ساعدوني بسرعة

الحلوة زعلانة86;15313817:
السلام عليكم ...

بحثت عن الموضوع في Google قبل لا اكتبه هني ..
بس ما حصلت ولا شي ...

وتضايقت اكثر لما ما شفت احد كاتب شي عن هالموضوع ... معقولة بس انا الا اعاني منه :-o

هو مو شي كبير ..... بس عن جد احتاج مساعدة ...

بنتي الله يحفظها ويخليها ان شاء الله ويهديها عمرها 7 شهور الحين...
عطوني حل بالنسبة لتحميمها ...

يوم كانت اصغر كنت استخدم لها الكرسي ... وكانت تقعد عادي والهيها بلعبة في يدها او عضاضة او اي شي ...

الحين مستحيل ترضى تقعد فيه لأن هو صاير وضعيته ان تكون شبه منبطحة ...
كنسلته الحين وخذيت حوض ... بحيث تكون قاعدة ... وشريت لها العاب للحمام ..

مشكلتي الحين ... المفروض ان اخليها شوي منبطحة على ورا على ما اغسل شعرها وبعدين تقعد ... بس بنتي رافضة شي اسمه تنبطح :hysterical: .. لازم تقعد .... الحين شلون اغسل شعرها وهي قاعدة .... الماي كله يروح في وجهها ويدخل في خشمها ... وتفطس .... !!! ... واذا استخدمت يدي بحيث احط الماي بيدي على شعرها واجيبه على ورا عشان ما يصير ع وجهها ما احسه ينغسل زين من رغوة الشامبوو ....!!!! :!!:

من يقول انها لازم تكون منبطحه علشان تقدرين تغسلين شعرها ؟.!!! :-o
خلها جالسه في الحوض وتلعب وانتي حاولي تغسلي شعرها حتى لو نزل على وجهها عادي وش فيها .. بيدك امسحي الماء عن وجهها .. وبعدين اجمعي كفيك وخوذي ماء وصبي على شعرها وامسحي وجهها بعده بيدك عن الماء .. وكرري العملية لحد ما ينظف شعرها وعلشان تتطمنين على عيونها ما يجيها شي استعملي لها شامبو جونسون حق الاطفال :thumbs_up: ما أحس انها صعبه .. كل الاطفال كذا .. يجيهم فترة يتعودون ع الجلوس وما يبون ينسدحون أبداً 8o| بس انتي جربي هالطريقة .. لأني انا مجربتها مع ولدي لحد ما كبر والحمدلله عدت على خير :thumbs_up:

ثاني شي بالنسبة لمنطقة الحفاظ ... شلون اغسل الجوانب وهي قاعدة :!!: ... خاصة اذا غسلته بالصابون .. شلون اشيل الصابون وهي قاعدة :!!: ....
بعد ما تخلصين مغلسه لها شعرها ومنظفته زين .. امسكيها ووقفيها وشطفيها بسرعه .. واذا عندك المرش الصغير اللي دايماً يكون مع الكرسي الافرنجي استعمليه لها آخر شي اشطفي جسمها وهي واقفه :thumbs_up:
واخر شي بالنسبة لتغيير الحفاظ ... بنتي مثل ما قلت عمرها 7 شهور الحين وانا للحين مو قادرة استغني عن المحارم في تبديلها .. ... طبعا ما اكتفي بهم ... اول شي انظفها بمحارم جونسون .. بعدين ادخلها الحمام انظفها بالماي ... المفروض اني خلاص ما استخدم المحارم ... بس بنتي ما شاء الله عليها اذا احطها في المغسلة عشان بنظفها ما توقف ... تتحرك وتزحلق رجولها بالماي .. وتوديهم في نهاية المغسلة كأنها بتنط .. :thumbs_down: .. يعني هي تكون منظفة بالكلينكس وبس انظفها بالماي بشكل سريع وانا استجن ، شلون لو مو منظفة بالمرة خاصة لما تكون عاملتنها وانتو بكرامة ...
من قال انه لازم تشطفيها بماء بعد المناديل الرطبة .. !!! :worn_out:
بصراحه انا كنت استعملها لولدي خاصة اذا كنت برى البيت .. وما سببت له مشاكل ولا أي شي .. وانتي احرصي على الانواع المضمونة مثل جونسون او بيبي جوي .. بتكون مناسبة لبشرات الاطفال وما عليها شر ان شاءالله .. :thumbs_up:


ادري اسئلتي ممكن تكون سخيفة .. بس اعذروني .. هذي بكري ... مع ان انا مو صغيرة يعني الحين عمري 25 سنة ... بس غلطي اني ما كنت اجرب احمم الاطفال او حتى ابدل حفاظاتهم .. مع ان خواتي جابو عيال ما شاء الله قبلي الله يخليهم ...... ســــاعدوني كلش متضايقة من نفسي ....

رهف طيف;15320536:
الله يخليها لك,..شوفي بالنسبه لغسل الشعر في زي الطاقيه تنحط على الراس..وتكون من فوق مفتوحه
مررره حلوه..زي هذي بتحل مشكلتك..