السلام عليكم
مادري هل هذا المكان الصحيح لموضوعي جبته معي ابي اسدحه هنا ممكن
مليت من كثر ماكتب وينمسح الحين بكتبه باختصار
المهم مشكلتي مع اخوات زوجي تعاملهم تغير معي يعني قبل الزواج كانوا فرفوشين ويحبون الضحك ونجتمع ونسولف وتكون الجلسه وناسه في وناسه الحين لا
ماقمت اشوفهم لمن اروح عندهم مايطلعون اذا جيت ولا يسلمون علي ولا يتحمدون لي بالسلامه ولا بياركون لي ولا يهنوني بالعيد ولالالالالالا شيء كانهم مايقربون لي واذا رحت عندهم مايجتمعون معي على السفره وشلي صار وشلي تغير انصدمت فيهم بعد ماكنت فرحانه فيهم
اكلم امي اقولها اشكيلها لان اهلي في منطقه ثانيه كانت تقولي لاتصيرين مثلهم خليك احسن منهم ولا تعاملين الناس مثل مايعاملونك اهتمي بأم زوجك هي اهم منهم
في بعض المرات اذا رفض زوجي يوديهم السوق يزعلون ويقولون لو انها زوجتك طلبت السوق بتوديها فيزعل زوجي من كلامهم القاسي معه حتى تعاملهم مع اخوهم مو زي ن مايجلسون معه ولايعترفون فيه الا حق المشاوير يعني مصلحه وبس يعني حالتهم مو معي بس حتى مع ضيوفهم مايطلعون لهم ولايرحبون فيهم
طول وقتهم جالسين في كهوفهم اللي هي غرفهم ومايطلعون مادري كيف عايشين الله المستعان بعض الاوقات ارحمهم اقول يمكن عشانهم ماتزوجوا ماشاء الله هم كثير البنات
افيييييييييييييييييدوني وش اسوي معهم ابيهم مثل زمان يرجعون