مساكم فل ومسك وكادي ...
الرجل ..في كل مجتمع عنصر مهم جداً .. وبالذات في مجتمعاتنا الخليجية ..لمحدودية
الإستقلالية
النسائية ..لكن لايخلو هالعنصر ..من بعض العيوب والعادات السلبية ...واللي غالباً ماتكون
سبب
لكثير من حالات الإنفصال الزوجي ..
وبالتأكيد ماننزة النساء ... (مايخلو الأمر .. ) .. لكن هي مجرد تشريح بسيط لبعض
الشخصيات الرجالية ..مع التأكيد على كلمة بعض ...
؛؛دونجوان منفوحة ؛؛...
هذي نوعيه من الرجال اللة لايبلانا ..تجاوز مرحلة الغرور
والإعتداد بالنفس لمرحلة نفسية صعبة ..
غالباً مايجيد جميع أنواع الترزز والفلسفة .. عينة زايغه .. طفران بس شايف نفسة ..
يحب المدح ..ولا يحيب يمدح ..يشوف زوجتة دايماً أنها تسكيتة ..يسكت نفسه فيها لين
يلقى اللي تستاهلة
وفي الحقيقة ماراح يلقى لأن كل الحريم مايستاهلون التمتع بطلتة البهية ..
وكل ماقام وقعد سمع زوجتة كم موشح من اللي هوا ... أنة تنازل وتزوجها ولا كانت
عنست عند اهلها ..آلخ ..
غالبا عندة تيبس في العمود الفقري من كثر مايرتكز عشان ماتخرب التشخيصة ..
وماعندة مشكلة لو يدخل يترزز في مكان فايف ستار وبوكة مافية غير 50 ريال وجوال آخر
موديل برقم سواء مشحون ب10 ...
لا ..ومن زين الطبايع ينافخ على العمالة كنة صاحب محل ..
؛؛رجل الثلج ...ورجل العسكريم ؛؛..
هالنوعية هي أكثر نوعية متوفرة عندنا في البلد .. زي مقاس ال s في المحلات ..
شخص ..متبلد الإحساس ..متجمد القسمات ..لين أبتسم تسوين حفلة .. والله يستر
لايضحك معك عشان ماتتهورين وتسوين عرس ..
يسمع من بعيد بشي أسمة عواطف .. بس الظاهر يحسبها أسم حرمة ..
ولين تكلفتي وجبتي لة هدية ..خذها وقعد يقلبها وقال بكم شريتيها ؟؟
لا والمصيبة الكبرى لين صار بخيل مشاعر وبخيل مادة .. هنا بيكون فعلا زي الثلج .مالة
لاطعم ولا لون
لكن فية نوعية ..مثل الإيس كريم ..وفي رواية (العسكريم ) ..هذا صحيح أنة متبلد
الإحساس ومايعرف
شي أسمة مشاعر جياشة ولا عواطف منحاشة.. لكن يعوضك ببعض الجوانب الأخرى..
ويكون مثلج لكن فية طعم ونكهه على الأقل ..
يعني ببساطة ..نص العمى ولا العمى كلة ..
؛؛أهلي وبس ..والباقي خس؛؛ ...
هذا النوع يعتقد دائماً وأبداً أن زوجتة من دخلت بيتة وهي تكرة اهلة وتضمر لهم السؤ
مهما حاولت
تثبت العكس .. وأي كلمة تقولها تخص اهلة حتى لو تقول بروح لاهلك قال:
وش قصدتس
يعني
؟؟؟
وغالباً علاقتة مع زوجتة يشوبها التوتر في كل حوار .. لأنها تحس أنها محاصرة وماعندها
خصوصية ..
خصوصاً أن غالبهم مايخبون شي عن أهلهم ..حتى الأشياء الخاصة بينة وبين زوجتة
يفلها لهم ..
؛؛مدري لية صانعين المراية؛؛ ..
هذا من الشخصيات التحولية .. يعني هو غالباً في بداية زواجة وشبابة مايكون فية خلل
لكن مع التقدم في المراحل .. تبدأ تتكون عندة هالنرعه ..لأنة ببساطة يصحى من الاحلام
الوردية وتبدأ كوابيس الخريف تداهم أحلامة ..
فيحاول يحسس المرة أنها بس هي اللي كبرت وعرعرت .. حتى لو كان بينة وبينها 10
سنوات
والظهر اللي يستند علية هي القاعدة الجائرة اللي تقول (الحرمة تعجُز والرجال مايعجُز )
فيبدأ التعليقات والتميلح على الرايحة والجاية .. ويعلق على ذا الضعيفة وعلى جسمها ..
بس مايكلف على عمرة يطل شوي على المراية ويتآنس بالطلة البهية
و الصلعه المخملية .. و الكرشة البالونية ...
؛؛كلش لا كلش لا كلش لا ؛؛
..
هذا نوع من الرجال ...يحب يقول لا ..بدون مايفكر وش القصة ..ولا ليش يقول لا ..
لانة يعتبرها رجولة وقوة شخصية ... بينما هي تخفي خلفها شخص ضعيف لايجرؤ على
المواجهه .أي شي تطلبينة ومهما كان ..دائما يجابة بنفس الرد ... بروح ...لا ..
بشتري ...لا ...ودني ...لا ... آلخ
لكن خلة يجي الليل ويقعد يتميلح وتقولين لا ... تقوم القيامة على راسك ...
؛؛ياذا البكرة اللي ماطاع يجي؛؛ ...
هذا يشبة راعي لا ..لكن ألعن شوي وأكثر حرق للأعصاب ...ودايماً زوجتة مستهلكة
نفسياً من شدة الضغط ... كل ماطلبتي شي ..مايقول لا ...لكن يقول ..
طيب ... بكرة ... بعدين ...يصير خير ...بشوف .... آلخ ..مدري وش بيشوف الأخ ..
حتى أنك تتمنين انة يقول لا ..ولا يقول طيب بشوف ..
غالباً عيالة .. متأخرين في كل شي ...تطعيمهم وأوراقهم وشهاداتهم ...
ودايماً مشغول ... ولا صاحب المعالي ..
أو بالأحرى يحسسك أنة مشغول مع العلم انة يطلع منك ويروح يتمرغ
في الإستراحة ..بين البلوت وخلافة ...
؛؛قعط عط* والأقر على الله؛؛ ...
هذا اتعس واحد فيهم ... ولا أتعس منة غير اللي يعيش معه .. شخص حارم نفسة من
كل شي ..
وحارم اللي معه .. عندة المادة على رأس أولوياتة ..حتى تقييم الناس عندة ...يقيمهم
بكم عندهم ..
إذا بغيتي تجلطينة قولي أبي فلوس .. وإذا هداة الله عقب إلحاح ومعاريض ...وحب
يعطيك 100 ريال
ينام في الليل وهو حاضنها عشان يودعها ..همن يفكر الصبح يعطيك إياها ولا ..
يكرة الإلتزامات ...يقلل من العلاقات الإجتماعية والمجاملات (هذا إذا ماقطعها خير شر )
دايماً يكون منبوذ ..ومكشوف .. لان البخل هو الصفة الوحيدة اللي مايقدر البخيل يخفيها
عن الناس ..
وأحياناً يصاحب البخل المادي بخل عاطفي ... وهنا تكون المصيبة مصيبتين ...لأنة أحيانا
يكون
خايف لا يلين عاطفياً همن تخقين وتطلبين منه شي مادي .. أو أنك تكونين توك ماعطة
منة مبلغ
وحاقد عليك ... فبيظل هالشعور بالحقد ملازمة فترة طويلة لين تتمنين أنك متي جوع ولا
خذتي منة ريال ..
هذي شريحة بسيطة ..لبعض الصفات السلبية في المجتمع الذكوري .. وبالتأكيد فية
شريحة كبيرة ماتطرقنا لها
(ربما تجود القريحة بجزء ثاني ) ..وماننسى الشريحة الإيجابية الأكبر اللي مالها مكان في
هالموضوع ...
لأسمح ولأبيح نقل مواضيعي أو نسخها دون الإشارة لأسمي
(مس قدها وقدود )
قعط عط* ..نطلق على الشخص البخيل جدا ..مصطلح قعيطي ...عاد انا هنا مدلعتة ..
لللأمانة منقول
للمبدعة دوماً (مس قدها وقدود )
لاتنسون التقييم
الرجل ..في كل مجتمع عنصر مهم جداً .. وبالذات في مجتمعاتنا الخليجية ..لمحدودية
الإستقلالية
النسائية ..لكن لايخلو هالعنصر ..من بعض العيوب والعادات السلبية ...واللي غالباً ماتكون
سبب
لكثير من حالات الإنفصال الزوجي ..
وبالتأكيد ماننزة النساء ... (مايخلو الأمر .. ) .. لكن هي مجرد تشريح بسيط لبعض
الشخصيات الرجالية ..مع التأكيد على كلمة بعض ...
؛؛دونجوان منفوحة ؛؛...
هذي نوعيه من الرجال اللة لايبلانا ..تجاوز مرحلة الغرور
والإعتداد بالنفس لمرحلة نفسية صعبة ..
غالباً مايجيد جميع أنواع الترزز والفلسفة .. عينة زايغه .. طفران بس شايف نفسة ..
يحب المدح ..ولا يحيب يمدح ..يشوف زوجتة دايماً أنها تسكيتة ..يسكت نفسه فيها لين
يلقى اللي تستاهلة
وفي الحقيقة ماراح يلقى لأن كل الحريم مايستاهلون التمتع بطلتة البهية ..
وكل ماقام وقعد سمع زوجتة كم موشح من اللي هوا ... أنة تنازل وتزوجها ولا كانت
عنست عند اهلها ..آلخ ..
غالبا عندة تيبس في العمود الفقري من كثر مايرتكز عشان ماتخرب التشخيصة ..
وماعندة مشكلة لو يدخل يترزز في مكان فايف ستار وبوكة مافية غير 50 ريال وجوال آخر
موديل برقم سواء مشحون ب10 ...
لا ..ومن زين الطبايع ينافخ على العمالة كنة صاحب محل ..
؛؛رجل الثلج ...ورجل العسكريم ؛؛..
هالنوعية هي أكثر نوعية متوفرة عندنا في البلد .. زي مقاس ال s في المحلات ..
شخص ..متبلد الإحساس ..متجمد القسمات ..لين أبتسم تسوين حفلة .. والله يستر
لايضحك معك عشان ماتتهورين وتسوين عرس ..
يسمع من بعيد بشي أسمة عواطف .. بس الظاهر يحسبها أسم حرمة ..
ولين تكلفتي وجبتي لة هدية ..خذها وقعد يقلبها وقال بكم شريتيها ؟؟
لا والمصيبة الكبرى لين صار بخيل مشاعر وبخيل مادة .. هنا بيكون فعلا زي الثلج .مالة
لاطعم ولا لون
لكن فية نوعية ..مثل الإيس كريم ..وفي رواية (العسكريم ) ..هذا صحيح أنة متبلد
الإحساس ومايعرف
شي أسمة مشاعر جياشة ولا عواطف منحاشة.. لكن يعوضك ببعض الجوانب الأخرى..
ويكون مثلج لكن فية طعم ونكهه على الأقل ..
يعني ببساطة ..نص العمى ولا العمى كلة ..
؛؛أهلي وبس ..والباقي خس؛؛ ...
هذا النوع يعتقد دائماً وأبداً أن زوجتة من دخلت بيتة وهي تكرة اهلة وتضمر لهم السؤ
مهما حاولت
تثبت العكس .. وأي كلمة تقولها تخص اهلة حتى لو تقول بروح لاهلك قال:
وش قصدتس
يعني
؟؟؟
وغالباً علاقتة مع زوجتة يشوبها التوتر في كل حوار .. لأنها تحس أنها محاصرة وماعندها
خصوصية ..
خصوصاً أن غالبهم مايخبون شي عن أهلهم ..حتى الأشياء الخاصة بينة وبين زوجتة
يفلها لهم ..
؛؛مدري لية صانعين المراية؛؛ ..
هذا من الشخصيات التحولية .. يعني هو غالباً في بداية زواجة وشبابة مايكون فية خلل
لكن مع التقدم في المراحل .. تبدأ تتكون عندة هالنرعه ..لأنة ببساطة يصحى من الاحلام
الوردية وتبدأ كوابيس الخريف تداهم أحلامة ..
فيحاول يحسس المرة أنها بس هي اللي كبرت وعرعرت .. حتى لو كان بينة وبينها 10
سنوات
والظهر اللي يستند علية هي القاعدة الجائرة اللي تقول (الحرمة تعجُز والرجال مايعجُز )
فيبدأ التعليقات والتميلح على الرايحة والجاية .. ويعلق على ذا الضعيفة وعلى جسمها ..
بس مايكلف على عمرة يطل شوي على المراية ويتآنس بالطلة البهية
و الصلعه المخملية .. و الكرشة البالونية ...
؛؛كلش لا كلش لا كلش لا ؛؛
..
هذا نوع من الرجال ...يحب يقول لا ..بدون مايفكر وش القصة ..ولا ليش يقول لا ..
لانة يعتبرها رجولة وقوة شخصية ... بينما هي تخفي خلفها شخص ضعيف لايجرؤ على
المواجهه .أي شي تطلبينة ومهما كان ..دائما يجابة بنفس الرد ... بروح ...لا ..
بشتري ...لا ...ودني ...لا ... آلخ
لكن خلة يجي الليل ويقعد يتميلح وتقولين لا ... تقوم القيامة على راسك ...
؛؛ياذا البكرة اللي ماطاع يجي؛؛ ...
هذا يشبة راعي لا ..لكن ألعن شوي وأكثر حرق للأعصاب ...ودايماً زوجتة مستهلكة
نفسياً من شدة الضغط ... كل ماطلبتي شي ..مايقول لا ...لكن يقول ..
طيب ... بكرة ... بعدين ...يصير خير ...بشوف .... آلخ ..مدري وش بيشوف الأخ ..
حتى أنك تتمنين انة يقول لا ..ولا يقول طيب بشوف ..
غالباً عيالة .. متأخرين في كل شي ...تطعيمهم وأوراقهم وشهاداتهم ...
ودايماً مشغول ... ولا صاحب المعالي ..
أو بالأحرى يحسسك أنة مشغول مع العلم انة يطلع منك ويروح يتمرغ
في الإستراحة ..بين البلوت وخلافة ...
؛؛قعط عط* والأقر على الله؛؛ ...
هذا اتعس واحد فيهم ... ولا أتعس منة غير اللي يعيش معه .. شخص حارم نفسة من
كل شي ..
وحارم اللي معه .. عندة المادة على رأس أولوياتة ..حتى تقييم الناس عندة ...يقيمهم
بكم عندهم ..
إذا بغيتي تجلطينة قولي أبي فلوس .. وإذا هداة الله عقب إلحاح ومعاريض ...وحب
يعطيك 100 ريال
ينام في الليل وهو حاضنها عشان يودعها ..همن يفكر الصبح يعطيك إياها ولا ..
يكرة الإلتزامات ...يقلل من العلاقات الإجتماعية والمجاملات (هذا إذا ماقطعها خير شر )
دايماً يكون منبوذ ..ومكشوف .. لان البخل هو الصفة الوحيدة اللي مايقدر البخيل يخفيها
عن الناس ..
وأحياناً يصاحب البخل المادي بخل عاطفي ... وهنا تكون المصيبة مصيبتين ...لأنة أحيانا
يكون
خايف لا يلين عاطفياً همن تخقين وتطلبين منه شي مادي .. أو أنك تكونين توك ماعطة
منة مبلغ
وحاقد عليك ... فبيظل هالشعور بالحقد ملازمة فترة طويلة لين تتمنين أنك متي جوع ولا
خذتي منة ريال ..
هذي شريحة بسيطة ..لبعض الصفات السلبية في المجتمع الذكوري .. وبالتأكيد فية
شريحة كبيرة ماتطرقنا لها
(ربما تجود القريحة بجزء ثاني ) ..وماننسى الشريحة الإيجابية الأكبر اللي مالها مكان في
هالموضوع ...
لأسمح ولأبيح نقل مواضيعي أو نسخها دون الإشارة لأسمي
(مس قدها وقدود )
قعط عط* ..نطلق على الشخص البخيل جدا ..مصطلح قعيطي ...عاد انا هنا مدلعتة ..
لللأمانة منقول
للمبدعة دوماً (مس قدها وقدود )
لاتنسون التقييم