بنت عذاري بنات منتدئ غروس ساعدني وربي اني متورطه

حبيبتي ما تياسي الحل بشوية لانو نفسيتك تعبانة وهدا يزيد الطين بلة

حبيبتي هدي نفسج
واهتمي بعمرج من الحين
المنتدى واايد في خلطاات
استفيدي منهاا
وغيري اسلوبج ومشيتج
ومبروووك حياتي

^_^

ياحبيبتي اذا على الخلطات المنتدى ملياااااااااان
والمشيه والاسلوب
اول شي المشيه :
اول شي رجعي اكتافج لورا وخلي راسج مرفوع وحطي عليه كتاب وامشي شووي شووي
ولما تمشين لا تبعدين ريولج عن بعد
حطي رجل قدام الثانيه
اذا طاح الكتاب ارجعي حطيه واتدربي
كل يوم كل يوم
وانتي تمشين تدربي بعد
وانصحج تلبسين كعب لانه يعدل المشيه لا ارادي خخخ
ما اقولج البسي كعب عااااااااالي وايد بس يكون طوله مناسب تقدرين تمشين فيه
وكل ماتعودتي زيدي طول الكعب اشتري واحد اطول بشوي
الاسلوب :
ابعدي عن الفاظ الاولاد واسلوبهم
خليج رقيقه وناعمه وتعاملي مع الاشياء برقه وهدوء يعني مافي داعي تكسرين الي بيدج عشان تبينين انج ست بيت مثلا وخلي عنج رفع الاثقال لا تقولين بعتمد ع نفسي ولا شي لاء اي شي ثقيل نادي احد يرفعه لج اخوج زوجج حتى لو كنتي تقدرين تشيلينه
لا تصارخين حتى لو الشي رفع ضغطج واااااااااااااايد لا تصارخين ابد ابد ترى هالشي يكرهونه الرجال
لا تعلين صوتج وانتي تتكلمين حاولي دايما يكون صوتج همس لو تقدرين
ضحكتج لا تقولي هاهاهاها لا اضحكي بدون صوت وحطي ايدج ع فمج ومافي داعي تنامين ع الارض عشان تبينين انج تضحكين من قلب
قعدتج لازم تكون مستقيمه ع الكرسي
ظهرج مستند ع الكرسي بشكل مستقيم ولا تحطين رجل ع رجل كثير وقدام الناس
لا هذي سويها وانتي قاعده بروحج
او ويا زوجج بس لا تخلين رجلج بوجهه
وحطي رجولج ع بعض بنعومه مو مثل الشباب
بس عادي اقعدي قعده مستقيمه ورجولج جنب بعض مو بين كل ساق بعد متر
لا جنب بعض واحنيهم شوي




شوفي هذي كيف قاعده كلها انوثه



دوري العم قوقل بيعلمج كللل شي

نقلت لج هالكلام عن المشي ممكن يفيدج

قد تكون المرأة جميلة وانيقة، لكن يعيبها انها تمشي بشكل متثاقل او مصطنع او
كأنها تجر رجليها جرا، فالمشية جزء من الجمال وخطوات المرأة دليل اناقتها ورقيها،
لذلك اليك بعض القواعد العامة لما يجب ان تفعليه وتتحاشيه لتبدو مشيتك عفوية
وانيقة!

لا تقلدي مشية امرأة اخرى، سواء كانت نجمة او غيرها، فيجب ان تكون
لك مشيتك الخاصة التي تعرفينها وتتدربين عليها بالتمرين.

لا تسيري وكتفاك
متجهان الى الاعلى واحذري ان تضعي كعبك على الارض قبل وضع القدم.

لا تحركي
كتفيك اثناء المشي بصورة دائرية، وابقي قدميك داخل نطاق محور الجسم.

امشي
بسرعة معتدلة فلا تسيري بخطوات سريعة كانك متعجلة، او بخطوات صغيرة وبطيئة
كالسلحفاة.

احرصي على ان تسيري عشر دقائق يوميا في المنزل، وانت باسطة
ذراعيك على جانبيك كما يفعل البهلوان عندما يمشي على الحبل، مع المحافظة على
توازنك بشكل طبيعي.

لا تؤرجحي وركيك اثناء السير بتحريك الركبتين، بل القي
بثقل جسمك من الخلف الى الامام، عن طريق ثني الركبة دون الاستعانة
بالورك.

عودي نفسك على السير بجذع مستقيم من دون تصنع وارفعي رأسك من غير
مظهر متكبر.

حركي ذراعيك بانتظام بحيث تتحرك الذراع اليمنى مع الساق اليسرى
والعكس صحيح.

ومع التمرين تصبح هذه الارشادات جزءا من مشيتك من دون تكلف،
وتزداد أناقتك وجاذبيتك!

وعن اللبس دخلي قسم الازياء وخذي فكره عن لبس البنات
بس بقولج اشياء صغيره
ابعدي عن قمصان الشباب من تي شيرتات او قمصان عاديه
البناطيل الي قصتها قصه بناطيل شباب لا تقربين صوبها
البسي اسكني او لجنز او برمودا بنوتيه او شورتات ويااااااااكثرهم فالسوق
حطي في خزانتج الوان بنات مثل الوردي البنفسجي الاحمر الابيض الاسود البني البرتقالي وانتي وذوقج بس لا تخلين كل ثيابج غامقه بعد هاتي الفاتح البنوتي
في فساتين للبيت تكون بهالشكل تقريبا


مريييييييييحه هالفساتين وتعطي انوثه مو طبيعيه
في في قسم الازياء وااايد اشياء للبنات شوفي وصدقيني بينفعج

بالنسبه لشعرج احسن حل للتقصف قصي الاطراف المتقصفه
وقصي اطراف شعرج كل شهرين ثلاث عشان تبعدين عن هالمصيبه
قلتيلي شعرج خفيف
احسسسسسسسن زيوت للشعر هم 3
زيت الخروع وزيت الزيتون وزيت اللوز الحلو
اخلطيهم بنسب متساويه وحطيه ع شعرج كل 3 مرات بالاسبوع بما ان عرسج قريب
واذا حسيتي بتحسن بعد كم شهر حطي كل مرتين وبعدين كل مره
ومو شرط يالغاليه تصبغين شعرج ابد مو شرط بالعكس خلي الصبغ الي يخرب الشعر بعدين لما يطلع لج الشيب اذا لون شعرج حلو خليه وبعديين اذا بغيتي تغيرين خذي رأي زوجج
بس اهم شي عالجي شعرج
استخدمي شامبو يناسب شعرج اعتقد انتي شعرج جاف لان متقصف خذي شامبو وبلسم للشعر الجاف والمتقصف عندج الفيف من لوريال حلوه شامبواتهم
وفقسم الشعر يااااااكثر الخلطات جربيهم وحطي الزيوت

وشعر جسمج هالمره من يطلع شيليه بالشمع الواكس روحي الصالون يشيلونه احسن
اول ماتشيلينه حطي عليه كريم فيسودين من الصيدلية


الاثنين نفس الشي بس البرتقالي احسن لانه جل والثاني كريم تمتصه البشره بسرعه

سوي حمام مغربي وسنفره لجسمج وترطيب داايم المنتدى مليان من هالاشياء

اغسلي ويهج كل يوم صبح ومسا بغسول مناسب لبشرتج واستخدمي بعده تونر وكريم مرطب

رموشج ادهنيها بشويه فازلين كل يوم عشان يترطبون وترى الرموش ترجع لشكلها الطبيعي لا تشيلين همها واذا حد سألج قولي احترقت عادي
وهذا بالكحل والماسكارا يتعدل لا تخافين

شفايفج سوي لهم تقشير هو انج تحطين شوويه زيت زيتون وسكر تخلطينهم مع بعض وتاخذين شوي وتقشرين فيهم شفايفج
بعدها حطي اي مرطب شفايف او فازلين لانه احسن شي وبيروح اللون ان شاء الله والتشقق

بالنسبه للميك اب انا ماقدر افيدج وايد لان ماعندي خبره كبيره
روحي قسم الميك اب وحطي استفسار وشوفي فالمواضيع الي تشوفين عندهم خبره راسليهم ع الخاص وبيردون عليج

اهممممممم نصيحه عشان جمال جسمج كلله
اشربي اكثر عن 8 اكواب ماي يوميييييييا عشان ويهج ينور ويروح الجفاف من شفايفج وجسمج صدقيني مفييييييد
وكثري خضروات وفواكه حبوبه

اهتمي بنفسج عدل هالكم شهر وبعدين يعني لا تتركين الاهتمام عدل ترى مافي بنت شينه كل بنت حلوه بس لازم تعرف كيف تبرز جمالها واحلى مافي جمال البنت انوثتها وانتي تقدرين تصيرين احلللللى بنت لو اهتميتي بنفسج صدقيني وتقدرين لا تقولين ماقدر ولا تتعبين نفسيتج لان هالشي ينعكس عليج

واي سؤال انا حاضرة لا تستحين طرشي لي رساله خاصه

الله يوفقج حبيبتي

الحل
روحي لاحسن عياده جلديه
وعقب اهتمي بالبشره عن طريق الخلطات
الخلطات الحين مابتنفعج
عالجي الاساس الاول عقب سوي خلطات ..
هذي نصيحتي لج بخصوص الشعر والبشره والجسم ..




اما المشي واللبس
دوري ووتدربي تمشين في البيت بطريقه احسن ..مايبيله هالتعقيد
يبيلج تتمرنين بس

يالغلا انتي من وين
عشان اقدر اساااعدك في كل شي

مشكورات على المساعده
أنا توني من الجووف