معاناااه مع حملي

السلام عليكم والرحمه

شحالكم عرايس اخباركم .. ان شاء الله مرتااااااااحين

باركوا لي حملت والحمدلله ..
بقولكم شو القصه

طبعا ريلي متخبل هههه :lol: يباني احمل والحمدلله حملت بس كييييييييف
رحنا عياده خاصه ودخلنا ع دكتورة وقلنا لها اني ابي احمل هع هع واول مرة فحصتني وقالت لي حمدلله كل شيء زين وما فيج الا الخير
بس انا بعطيج ابره تكبير البويضه .. للعلم كنت رايحه لها بعد ما خلصت مني الدورة .. وعطتني موعد ثاني ورحت لها ولعد عطتني تكبير بويضه << يعني ابرتين تكبير بويضه مب ابره :!!:
وبعدها عطتني موعد ورحت لها .. وبعد عطتني ابره تفجييييييير بويضه وقالت لي لازم جماااع لمده 3 ايام متتاليه
وعطتني موعد اخير .. وبصراااااااحه كنت متردده اروح لها .. لان الابره حاااره وتعب :'(
وباخر لحظة قلت يالله بروح عسب اتشوف اذا صار حمل او لآ
ورحت لها وعطتني ابره تثبيت :hysterical:
قالت لي ان شاء الله يكون حملج زين

وبعدها باسبوعين رحت عياده خاصه ثانيه عسب اسوي فحص الحمل وقالولي مبروووووووووووووووووووووك حامل

عاد الفرحه الكبيره .. ريلي مات من الوناااسه .. فديت روحه ما صدق اني حملت



بس تعب يا خوات .. اول مرة احمل
وتيني الالم ف اسفل البطن واحس روحي بتظهر .. والله اقعد ابكي من كثر الالم :'(
وكل ما ابكي ريلي يحظني يحفف عليه ويحاول يضحكني باي طريقه

بس قام يزيد
ورحنا العياده وقالوا كل شيء زين
وبعدها بيوم ترقدت ف المستشفى 3 ايام وريلي وحليله خيفااان عليه بالقوه
وما خلاني بحالي وقالي ما بخلي احد يرقد عنج غير امي
وامه فيها الضغط والسكري بس خلها تيي وترقد معاي ,, والله ما قصرت عمتي ربي يعطيها الصحه والعافيه

وطلعت من المستشفى من 3 ايام احين والالم يروح ويرجع لي ..
للعلم رحت العياده اللي كنت اروح لها وقالت لي كل شيء زين وعطتني ابره تخفف الالم بس يوم واحد خف عني ورجع الالم مرة ثانيه
والله يا خوات احس روحي بتظهر من قوه الالم
ووجهي صاير اصفر كله تعبانه ومدوخه
للعلم انا حامل باول الشهر الثاني :)

البارحه فليل اخذت 8 حبات بندول من كثر الالم وريلي فوق راسي ما خلاني بروحي عسى ربي يخليه لي
ويثبت حملي

واليوم بالقوه رقدت الساعه 7 ونص وقالي قبل لا يطلع من البيت خلاص انا ما اقدر اخليج كذا بنروح وبنزله
عاد انا هني قعدت ابكي .. ما صدقت اني حملت وفرحته واحين مب قادر يشوفي كذا تعبانه ويسكت

ورجع لي وقالي ليش تبكي قلت له ابيه ليش انزله .. قالي حالج مب زين وشوفي وجهج كيف صاير .. بجد بجد تعبااااااااااااااااااااااااااااااااااااانه

واحين اهو رايح عنده شغل مهم وعاد انا قلت ما ينفع جي لازم اغلب المرض والالم اللي فيه
ورتبت الغرفه شوي واتعدلت وحطيت ميكب خفيف واترياااه يجي


الله يثبت حملي يارب
ادعولي يا عرايس عسى ربي يخلي لكم ازواجكم يارب