عانس 22

الحيين اذا أنتي الله يصلحك عمرك 22 وتقولين عن نفسسسك عآنسس > ترى محد قآل أنتي اللي قلتي

وش أقوول أنآ ياللي عمري 28 ..؟؟

بس تبين الجد مآلوومك اذا قلتي عن نفسسك عآنسس لآنك تشووفين نفسك الوحيدة اللي مآتزوجت الى الأن

ولآنك الكبيرة عشآن كذآ تشووفين هالشي ثقيل على قلبك ومأثر فييييك

يختي عيشي يووومك للحين العمر قدآمك ... وبعدين أنتي ززين أمك تخبي وتدآري

أنآ أمي تقوولي وعآدي مآعليهآ مني أثر فيني مآ أثر مو مششكلة لكن أقسسم بالله أني أفررح

لآي بنت اذا عرفت أنهآ أنخطبت والله أفرح لهآ من قلب ...

وبنفس الوووقت أدعي أنه ربي يرزقني ويفرح قلبي مثل مآ فرحهآ

أدعي بالثلث الأخير من الليل ... وألحي بالدعآء ... وآستغفري كثيييييييييييير

وربك مآرح يردك أبدآ

هو اللذي آمرنآ بالدعآء ووعدنآ بآلأجآبه

له الحمد وله الشكر

عيشي حياتك ولا عليك من كلام الناس
ترا الناس غيرانه منك دراسه ب احسن الجامعات انتي ارفعي راسك وخلهم يولو 22 سنه لساتك ب اول العمر كوني نفسك وسوي الاشياء الي ما بتقدري تسوينه وانتي متزوجه
عيشي حياتك طوله ب عرضه بس بحدود الله طبعا
وكثري من الاستغفار وقراة سورة البقرى وهذا رمضان على الابواب كثري عليه ب الادعيه والله يرزقك ب الزوج الصالح ياااااااارب

الارزاق بيد الله ...


مايصيبك الا نصيبك

وكلام الناس حطية تحت رجوولك ...

معليك من كلام الناس تويك صغيره كملي دراستك لاحقه ع الزوج والهم الله يوففقك ويرزقك ازوج الصالح قريب يااااااااااااااااااااااااااااااااارب

هههههههههه والله يا اختي

عندنا بنات بالعايله طافن ال 25 و ما عرسن

ومحد يقول لهم لان نعرف كل شي نصيب

و هم بروحهم يقولون اذا يا النصيب حياه الله واذا ما ياه

لعله خير مب مستعيلات

عيشي شبابج انتي بعدج صغيره

والله عيب تقولين عن نفسج عانس

عمتي تزوجت بعمر ال 30 ولين قبل لا تعرس بشوي محد كان يقول لها هالكلمه

صديقني تأخرتي لان الله بيرزقج باللي احسن من اللي تزوجوا قولي ان شاء الله
وقولي لعله خير

^_^

الله يرزقج ولد الحلال يارب

ويفكج من كلام الناس اللي ما ينفع ولا يضر


شــ هالتخلف يجوفون نجاح المرأه في زواجها

هالموضوع صار مب مهم وايد الحين
ركزي في دراستج
و شهادتج ترى والله ما ينفعج لا زوج ولا حد

غير الشهاده بهالزمن ما ينفع

ربيعتي تزوجت ايام ما كنا بالاعداديه وقلت لها كملي لا توقفين
كملي لكن ما رضت تكمل دراسه و الحين مطلقه ومعها 4 اطفال

واهلها يتذمرون منها ومن عيالها .. و تراكض ورى طلقيها علشان ياخذ لها بيت تقعد فيه مع عيالها
لكن وين .. محاكم وسالفه

ونادمه اشد الندم لانها ما كملت دراستها ولا صارت عندها شهاده تنفعها بهالوقت

فحمدي ربج تراج بنعمه

اللهم أرزقها الزوج الصالح عاجلا غير أجلا وجميع بنات المسلمين

لا تضااااااايجين وكل شي بالدنيا قسمة ونصيب وانت بعدج صغيرة
والطريج جدامج بس انصحك تكثرين من الاستغفار وتداومي ع الاذكار وقراءة سورة البقرة
ولا تهتمين لرمسه اي حد

آلله يرزقــج بالزوج الصـآلح عاجلآآ غير آجلآً يارب
حبيبتي توج صغيرونه لاتفكرين جذي الحيـآه طويله جدآمج
وعسسى ان تكرهـوا شيئـآ وهو خير لكم
حطي في بـآلج الله أجل هـآلشي لآن يبيلج الآحسن والزين
ولآ انــج مو مستعدهـ لهـآلشي حـآليآ
الله بيسهــل عليج وهـو مدبر الامور
عــليج بالدعـآء والصــبر وآلصــلآه والاستغــفآر
وآلرزق بيد الله والسـآلفه نصيب يـآمـآ نآس اعمارهــم 30 وعقب يتزوجــون

صج ماعندج سالفة توج ياهل صغيرة وتقولين هالحجي عيل شخليتى للي اعمارهم في الثلاثين والاربعينات ، احمدي ربج انج للحين بهالعمر ، وبعدين لاتحطين راسج برأس الامهات الكبار في السن اللي تفكيرهم مال اول ، وهذا انتي قلتيها بلسانج اللي تزوجو اصغر منج وماكملو حتى ثانوية لان ماعندهم طموح وتفكيرهم قديم ، بس انتي تدرسين في الجامعة وان شاء الله مستقبلج يكون احسن منهم بعد

عانس و22

بقولك شغله لاتفكري كل وحده تزوجت بدري خلاص دخلت الجنه ولا هي بنعيم
وحطي في بالك كل تأخيره وفيها خيره من رب العالمين

اجل انا ايش اقول الي عمري فوق 27 ؟؟ ممكن يعني لقب دبل عانس هههههههههههههههههههههه
امزح معاكي

ياستي ولاتتأثري ولا اي شي ولاتتحرك فيكي شعره

هذا مجتمعنا تدرسي كل شويه ينطون يوووه بعدك ماتخرجتي
لسه مانخطبتي يوووه بعد ماحد دق بابكم
انخطبتي يوووووه بعد ماملكتي
ملكتي يوووه بعد ماتزوجتي الله يعينك
تتزوجي يوووه بعد ماحملتي
حملتي وولدتي وجبتي بنت قالو يوووووه احملي بالثاني وجيبي الولد
ياساااااااااااااااااااااااتر كلامهم ماراح يخلص ولا همزهم ولالمزهم

ريحي بالك وانتبهي لدراستك وانا اختك

والله يرزقك بالزوج الصالح اللي يسعدك ياااااااااااااااااااااارب