بنات ضرووووري الله يخليكم

الله يطمن قلبج على ولدج ان شاءالله ما فيه الا الخير
اولا يا حبيبتي كل اليهال الحديثي الولاده يحصل لهم اسها وامساك وترجيع
واللي ينام وما يرضى يقوم يرضع و...............الخ

بس نصيحه لا تعطين ولدج اي شي يقولون لج الحريم الا عن تجربه
لان في اطفال تناسبهم الشغلات اللي تنباع فالصيدليات مثل انواع الشاي والحليب والمغذيات وما ادري شنو اللي يخصصونها للاطفال وفي اطفال ما تناسبهم

بس انتي كوني حريصه ع الاطعمه اللي تاكلينها لان بعض الاطعمه هي السبب في حدوث امساك ومغص للاطفال
يعني تكون عن طريق حليب الام

وحاولي بين كل ساعتين ترضعين ولدج سواء من صدرج او من الرضاعه حتى لو كان نايم بعض الاطفال يشربون حتى لو كانو نايمين انا جربت هالطريقه مع بنتي مع انها تقوم ترضع بس بعد كنت اعطيها وهي نايمه وكانت تشربه

واهم شي عليج بالمعوذات وتحصين الطفل وخاصه وقت الفجر والمغرب
اما بالنسبه للترجيع فهذا يحصل مع اغلبية الاطفال يرجعون بطريقه مو طبيعيه بس الافضل تسألين الدكتووووووووووووره

اتمنى اكون افدتج بشي
دعواتج لي بالحياه الزوجيه السعيده
والبنات ما بيقصرون وياج
والله يحفظ لج ولدج

الاخت ما قصرت

هلا خية ...
أول شي خيار الشمبر مش للإمساك ، هذا لحالات أبو صفار بس .. و مش كل طفل يتحمله ...
أنا بنتي ما تحملته مع إني عطيتها مل واحد بس حسيتها هرت عليه ... بالنسبة لولدك أقول روحي به أخصائي أطفال و خليه يشوفه أحسن ... و اسألي الدكتور عن الإمساك هل ينفع تلغي ينسون أو بابونج خفيف مرررررررررة ؟؟
لا تسمعي كلام الحريم ترى بجد معظمهم يتكلموا على زمنهم و هذا خطير ..
و إن شاء الله الله يطمنك على الصغير و نسمع منك أخبار حلوة

خيو ترى خيار شمبر نستعمله حق اولاد العايلة كلهم ونفع وياهم
اني بنتي قريب بتكمل شهرين
ودايما اترجع بمثل الطريقة الي رجع فيها ولدش ومثل مايقولون الزوع زين للجاهل
لان اذا يرجع يرتاح
قبل ماطلع من الاربعين صادها امساك واذا مايمشيها بطنها ترجع واجد تخيلي بيتم في بطنهم مدة طويله ويه هالمغص غصبا عنهم يرجعون
واذا اعطيها الخيار شمبر يمشيها بطنها وتنام مدة طويلة
ومن تسع ونص الى وحدة يعني تقريبا 3ساعات ونص المدة كلش طبيعية
بنتي تنام 3 ساعات واذا بتطول 4 ساعات
لاتخافين مافي الا الخير
وعن لسخونه اذا حسيتينها مرتفعه واجد وديه المستشفى لان حرام بعدهو صغير مايتحمل

خيو اذا اعطي بنتي لخيار شمبر ماغليه
شفتين اللب الاسود الي داخل اشيله وانقعه في ماي الخاص بالاطفال الوردي المرسوم عليه صوره طفل
على مايصير لونه اسود اخليه لها في المرضعه
وادفيه شوي لان مابيشربون واهو بارد
وماعليه الا العافية ان شاء الله

عن الترجيع كلش طبيعي

آنه بنتي كانت ترجع بشكل مو طبيعي حتى كنت اصيح عليها
احس مافي شي يتم في بطنها

كانت لما ترجع تشوفين شلون لما تشغلين بلبلة الماي وتشتغل مرة وحده بقوة تدفع الماي
كانت جذي تطلع كل شي من بطنها بشكل مو طبيعي
حتى كنت اخاف اقول هذا كله من ووين يطلع ......!!!
بس الحمدالله بعد فتره بروحها خفت ..

وعن الامساك
احسن شي تحطين له في مرضعه الماي نبات او شكر شووي
هذا بخلي البطن يمشي احسن من الخلطات
اني صراحه ما قط سمعت عن خيار الشمبر
احس النبات والشكر احسن من هالخلطاات ...

وعن النوم ترى عادي اغلب الاطفال الرضع كلا نايمين لانه توهم بيبيات ولا يفهمون شنو يقعدون يسون وقتهم كله نوم
انتي حاولي كل ما بين ساعتين او ساعتين ونص تشيلينة وبصبعتش تمسحين من ورى اذوونه وحطي صرش في بوزة علشان يرضع وعادي حتى لو هو نايم بيرضع كل الجهال جذي ...

والله يطمن قلبش عليه
ولا تحاتين ولا توسوسين واااااااجد

ربي يطمنك عليه.........