اول شي انا حابه اقولكم
كل الكلام المكتوب تجربتي انا
والله يشهد انو كل حرف صحيح وبدون مبالغه
وبعد معاناه
بس امانه الي تقرا تقول ماشاءالله
ماصدقت تحسن شعري :'(
انا عمري ماشاركت بمنتدى
ولا فكرت احط تجربتي فيه
بس منتداكم غير وربي
انا استفدت من منتدى عروس كثيييييير كثييير مره
واصدق عضوات واصدق تجارب
احسكم امينات ماشاءالله والبنت تحط تجربتها وتكون فعلا صادقه
وانا استفدت من كذا خلطه
جزاكم الله خير
فقررت اني افيدكم
اول شي بقولكم شغله انا لما كنت صغيره كان شعري كثييف مرره
وقطعه وحده
لكن مع الجل والسشوار والخرابيط انعدددم صار كأنه سللك خفيف جدا
فراغات واضحه تفشششل متقصف باهت
كنت اكره شعري وانحرج منه بشكل مش طبيعي
كنت اهتم بس ماكنت استمر ولا كنت الاقي نتيجه مذهله
الين ماسويت هالجدول
السدر
زيت النارجيل والخروع
الحنا
اول شي السدر
كنت استخدم خلطت الأخت ام عفاف الكويت جزاها الله كل خير
ووفقها ويسر لها امورها
الي هي عباره عن :
1 - 3 ملاعق سدر " او على حسب طول الشعر "
2 - نص ملعقه عشبة الأس مطحونه " روحي لأي عطار وقولي ابي عشبة الأس
مطحونه "
3 - خل تفاح المقدار غطا خل التفاح نفسو عبيه غطا واحد بس .
4 - موية بصل وثوم " سحر عجييييييب في انبات الشعر "
طريقة موية البصل والثوم تقطعين البصله اربع قطع + اربع حبات ثوم
تحطينهم فموية وتحطينها عالنار تتركينها تغلي لحد مايصير لون المويه اصفر
او برتقالي واتركي المويه تبرد
انا كنت استعمل فصوص الثوم بعد ما اصفي المويه اخذ الثوم واهرسه
بينهرس بسهوله مرره لأنو لين واعجنو مع الخلطه ومعروف الثوم للأنبات الشعر
وتطويلو .
5 - ملعقتين زيت سمسم و ملعقتين زيت خروع .
حطي المقادير كلها سوا وبموية البصل والثوم اعجينهم
بيصير شوي ثقيل
غطيه واتركيه نص ساعه بعدين حطيه لأربع ساعات واكثر
هذا رابط الموضوع للي مافهمت شرحي
http://forums.3roos.com/showthread.php?t=539952
كنت استعمل السدر 3 مرات بالأسبوع
و3 مرات استعمل زيت النارجيل القديم الي في علبه حديد
هذا ممتاز يابنات ينعم الشعر يغلظ الشعر ويطووول
اكثر من رائع
كنت اخلطو مع زيت خروع واحطه على راسي
بس وانتو تحطون الزيت افركو الفروه زيين اعملو لها مساج
يعني انا كنت اقلب راسي واحرك الزيت بيدي عالفروه واعمل مساج
بقوه لما ارفع راسي احس الدم يتحرك هذا افضل شي
اخر شي يوم بالأسبوع خصصيه للحنا
نصيحه من اعماق قلبي لكم يابنات
الي ماعندها شيب وماتحتاج الصبغه
لا تترك الحنا لا تتركها
وربي سسسسسسسسسسحر شششي عجيب شي يغير الشعر
مررررررررره
طريقتي بالحنا
1 - 4 ملاعق حنا
2 - زبادي " روب "
3 - بيضه
4 - زيت خروع او زيت هيمتاج او زيت نارجيل او كلهم سوا
5 - اعجن الحنا بموية البصل والثوم
واتركها نص ساعه الى ساعه
واستعملها واتركها اربع ساعات على راسي او يزيد
وانا احب اللون البني فأضيف لها نسكافيه
احطه بمويه مغليه واتركها تبرد بعدين اصبو عالحنا
يعطي لون بني جمييل
والله يابنات ورربي يشهد علي ان شعري تغير 180 درجه
الفراعات ماعاد اعررفها !
شعري ينطققق صحه صحييي بشكل فضييع ماشاءالله
والله اني اشوف شعري بالمرايه واقول ماشاءالله
لمعه من قلللب لمعه بييضا
والله يابنات من كثر اللمعه ساعات احسبها فراغ ! احسبه جلدي
من بياض اللمعه
حتى الطول شعري طال عن اول بس مو كثير
لكن بقولكم موقفين
الأول اختي قبل سنه كانت تستشور شعري عشان مناسبه
وقالتلي وش ذا شعرك مقطع ومتقصف ومعدوووم
انا تحطمت !
بس ماقصيت شعري ولا شي كنت ابيه يطول حتى لو معدوم
وبعد مامشيت على هالنظام
وربي انها يوم تستشور شعري تقول ماشاءالله شعررك صحييي مرره
امي وانا قاعده جنبها
شافت شعري وقالت متغييير مره عن اول
تقول ماشاءالله زاان :!!:
يعني اكثر شي بتلاحظونه الشعر بيصير صحيي وكثيف وناعم ومافي تعقيدات
حتى نفشه مافيه واهم شي يصير الشعر صحي لا صار صحي خلاص
كل المشاكل تنحل :L:
هذي تجربتي بأختصار
والله يشهد اني حبيت افيدكم زي مافدتوني
الي بتمشي على هالنظام لين اول يوم العيد
بتفرح بشعرها وبتصير زي اول ماتمشط شعرها ماودها تتركه ابدن
واتمنى لكم كلكم شعور حلوه وصحيه وكثيفه
وحابه اقول شغلتين عشان اكون نقلت تجربتي بأمانه
انا دايم ادعي ربي يرجع شعري زي اول كثييف وطويل وقطعه وحده
وربي كريم دايم وانتي تستعملين الخلطه ادعي انو تفيد شعرك
وانو ربي يطول شعرك ويكثفه
وكنت استعمل حبوب هيردال
واستعمل شامبو ميتال
اي اسأله انا بالخدمه
ما ابي غير افيدكم زي ما افدتوني
امانه يابنات الي تستفيد من كلامي
تدعي ان ربي يفرج هم امي ويزينها بعين ابوي
ويجعلها اول واخر انسانه بحياته ويسخر لها خلقه
ويسر لها امانه امي مره شقت بحياتها
مابي دعوه لي ابي بس تدعون لها لو استدفتو