السلام عليكم ورحمة الله وبركاته
بطرح لكم مشكله لي عجزت عن اتخاذ القرار المناسب لها لعلي أجد الرأي الصائب والحكيم
بالبدايه أنا أحب شخص من 5 سنوات وهو يبادلني نفس الشعور
من فتره وهو يلمح لخطبتي والحين بعد أن أنهيت دراستي الجامعيه وتخرجت قال أبغى أخطبك
طبعا ماتربطني فيه أي صلة قرابه
فاتح أمه في الموضوع وقال لها: أبي اتزوج بس مو من بنات العايله ..قالت أمه: ليش ايش فيهم بنات العايله بنات ونعم فيهم ونعرفهم أحسن من ناس غرب
قال لها : فيه واحد من زملائي في العمل ذكر لي ناس ونعم فيهم وأجواد .. قالت امه : مادري هذولا ناس مانعرفهم ولانعرف وش هم ووش طبايعهم ومن هالكلام بس بكيفك شاور خواتك و روح أنت وخواتك وخلهم يشوفونها (للعلم أمه ماتشوف)
المشكله الاولى : أني أنا سمراء وأبوي بشرته سمراء بقوووه وهو أبيض وأهله رافضين فكره أنه ياخذ واحده سمراء أو أحد يناسبهم أسمر او حتى أحد من قرايب اللي بيناسبونهم أسمر
فـ أخاف إذا جو وشافوني قالو لا سمراء مانبغاها وانجرح وانا قايله له لاتوقف بوجه أهلك عشاني
المشكله الثانيه : خايفه من المستقبل .. أخاف تنعدم الثقه بيننا لأني أعرفه قبل الزواج .. وهو قال لي مستعده تتحمليني وتتحملين شكوكي ؟! وأنا قلت مستعده .. وقال لاتزعلين إذا شفتك مره تكلمين وقلت لك افتحي السبيكر أو افتش جوالك .. تتوقعون الزواج اللي زي كذا ينجح ؟!
هو شاب تتمناه كل بنت أخلاق ملتزم مايدخن محافظ على الصلاه بار بوالدته ومهتم بـ خواته وبالبيت وانسان صريح مستواه المادي ممتاز وشاريني يقول مابيك تروحين لغيري
أتمنى أنكم تعطوني أرائكم ينتظر مني رد بـ اقرب فرصه يـ أيه أو لا
إستخرت وماعندي أحد أشاوره غيركم
بطرح لكم مشكله لي عجزت عن اتخاذ القرار المناسب لها لعلي أجد الرأي الصائب والحكيم
بالبدايه أنا أحب شخص من 5 سنوات وهو يبادلني نفس الشعور
من فتره وهو يلمح لخطبتي والحين بعد أن أنهيت دراستي الجامعيه وتخرجت قال أبغى أخطبك
طبعا ماتربطني فيه أي صلة قرابه
فاتح أمه في الموضوع وقال لها: أبي اتزوج بس مو من بنات العايله ..قالت أمه: ليش ايش فيهم بنات العايله بنات ونعم فيهم ونعرفهم أحسن من ناس غرب
قال لها : فيه واحد من زملائي في العمل ذكر لي ناس ونعم فيهم وأجواد .. قالت امه : مادري هذولا ناس مانعرفهم ولانعرف وش هم ووش طبايعهم ومن هالكلام بس بكيفك شاور خواتك و روح أنت وخواتك وخلهم يشوفونها (للعلم أمه ماتشوف)
المشكله الاولى : أني أنا سمراء وأبوي بشرته سمراء بقوووه وهو أبيض وأهله رافضين فكره أنه ياخذ واحده سمراء أو أحد يناسبهم أسمر او حتى أحد من قرايب اللي بيناسبونهم أسمر
فـ أخاف إذا جو وشافوني قالو لا سمراء مانبغاها وانجرح وانا قايله له لاتوقف بوجه أهلك عشاني
المشكله الثانيه : خايفه من المستقبل .. أخاف تنعدم الثقه بيننا لأني أعرفه قبل الزواج .. وهو قال لي مستعده تتحمليني وتتحملين شكوكي ؟! وأنا قلت مستعده .. وقال لاتزعلين إذا شفتك مره تكلمين وقلت لك افتحي السبيكر أو افتش جوالك .. تتوقعون الزواج اللي زي كذا ينجح ؟!
هو شاب تتمناه كل بنت أخلاق ملتزم مايدخن محافظ على الصلاه بار بوالدته ومهتم بـ خواته وبالبيت وانسان صريح مستواه المادي ممتاز وشاريني يقول مابيك تروحين لغيري
أتمنى أنكم تعطوني أرائكم ينتظر مني رد بـ اقرب فرصه يـ أيه أو لا
إستخرت وماعندي أحد أشاوره غيركم