الصابر والشاكر في الجنة .... هل اصبر ؟؟؟؟؟

صباح /مساء الخير اخواتي العزيزات

شخباركم


ترددت وايد قبل ما اكتب المشكلة ...حتى اني لفترة صرت ما ادخل قسم المشاكل احاول اني اقنع نفسي بالصبر .....بس اخاف ان في اشياء مع مرور الوقت السكات عنها والصبر عليها يزيد الطين بلة





في بعضكم بيتذكرني وبيتذكر مشاكلي والبعض الاخر لاء ....على العموم باختصار شديد ...انا متزوجة وعندي ولد وحامل في السابع ....وشفت من زوجي كل الاهانات والضرب وكل الوان العذاب سواء النفسي او الجسدي ....


لين ما اشتكيت لابوه فتوقف عن الاساءة لي جسديا بس ما زلت اشوف الوان العذاب والاهانة بالكلام او التصرفات ....وكل مرة اقول في نفسي الصابر والشاكر في الجنة




بس الحين الموضوع تغيير وصار شي انا مو قادرة اطنشه


قبل حوالي شهر ونص ....غيرت وظيفتي ....طبعا مضطرة اني اعتمد على نفسي طالما فيني مروة ما بطلب من حد ولا بطلب من زوجي ولا بذل نفسي له ...صرت اشتغل في وظيفة اصعب واكثر تعب علي بس الحمدلله قادرة اسيطر على الوضع ....




اول ما اشتغلت زوجي تحسن معاي وبدا يغير شوي وحتى انتقلنا لشقة اوسع ....بحكم ان راتبي صار الضعف وطبعا اكثر من راتبه ...المهم طلب مني ابيع سيارتي واشتري ليكزس او مرسيدس ونروح فيها السعودية بالبر ( ابوه واهل امه هناك) فقلت له اني ما اقدر اسافر بالبر لاني حامل ...قال لي على اول السنة قلت له بيكون ولدي صغير والبيبي الجديد توه عمره 3 شهور ...قال لي اصلا انا كنت مفكر ان انت تسافري بالطيارة وانا اسوق السيارة قلت اوكي ...على اساس انا ما تفرق معاي ومو خسرانة شي ....جا وقال لي لازم تنكتب السيارة باسمي ....ساعتها كنا سمنة على عسل وكنت مترددة لاني كنت حاسة انه بيرجع لطبعه السئ ....فسكتت





بعد فترة جا وقال لي بيبع ذهبي ويشتري قطعة ارض لنا ....قلت له اوكي بس تكتبها باسمي ....سكت ....بعدها كان يوم ثلاثاء واتذكر زييين ...رجعت من دوامي ودخلت حطيت الغداء وهو عادة ينام بعد الغدا ....بدأت اغسل الملابس ....وسالته عن بنطلونه الاسود لانه وايد يحبه ....قال لي خلي الغسيل ليوم الجمعة اغسل معاك ....عشان ما تتعبين ....قلت له انا اغسل جزء والباقي بكرة عشان ينشفون واكويهم ويوم السبت اول الاسبوع تكون كل الملابس جاهزة ....وهذا الاسلوب انا من اول ما تزوجت اتبعه ....بعد لحظة فكرت قلت يمكن يبغيني اقعد معاه .....خليت اللي في ايدي ورحت وسمعت كلامه وقعدت معاه لقيته نام ....المهم يوم الجمعة من الصبح قمت كملت باقي الغسيل وهو نايم ...وكان باقي بس بنطلونه الاسود لان هو ساعات يحب يلبسه اكثر من مرة ودايما يقول لي كل الملابس ما اهتم فيها الا البنطلون هذا ...انتظرته لين ما صحى ...ودخلت المطبخ جهزت القهوة والفطور وهو دخل الحمام يغسل وطلع حطيت له الفطور قام يتهاوش معاي وسمعني كلام عمري ما سمعته ...ليش لان البنطلون مو مغسول ...قلت له انا من يوم الثلاثاء اسالك عنه واجلت الغسيل لانك طلبت مني وقلت لي كذا وكذا ....المهم صارت سااااااااااااااااالفة طويلة والمواضيع دخلت في بعض وقام يقول لي
انت فيك مرض نفسي
انت مب زينة ( بمعني مب زينة )
انت ما تعطيني حقوقي الشرعية .
انا اقصد دايما اهينك واجرحك عشان تحسين اني ما اطيقك بس ما تحسين



تعصبت وايد وقلت له انت والله ظالمني وحسبي الله ونعم الوكيل فيك وانت ما تحس فيني وكل اللي كنت ابغاه منك تعاملني بالحسنى ....ويشهد الله اني ما قصرت في حقوقك وكل يوم انا البس واجهز نفسي واسوي اي شي انت تحبه واتعطر ولا تعبرني ...وحتى وانا حامل وبطني كبيرة احاول البس قد ما اقدر

قال لي انت صرتي منتهة ( بمعنى ضعيفة ) قلت له لاني ارضع وحامل واشتغل برا البيت وداخل البيت وانت رافض فكرة البشكارة وما تساعدني ولا تحس فيني ... ومن فترة قلت لك ابغي اشتري ملابس ملابسي كلها ضاقت وما اقدر البسها ولا عبرتني


المهم تهاوشنا وايد وكنت معصبة بس كنت اتكلم معاه بمنطق قال لي انا اصلا بعد اليوم ما ابغاك لو تبين تنفصلين عني ما عندي مشكلة بس عيالي بيتمون معاي قلت له القانون وما القانون قال لي القانون ما يمشي علي ولو تنقطع رقبتي ما اخليهم ...اما اذا عندك مشكلة ما تقدرين تروحين بيت اهلك تحملي عاد



من يومها كنت اراجع نفسي في كل مرة وكل موقف وحسيت امور وايد وضحت وتصرفات اكثر وضحت لي وسكت وما تكلمت ولا قلت لاحد


عرفت ان نحنا وصلنا لطريق مسدود بس تبقى المشكلة عيالي وبنتي الجاية بالطريق ....وقريت جملة ما ادري وين يمكن بالمنتدى ان الوحدة ماتشرد عيالها وتقضي عليهم وتنجو بنفسها



وكنت اقرا سورة البقرة كاملة كل ليلة وادعي واستغفر ودايما اقول في نفسي استحالة ان ربي بيتخلى عني



تعرفون كيف صارت حياتي ....
اقوم صلاة الصبح واصلي واجهز اكل ولدي واقرا شويه قران وانظف جزء من البيت والبس اروح الدوام ....وارجع العصر اخذ ولدي من عند امي وانظف باقي البيت واكل انا وولدي والعب معاه وانام ...وزوجي ما اشوفه بالمرة ....هو نايم بغرفة وانا بغرفة وكل يوم يطلع الدوام الساعة 6 ونص ويرجع الساعة 12 بالليل نكون اصلا نايمين

يوم الخميس والجمعة ما يرجع الا الساعة 6 ونص صباحا


صار يدخن سيجار ويشرب شيشة وعنده صور بنات صور شبه عارية ...مو بنات من النت مثلا او ما شابه لاء بنات اثيوبيات وفلبينيات ...شفتهم بالصدفة ....وضايفهم عنده في الفيس بوك .... قمت انا شلته من القائمة عندي وقلت بلا وجع راس ....طنشته على الاخر ولا كاني متزوجة اصلا ...قام يجيب اصحابه البيت وقت ما اكون انا في الدوام وامس اكتشفت ان كانت معاهم وحدة ....ولما سالته ما نكر .... كل يوم خميس بعد ما يسهر مع ربعه ...يجيبهم البيت ينامون عندنا للساعة 2 او 3 وبعدها يجي ويصارخ ويعصب وين الغدا احط لهم الغدا يلعبون ورق للمغرب وبعدها يطلعون وهكذا 3 اسابيع ....كلمت امي وامي تقول لي اصبري ....وكلمت اخوي اخوي مو عارف كيف يتصرف ....كلمت اختي وهي في الغربة قالت لي كلمي ابوي ...


المشكلة ان هو ما حاط اي اعتبار لابوي ....ما يهتم الا لابوه ...وبصراحة


بصراحة ...انا ما عدت اقدر اتحمله ...اقرف منه ...ما احب اطلع وجهه ...حتى ملابسه اعتبرها نجسة اغسلها بروحها واكون لابسة قفازات ...غرفته ادخل اهويها وارتبها وانظفها على السريع من غير ضمير ...بس عشان ما يكون ماسك على شغلة واطلع

الحمدلله ...انا عايشة حياتي .... ازور امي وجاراتي واروح السوق والصالون واشتري ملابس جديدة واطلع ولدي الالعاب و اهتم بالبيبي الجاي واجهز له وما احتاج لزوجي في شي ....حتى ولدي لما يشوف ابوه طالع يلوح له بايده ويوم الجمعة موووووووول ما يروح صوبه لو اغراه باللعب والحلويات واي شي ....صار ولدي يخاف منه او مثل كانه ما يعرفه ...بالمقابل تعلق بابوي اكثر ...كل يوم ما ياكل الا من ايده



ادري طولت عليكم بس شوروا علي .....


نسيت اقول لكم زوجي مطرش لي مسج اليوم الصبح وتقول :


(( هنا يبكي القلب ))

عندما تعيش الحب والعتاب والشوق
وفجاة تأتيكـ صفعة قوية تصحو من خلالها
على أثار فقدان كل شئ قد اعتدت
عليه .. حينها يبكي القلب





اتمنى كل وحدة تشور علي وتدعي ربي يفرج همي او بالاحرى هم عيالي