ياليت تساعدوني بمشكلتي انا تعبانه

بسم الله الرحمن الرحيم

ما ادري من وين ابدا السالفه بس من اولها انا عارفه الاغلبيه وش بيردون علي خصوصا بعد ما يقرون السالفه

بالحقيقه انا صارت لي ظروف بالبيت بالاخص مع وحده من خواتي اللي في يوم من الايام طلعت علي كلام انا ما سويته ولا فكرت اني اسويه ومن بعد ما صارت هل السالفه محد من اهلي وقف معاي كلهم وقفو ضدي

حتى بعد ما طلعت الحقيقه وكل شي وضح عندهم وطلعت ما سويت هلي قالت عنه اختي لاهي ولا غيرها جاء يتاسف ولا حتى يراضيني يمكن تميت على هل الحاله اكثر من شهر وانا منعزله عنهم ومالي خلق الى اي شي

وما كان عندي شي يسليني الا الانترنت وبما اني قلت انترنت اكيد عرفتو اني تعرفت على شاب بديتها بالاول اتسلى معاه ومره وافضفض عن اللي بصدري ومرات كنا نسولف بامور هل الدنيا وكل هذا كان عن طريق الانترنت بس ومرت الايام واحنى على هل الحاله وفي يوم صرح لي هو عن حبه لي انا بالاول طنشته قلت هذا يلعب وخل اعطيه على قد عقله

وهو يوم شافني طنشته قرر انه يتركني لانه يبي ينساني على حد قوله انا ما انكر اني اعجبت فيه بس بعدد ما كنت ابغاه انه يتركني وانا بذيك الحاله وبعدي عن اهلي والتغيرات اللي كانت صايره معاي

وبعد فتره انا حبيته وصار شعورنا متبادل بتقلون انه كان يلعب علي ومستقل ظروفي انا بذاك الوقت ماكن يهمني شي حتى لو كان يلعب علي

وفي يوم سالني ااذا تقدم لي اهلي بيواولا لا خصوصا انه من ديره غير ديرتي قت له مدري بس اهم شي عندهم اذا كنت انا موافقه او لا

ومرت الايام الا اخينا بالله متغير متكدر ومتضايق وكل مكا اساله وش فيه يقول لما تنحل مشكلتي ابقولك ولمما اقوله وشهي يمكن اقدر احلها معاك يقول ما تقدرين وهكذا اللي جاء يوم وتهاوشنا كل العاده وقلته لو انك تحبني كان تقدمت لي وشي من هذا القبيل

قام وقالي سبب مشاكله اللي قبل واللي كان مضايقه واللي كان اول معي يقوله لي

والسبب كان انه امه تبي تزوجه بس ميييين بنت خالته وعلى كلامه انه كلمها عني وانه يبي يزوجني انا فقامت امه سوت له سالفه وست زعلانه منه ولا تكلمه واستمرت على هل الحاله فتررره

بعدها قررنا انا وهو انا نترك بعض وكلن يروح بحال سبيله

انا عمل بذا القرار يمكن لمده شهر اللين مره لقيته على الماسنجر يسال عن احوالي ومن بعدها بعد ما كنت افكر انا اللي بقلبي بدا يروووح وبعد هل المقابله على الماسنجر رجعت حليمه لعادتها القديمه ورجعت افكر فيه بشكل مستمر واللين اللحين وانا افكر فيه

مره اقول بنتقم منه ليه استغلني كذا وبعدها اقول مو منه من امه اللي ارفضت ومره اقول يمكن هو متحجج بامه وانه حجه او كذبه مخترعها علشان يدور وحده غيري يلعب عليها
والافكار تتقلب براسي وتدور بس اللحين ابي اعرف هل صحيح انه امه رافضه ذا الشي ولا هو مخترعها حجه بس وشلون اعرف

مع انه دايما يقول انه حيران وبين نارين ويشتكي الحال

هذا اللي اتذكره حتى الان من قصتي وياليت تلاقون لي حل

لا تقلون اني احاول اشغل نفسي اللين انساه لاني حاولت كثير