الله رفع القلم عن أمي ؟؟مساعدة رجاءا

السلام عليكم ورحمة الله وبركاته
أول مره انزل موضوع او احكي عن مشكلتي لكم بصراحة ها المنتدى اكثر من رائع والكل هنا عائلة وحده مشكلتنا مع أمي اول شي انا مو متزوجة ومن يوم عمري 10 سنوات وانا ما عايشة مع امي وابوي يعني عشت عند اختي وطوووول عمري اغمض وافتح عيوني الاقي خواتي حوالي وهما صارو محور حياتي المهم كبرت وانتقلت لبيت اختي الثانية وعشت عندها وهي الحين تعلمني السواقة ودرستني على حسابها وعن قريب بتوظف ان شاء الله .
أمي الله يسملكم كثيييير متسلطة على خواتي يعني تتسلط حتى لزوار اللي يزورون خواتي وتحاسبهم على فلوسهم وبعض الاحيان تلعنا :-o ولاول مره اشوف ام كذا ساعات ارحمها وساعات احس بقسوة من ناحيتها ومالي رغبة اعيش عندهم يعني حتى بالاعياد نفاجأها ونشتريلها هدايا تصدقوا اذا ماعجبها ترجعلنا الهدية ولا توزعهم هي ما تهتم الا بنفسها وبلبسها واحنا ما هتمت فينا حتى خواتي تزوجو وهما صغااااار عشان يفتكوا من ذيك العيشة اللي تقصر العمر وليمن الحين تتسلط عليهم حتى الناس مستغربين منها اول مره يشوفو ام بها النوع المهم الحين هما يبون ياخذوني اعيش معاهم وانا بصراحة ما اريد لان طول عمرهم وما فكرو فيني يعني الحين بعد ما كبرت وصرت اعتمد على نفسي الحين يريدوني !!! انا رفضت راح تشتغربون يمكن بس لو كل وحده تعيش نفس اللي عشته بتحس فيني والله اني مقهورة ومتحسفة ماعندي اهل مثل بقية البنات الحين انا لما خبرتها ما بعيش عندك تقول الله بيحاسبك يعني انتي قصرتي فحقنا وطول عمرك ما تهتمي فينا الحين الله يحاسبني انا!!! ولا رب العالمين رفعل عنها القلم وما يحاسبها ؟؟!!!! يا بنات ساعدوني ولو بكلمة طيبة واريد اشوف اراااااائكم