.. خلينا نبتدي القصه م الأول..:082:
*الموضوع طويل وانا راغيه كتير جدا فا لو مش فاضيه اقريه بعدين ههههههههه:058:
ملحوظه بس عشان نبقى واضحين م الاول : موضوع الشعر دا مثلا زي العنايه بالبشره واي حاجه من الكلام دابيختلف من واحد لواحد..يعني بتجيب نتيجه مع ناس وناس لأ..بس ادينا بنحاول والتوفيق من عند ربنا ((((( الكلمتين دول مامتي هي اللي قالتهوملي لما قلتلها اني بكتب موضوع عن تجربتي )))):055:
انا الحمد لله كان شعري تقيل وكثيف جدا بس مموج وهايش وكان بيطول كويس واطرافه سليمه الحمد لله وكلو تمام... بس كنت دايما بقصه وانا صغيره..عمري ما شفت شعري طويل:01: !!! حلم حياتي اشوف شعري طويل لتلت او نص ضهريمش هقول آخر ولو انها مش بعيده ع ربنا:091: !!
المهم ..فا كان لما بيييجي اعلان دابرا ملا وانا صغيره ..كنت بتهبل طبعا..ههههههه قال يعني لما اجيب الزيت دا هيحصل تغيير جذري في الجينات:085: وشعري هيبقى زي البنت دي..:085:
وبعدين جيت اخر تلات سنين..بسبب سوء التغذيه ونقص الحديد والانيميا شعري بقى بيقع جدا..وخس النص تقريبا !:089:
دايما كنت اقول لمامتي نجيب دابر املا تقللي دا وحش بينشف الشعر..من ساعت ما وعيت ع الدنيا وهي بتقلي كدا..اقلها طيب نفسي شعري يطول تقلي هيطول ان شاء الله:06:
فا جيت ف شهر اتنين اللي فات وبعد ما حسني مبارك اتنحى بقى ههههه وبعد ما فوقنا لنفسنا بعد ايام سودا عيشناها قصيت شعري..فكرت وقلت بقى ابتدي بداية جديده مع شعري اللي عمري ما اهتميت بيه !!
:042:
وفعلا..زيوت طبيعيه بقى وكدا و شعري اتبدل !! بقى ناعم الحمد لله وطري..:03:
بس الزيوت ثقيله وبتخلي شعري مزنخ يا اما بتوقعه !!ومينفعش حمام زيت بس..لازم ادهن شعري..فا حبيت اغير..بس مكنتش عارفه اعمل ايه كا تغيير...انا اختي بتستعمل فاتيكا بس منتش بحبو لأنه زيت خفيف وبينشف شعري ..شعري لازم يكون قوام الزيت او الدهان زي زيت السمسم كدا ..او زيت الخروع المخفف..عشان يهمد شعري ههههههههههههههه:055:
وبعدين جيت من حوالي عشر تيام كنت بشتري شامبو وحاجات من القسم بتاع المنظفات..ولقيت بقى عبوات زيوت دابر املا وزيت حيه وبتاع..فا جبت ازازتين صغيرين..واحده باراشوت دهبي سغيره ..وواحده دابر املا خمسين مللي ..صغيره يعني..
وواستعملت براشوت مره ..ريحتو حلوة جدا بس خفيف اوي وحسيت انو مينفعش كا دهان لشعري.فا شيلت الازازه ولسه مستعملتوش غير مرة واحده يعني فا مبانش نتيجه لسه...:038:
واستعملت بقى املا..
ايه دا:023: !ايه اللي بيحصل دا ايه اللي انا شايفو دا:076:
! ايه السحر دا !!!رائع ! شعري طري ولمع جدا:047: ونعم من اول مرة والله ومدام لمع الشعر يبقى تحسي ان اللون بقى اغمق واغنى..انا شعري اسود اصلا بس الزيت دا رائع !!!
! وانا دلوقتي اهو تقريبا خلصت الازازة وعشان انا مش فاضيه اروح اشتري حطيت ع اخر حبة منها زيت سمسم وزيت خروع لحد ما ابقى اشتري الازازه الكبيره..:092:
وكمان حاسه ان شعري طول حبة !!!!
كنت بدهن كل يوم منه..ويوم ويوم اغسل شعري..بسيبو ف شعري كا دهان عادي زي ما متعوده..
بخصوص الريحه...انا مش عارفه ليه الناس كلها ع النت بتشتم في ريحته:084:..دانا بحب ريحته جدا !! دي جميله ! :055:
المشكله بقى اني ف فتره امتحانات ومعنديش وقت اعمل حمام كريم لطروف شعري لأن الطروف عندي بتنشف وتتقصف
حبيت انقلكو تجربتي يمكن حد يكون بيشاور عقله ويستفيد .. لو كنت قريت موضوع زي دا من زمان كنت جربتو من زمان :07:
دعواتكو بقى ربنا يوفقني..-~*
:051:
حسناء من مصرF: