تعبانه جداً وابغي حل

السلام عليكم و رحمة الله وبركاته

مش قادرة استحمل ، تحملت أسبوعين طافوا على الموضوع

من وين ابدي الموضوع ؟ مش عارفه أتكلم حتى من التعب اللي فيني

أنا متزوجه من ولد عمتي من سنه بعد حب طال 3 سنوات وحبه لي كان مو طبيعي وأي شي ابغيه يجيبة و دايماً محسسني أني ملكة
وانا ما امدح نفسي بس أنا جميلة ومهتمه في جمالي وازيائي وما فيني عيب ومن قبل لا ياخذني ولد عمتي اللي هو زوجي الحالي كنت منفصلة بسبب ضرب الزوج وقلة الصرف وانا عمري 16وعندي بنت

قلت حق ولد عمتي قبل لا تاخذني انت راضي فيني وانا اكبر منك بثلاث سنوات قال اي وبصوت عالي وواثق من جوابه قلت له راضي تاخذ وحده متزوجه من قبل وعندها ياهل قال اي و اشفيها عيب ؟
كل شي من البداية سألته وكل شي بينت له عني بالكامل

والحين أنا جبت بنتي الثانية من ولد عمتي وبعد سنه ونص زواج وبنتي عمرها 9شهووووور وانا ساكنه في بيت عمتي اخترب مكيف غرفتي وعمتي سمحت لنا ننام في غرفتها واهي بالصاله واحنا مع الياهل نسهر لحد الصبح مع ان زوجي يروح الشغل الصبح لكن يحب يقعد معانا وساعات يحب يقعد على اللاب تبعه
قط شويه في النوم ولاني أنا متأثرة من ولاداتي بحالة اكتئاب شديدة ومحد ساعدني حتى زوجي يتعذر في الشغل وان ما عنده وقت وطلب مني الصبر على حالتي وعدم نومي
المهم ان ما كان عندي شي اعمله غير أني أتعبث في تلفوناته إلا في الآي فون ما ادري ان يصير يفتح ايميلين وانا اللي اعرفه ان عنده إيميل الكل يعرفه بأسمه الحالي رغم ان هو عمتي مربيته ماخذته من دار الأيتام وما كان يدري عن عالشي الا بعد ما حملت أنا خبرته بالموضوع مع العلم كثير في عيلتنا مش راضي أني أتزوج لقيط ولكني صمدت وقلت أنا ابيه ولما اعرف اسمه الاصلي سواله الظاهر إيميل بأسمه الاصلي الاصلي المهم أنوا في بنت يحبها وأيميلات واهتمام وانا قل عني الاهتمام وحالتي لله والله عالم أني كنت مستحملة قد ايش!!!!!!!
المهم حلللللللف على القرآن أنوا مش هو وان هكر دخل الاي فووووون!!!!!! ويوم قلت لامه اللي أهي عمتي اللي ربته اتهدأ فينا وكذا سمعت منها شي غريب أتقول نصيحه لكم انتوا الاثنين لو طرشتوا ايميلات وله استلمتوا ايميلات اقرؤوا وامسحواااااا!!!!!!!!!! غريبة جداً عمتي المصلية و الملتزمة تقول كذا مررتها بعد ما ريحت وهو راح الشغل قعدت الظهر مع الياهل ما كان موجود هووو فكرت أخذ طلة على اللاب توب تبعه إلاااااا كمااااااان ايميلات وحاله وحب وغرام وغيره اتصلت فيه ووصلت حالة انهيار و الياهل في يدي وأصرررخ يقولي مو أنا هكككرررررر والله والله صكيته واتصلت لاهلي وكسرت عطوراته ويوم جه أبوي ياخذني عمتي تصرخ بكلاااام وصخ اتقطه علي وتتهمني أني غاصبة ولدها واني ساحرته واني راعية شباب ومصبن وقالت عني كلاااااااااااااام يعور القلب من الخاطر
على العموم قعدت في بيت أهلي يوم وابوي قالي ما ترجعين بيت عمتج اذا هو يبغيج بيتأسف على اللي صار وبيطلعج بيت او شقه
ولكن الميزانية صعبة واتصل فيني ليل ونهار يقول ابغيج وأبغى الياهل وما خنتج وله بفكر اخون أنا طحت بهالكلام ورجعت معاااااه بيت اللي طردتني من بيتها وقالت حجي لا يطاق المصلية الملتزمة
والله ان كان حبنا الكل يحسدنا عليه والكل يقول ما في مثل زوجك في الحب وكل شي يلبيه لي والحين حتى ما شاء الله يحاول أنسى الموضوع بكل ما فيه يتدين وحاله علشان يجيب لي كل اللي نفسي فيه
لكن مش قادرة أنسى والله مش قااااااادره أنسى خيانته ولحد الحين يقولي مش أنا مع ان في الايميلات قالها اسمه الحالي واسمه الاصلي يعني كان هووو و الاسلوب هو هو مش معقوله
والله أن قبل حتى ريحة انفاسه احب اشمها و أنا نائمة الحين مش قادرة مش قادررررة وما ابي انفصل للمرة الثانية شنو بيقولون عني الناس ؟ ومن بيساعدني في تربية بناتي ؟ بتهيم وبناتي بيتهيمووون؟وانا ما كملت دراستي حدي لثاني ثانوي
الحللللل ؟؟؟؟؟؟؟ تعبانه عليييييم الله تعباااااااااااااانه وما أنام عدل