البيت الجديد الله يبلغنا رمضان
اكتب من الايفون وصعبه الكتابه شوي

روحي البسبوسه طلعت واااااو
جداويا الله يسخر لك زوجك ويصلح مابينكم
سلخير الله يسعدك وشلون احمل الواتس ابً?
وهل هو مجاني.

ا

انثى ذوق

عروس مشرقة

01-07-2011 | 09:10 PM

مساء الخير

الف مبروك ملفنا الجديد
ومشكورة يادفا
لانى بالفعل ماكنت راح
افتح اى ملف الين احد يرسل
لى وكل شهر نخليها على وحده
مننا تتكفل بكتابه الموضوع
وترسله على الخاص
وانزله لها اتفقنا ياحلوات F:

المهم بالنسبه لموضوع الاطفال
فهمتونى غلط
انا مااحب لمن اكون في زياره
او احد يكون عندى او مجتمعه
مع اهلى واخواتى وينط بزر
يشرب من فنجال امه
ويجلسون الاطفال معنا
اول شىء كلام كبار وخصوصا
في اطفال نبيهين زى بنتى
كل الكلام اللى انقال توصله
ولمن اصرف عيالى عيال الناس
جالسين عندنا نجلس نقول روحو
العبوا شاطرين ولاحياه لمن تنادى
غير صحون الحلا والفناجيل يحوسونها
فهمتوا وجه نظرى يعنى احب لمن
اكون عند الناس مااجلس عيالى
بحضنى ويشرب من فنجالى
وانا ابغا اعود بنتى كذا تحترم
المكان ببيتنا تسوى اللى تبي
لكن لمن نكون عند اي احد
تعرف الصغار مايجلسون عند
الكبار وماتصير الجلسه فوضا
وقلق الحين صايره لمن انزل
لاهل زوجى ومجتمعين مع اخوات
زوجى ماتريحينى تجلس في حضنى
تقاطع اى سالفه او تجلس تنادينى
ولمن اشوف وش تبغا الاقي
ولاشىء بس تقول طفشانه خخخ
واحاول اشغلها مافي امل مصره
البنت تجلس وتتلزق ولاطلعت
فوق بيتى تجلس تحت تلعب
مع الاطفال وقريبتى
عيالها كذا يبهذلونها حتى
بجلسات الناس او مجتمع او عيد
طوال الجلسه يشربون من الفنجال
يحوسون الحلا يضمون امهم كل شوى
يعنى بطريقه خلاص تجيب الضغط
كل شوى وهم كبار تلزق
وبنتى تبي مثلهم

المهم ماعلينا خخخخخخخخخخ
يومياتي
امس الخميس قمت الظهر فطرت
عيالى شابوره وشاى وجا ابوهم
واعطيته معهم وانا مالى نفس
تحممت من قلب قرفانه
وعلى اساس فاتح عندنا
مطعم هندى وعازم اهله
وامه مصدعه وه بس انقهرت
لان الهندي بس في الظهر
العصر يقفل وعلى 2وشوى
كلمها زوجى قالت لسه مصدعه
غسلت الابيض وكويت الثياب
وصحا زوجى 3 ونص
اكلتهم فواكه وكلم امه
واذن العصر قالت خلاص
نروح رحنا اكلنا صينى وبيك
وعلى اساسس نبغا نشوف مانجو
ومذركير بس ابو زوجى
كان بالبيت ومعصب اضطرينا
نرجع رجعت اذن المغرب
جاتنى قريبتى غسلت المواعين
وكنست الصاله عملت القهوه
طلعوا اهل زوجى وتقهوينا وظهري
مره قام علي طلبت لهم بيتزا
وتعشينا وارسلت لابو زوجى
لانه ماخرج من البيت
ونزلوا اهل زوجى على 11
وجاء زوجى ونام وقريبتى لسه
زوجها معزوم وماجاء ياخذها
وانا ظهري مره طلق صار
وماراحت الا 1الاربع
على طول غيرت لبناتى بجامات
ولبست بجامتى وصليت
ونمت على 2الاربع

اليوم الجمعه الساعه 9 زوجى خرج
وانا النومه معاى لسه وعلى 12جاء
ولدى لانه راح مع ابوه وقال لقا
برعصي صغير بالمخزن هو وابوه
وع ياقرفي :hysterical: نطيت ومالقيت شىء
بس لقيت المخزن :hysterical: مقلوب فوق تحت
لانى ماادخله لابغيت شىء ارسل
عيالى وهم قالبينه قلب ياقهري
قمت فطرتهم وروشتهم كلهم
وغيرت بجامتى وصليت
الساعه 1ونص جاب زوجى الغدا
نزلت اسفل وتغدينا سمك وصياديه
ساعدتهم في المواعين وطلبتنى ام زوجى
اخلط لها قهوه النانخه لانها ماتعرف
المقادير خلطتها وطلعت بيتى
اول شىء رتبت غرفتهم هى مرتبه
بس الارض فيها كم حوسه لميتها
ورتبت دولاب الجزم وطلعت اللى
ماابيه ومسكت الحمام على 3
طلعت كل اللى فيه وفركته
بكلور وعملاق الجدران مع الارض
مع كلور من زمان مافركته من قلب
والبانيو طلع جنان وحطيت نفاثلين
وبخاخ فيه كلور ومطهر وقريب
من الكرسي يصير اللى يستخدم
الحمام يبخ من البخاخ منعا للروائح خخخ
ورتبتت الادراج اللى فيه
ورجعت اكسسواراته
طبعا جاء زوجى وشافنى افركه وانبسط
يحب يشوفنى اشتغل خخخخ
راح بينام بس ماجاه نوم
انا خلصت الحمام وصارت رهف
تنادى ابوها
تقول الحق الحمام صار مو حمامنا
زى حمام امى بسمه خخخخ
تقصد اهلى كذا حمامهم ريحته نفاثلين
قال ابوها امك متخصصه تنظيف حمامات خخخ
توضيت صليت العصر وعملت لى يانسون
وعلى 5 ونص مسكت المطبخ نظفته
ورتبته ومسحت الارض
وكلمت كل اخواتى وه بس:L:
وجالسه اغسل الغوامق
صليت المغرب جاب زوجى منتو
ويغمش محد اكل الا انا
وولدى جايب هامستر خخخ
وفرحان فيه ظهري مره يوجعنى
وكفايه الانجاز اللى عملته
اليوم راضيه عن نفسي
تمااااام الرضا :L:

ا

الدلوعه26

عروس جديدة

01-07-2011 | 09:13 PM

مساء الخير
مبرووووووووك البيت الجديد الله يبارك لنا بشعبان ويبلغنا رمضان بخير وصحه وعافيه
ودى وحبى واحترامى للجميع ولى راجعه ان شاء الله

د

دانة قلبه

عروس ماسية

01-07-2011 | 09:23 PM

هلابكم
مبروووووووووك الملف الجديد
ومقدمه حلوه يادفا الثلج
جوجو
الله يسخر زوجك لك
ويهون مابينكم ويجعل المحبه عنوانكم

انثى
الله يهووووون عليييييييييك
ابتسامه دلع
اخبااااااارك
سلخيرررررر
اخبااااارك حبوبه

يومياتي
مافي جديد بس حمواتي كانو عند قبل يومين
وطلبنا عشاء من المطعم
وزوجي رجع بسلامه

طفشت من الروتين والملل

دانة بقلبه كانت هنا

ج

جداويا يا ابويا

عروس مبدعة

01-07-2011 | 09:46 PM

ماشاء الله دخلنا شعبان و احنا مو حاسين

يارب تبارك لنا و لكم فيه و تبلغنا رمضان يارب

و الله يجعل هالملف عامر بذكر الله...

انثى ذوق
حلوه فكرة كل شهر على وحده عشان نعطي
فرصه لكل وحده تطلع افكارها

د

دفا الثلج

عروس مشاركة

01-07-2011 | 09:52 PM

سلام

انثى يعطيك العافيه بس وين راح التنسيق خخخ

عاذرتك انتي وكرشتك ابمشيهاا لك هـ المره :worn_out:

..,,

س

سلخير

عروس نشيطة

01-07-2011 | 10:39 PM

شى هذي صوره البرنامج واكيد بيصير محمله المحل عندك

ولازم يكون عندي رقم جوالك عشان نتواصل
ومايشتغل هالبرنامج الا بالنت واير لس
انا تمام دنونه هناك العقلان برجعه زوجك
جوجو فاقدتك على الماسن الله يصلح مابينكم ويسخركم لبعض
تعشيت انا ودودي بطاطس مقلي وسندويش دجاج بخضار
ومابعد غسلت مواعيني
نويره تحوس عندي بهذلتني سي يو

~

~لمعة الماس~

عروس متألقة

01-07-2011 | 10:40 PM

واااو مبروك الملف 15 عقبال المليون
واحنا بالف صحه وعافيه
مشكورة انوثه ودفا

~

~لمعة الماس~

عروس متألقة

01-07-2011 | 10:58 PM

[جوجو]
الله يفرج همك ويسخر لك ابو جوري
حتى انا فاقدتك بالمسن بقووووة
الله يصلح الحال
..
[انوثه وروحي وعروس ]
الله يتمم عليكم ويفرح نظرتكم
..
[دندونه وبسومه]
الله يرزقكم الطفل السليم المعافى وكل من يتمنىىىى
..
عروس شرايك باسم ميلان والا تولين والا لينا
؟؟
خوخه
الحمدالله على سلامه قوزك وقرة عينك برقوعه
..
هموسه حمدالله على سلامه الوصول معليش توي انتبه
..
رايقه ..
يومياتك روووعه خقق ههههه
البقيتـ حبي ومودتي ودعواتي لكم

~

~لمعة الماس~

عروس متألقة

01-07-2011 | 11:22 PM

سلامو..
يومياتي الثلاثاء والاربعاء الخميس الجمعه..[
يوم الثلاثاء كنت
قبلها بيوم نظفت
البيت انا والخدامه
وراحت العشاء وبعدها
كنا متجهزين رحت
لاستراحه اهلي امي

عازمه خالاتي اخذت
معي شاهي وقهوة وكيك

ورجعنا 3الفجر
نومت الشباب وصليت ونمت

قمت مفزووعه 2الظهر طبعا

الاخت دوده>>اقصد الدورة

مشرفه بتقطع افهمومها عاد..
جمعت كل الحلويات والبتي

فور والفطاير فوق الطاوله

ورحت المجلس شغلت المباخر

والاباجورة والمكيف وغسلت

بيالات الضيوف والفناجيل وجهزت الترامس بس لاسويتها

احطها لطول بالمجلس ووصيت

زوجي على باقي الاغراض وجهزت حفله للاطفال

وبالونات وخرابيط

وقاتوهات وعصاير

وحطيت المسجل بالمجلس

ولاصفيت السفره حقت الاحفله وعزمت امي وخواتي بس بدون اخواني خخخ

وجو الضيوف اخر المغرب

قدمت لهم مويه بارده

وعقب قلطتهم على السفره

بالصاله فيها مالذ وطاب وقهويتهم شوي وخليت امي تكمل ورحت انا واختي نضبط بالمجلس وشغلنا الشموع

والمسجل ولبسنا الاطفال

القبعات وهاتك ياتصوير

وناديت امهاتهم يتفرجون وعقب خليتهم ورحت اتقهوى معهم
وعقب طلعتهم حطيت لهم

السوني بغرفه عيالي وباقي

النفرات بالصاله عند براعم

ونقلت الحريم للمره العاشره للمجلس ازين وسواالف وسوالف

لين 1ونص قدمت العشاء
بروست وكبه وسمبوسه ومقبلات

ومصقعه كلها من براا اريح

..
طلعو 2ونص وسهرنا انا وامي واختي لين الفجر عقب

راحو روشت عيالي ولبستهم

وكنست البيت ورتبتته

وسكرته المجلس وجمعت الزبايل بالحوش
وكان فيه مواعين القهوة خليتها ونمت هلكانه
..
ماذكر متى قمت يمكن العصر
لاني مانمت الا7الصبح

الاربعاء ..كسل*كسل
سويت فطور وعقب المغرب

تقهوينا وعالنت وع11قال زوجي بطلع تروحون لاهلك قلت

طيب بس برجع ملابس من ستي

ماكس ماصلحت حطيت عيالي

ورحت وصلنا والاهم يسكرون بوجهنا قهر
رجعنا تعشيت عند اهلي ورجعت 2ونص سهرره لين 6الفجر

وعيالي يالله معطتهم من الحوش يلعبون بالسياكل جت العطله وجاء السهر وه بس.

نمت بعد مانهديت من العمه وصلت صدق وقبل غيرت للشباب
وقمت3سويت قهوة وفطور

افطرناوغسلت المواعين وجمعت زبايل البيت برا.. وطلبت زوجي يجيب حلى وفيشار ناخذهن معنا لحمولتي

باستراحه
لبست العيال ولبست وطلعنا بعد المغرب ورجعنا 3

اليوم نفس الروتين قومتنا متاخره يارب تعفو عنا
سويت قهوة وشاهي وافطرنا فلافل
العصر خخ ولافي ولانجاز ودي احط دفعه غسيل متعيجزة أي صح عطيت زوجي ثيابه للكواي مافيني حيل ابدن..
وسلامتكو

~

~لمعة الماس~

عروس متألقة

01-07-2011 | 11:29 PM

شذى الورد..)
معليش نسيتك الله يتمم حملك ويفرح نظرتك
وتر الحنين..)
عالبركه الملكه الله يتتم فرحتك
ويهنيك
سلخير..)
هلاهلا منورة

ه

همس28

عروس متألقة

01-07-2011 | 11:31 PM

lمبروك البيت الجديد الله يتمم لنا هالجمعات ع طول اهلي راحو زواج وانا وابوي في البيت ومحيوس مكان ماتجهزوا بقوم ارتبه وابخر وارجع بس قلت لازم اهني بالبيت الجديد

ج

جداويا يا ابويا

عروس مبدعة

01-07-2011 | 11:55 PM

يا حبني لكم يا سلخير و لمعه ما تفقدون

غالي يارب

شذو
الواتس اب على متجر ابل بفلوس مو مجاني الا
اذا انتي مسويه جليبريك فاتوقع بتلقينه عالسيديا مجاني

~

~لمعة الماس~

عروس متألقة

02-07-2011 | 12:23 AM

[جوجو ]ولايحرمني منك يااااااااااارب
والواتس اب انا محملته من النت عاتي
ومجاني اتوقع لودخلت النت من جوالها تقدر تحمله عادي

S

Still Ambtion

عروس مشرقة

02-07-2011 | 01:23 AM

مبروك البيت الجديد

والايام سريييييييعه ضاق خلقي ياسرع الايام

جداويا صدقيني كل بيت يمر بمشاكل شوفيني انا ولمعه مره وحده انهبلوا رجالنا الحين ياربي لك الحمد سحابه صيف وراحت الله يخليه لنا ودعواتي لك بالفرج

~

~لمعة الماس~

عروس متألقة

02-07-2011 | 01:34 AM

والله انك صادقه رايقه مافي بيت يخلو من المشاكل
بس بوقتها انا يوقف مخي عن التفكير وتضيييق علي الدنيا
ولازانت الامور احس اني سخيفه ذاك الوقت
ليش مابسطت عمري وفليتها ومصير المشاكل بتنحل ان شاءالله
مير انا وزوجي صايرين ديكه خخخ مايمر يومين الانتناقر

~

~لمعة الماس~

عروس متألقة

02-07-2011 | 01:48 AM

انوثه مت ضحك ههههههههههه
على سالفه الحمام ورهوفه خخخ
ياحبي لها
..
دندونه حمدلله على سلامه قوزك
..
بنات اللولب يسبب وجع بالظهر والاوراك
والله من قوة الوجع مقدر امشي ولااشتغلت زاد الالم بقووة
ممكن يكون متحرك الله يستتتتتر

.

..R O S E..

عروس مشرقة

02-07-2011 | 01:53 AM

مساء الخير

مبروووك علينا البيت الجديد.. وتسلمين يا دفا عالمدخل مره حلو..

من وين شريتيه.. خخخخخ

الايام تمضي..والدنيا فانية..

والحياة الزوجية كالبحر.. كبيييير وعمييييق ومليان اسرار وكنوز..

والامواج (المشاكل) تحافظ على المياه نظيفة وصحية..

اما لو كانت المياه راكدة وما فيها اي تيار يحركها..

راح تكون مستنقع للحشرات والمويه بتسير كدرة..

فالمشاكل ليست مشكلة ولا نهاية للحياة..

(((فلها وربك يحلها)))