وظيفة لإجازة الصيف ابي مساعدتكم بنات البحرين

هلا
من فترة كانت محلات الحلي عارضة وظايف صيفية لمواليد 93 و 94 و اكثر بس احتمال حاليا ما في شاغر و اللي اعرفه ان الحلي يفضلون الاولاد عشان سالفة الشفتات خبرش البنات ما تحب اوقات متاخرة، بس اسألي يمكن للحين في شواغر يمكن لش رزق وياهم ما تدرين؟؟
شوفي معهد اسمه كومون لتعليم الانجليزي و الرياضيات في له 3 فروع في الماحوز و الرفاع و سترة يوظفون بنظام الساعات ما عندي رقمهم حاليا بس اخذيه من البدالة و شوفي يمكن ربي يكتب لج نصيب

موفقة بإذن الله

الله يوفقك يا رب وتلاقين وظيفه مناسبة لك

little heart;15287957:

مشكورة اختي يعطيج العافية

أنا ما ابي وظيفة في سوبر ماركت أوردي يعني انا مواليد 91 ما بياخذوني

انزين وش تعرفين عن وظيفة المعهد شنو بتكون؟؟ و كم الراتب

انا حاليا شفت عند بتلكو و بقدم عليها ان شاء الله

بس ابي اشوف غيرها بعد

سلام
سوري على التاخر في الرد اذا توفقتين ببتلكو فبتلكو افضل لأن كومون تكونين مساعدة بالصف يا اما تصححين اوراق التلاميذ او تحسبين لهم الدرجات او توقتين لهم و الساعة بدينار و نص
فعلى راحتش

بالتوفيق

عزيزتي

انا مندوبه لشركه اورفليم لمستحضرات التجميل (عطور و مكياج و كريمات و منتجات كثيره)

عن تجربه شخصيه التعامل معاهم روعه و عندهم فروع في دول عده

الحمد لله وصلني ربح عالي علما بأني بس عن طريق النت وبين الاقارب

لاي استفسار راسلوني على الخاص

واتمنى التوفيق للجميع

كم راتب كومون؟

راتب كومون بالساعة الساعة دينار و نص
يعني اذا رحتي 3 مرات في الاسبوع كل مرة على ساعتين يطلع لش آخر الشهر 36 دينار

بس كومون برمصان مسكرين اختي ويصير يوميا؟وجم راتب الدوام الثابت؟