عيدميلاد صديقتي

في عيد ميلاد بنتي قلت لها كل الي تحبينه كتبيه وانااشوف الي اقدر اشتريه
..والي حصل اني اشتريت اشياء تحتاجهاكل بنت وتفرح فيها..وجزء من اشياء كانت محتاجتها..
المهم انا بقولك الهدايا يمكن تصير عندك بعض الافكار الي تناسبك
اشتريت علب للهدايا على شكل قلب وعلى شكل مكعب يعني مايحتاج تغليفها
واشتريت ورد مجفف مع ورق كورنيش مقطع وخلطته مع الورد شكله صار جميل وخليته اسفل العلب
بعدين وزعت الأغراض الي اشتريتهم
1-علبه حطيت فيها..مناكير فوشي واحمر..وروج طقم مع غلوس وردي
وعلبة ظل الوان بناتيه حلوه..وعلبة بودرة خدود..ومرايه حلوه للشنطه..
2-العلبه الثانيه..حطيت على الورق المجفف اكسسوارات ..اساور ملونه وبعضهاخرز وبعضها فضي اشكال وحلق اشكال قصير وطويل والوان واشكال محببه عندها على سلسال وخواتم اشكالهم حلوه..
وعلبه فيها ورد مجفف وحطيت فيها عطر بجانبها شكلاطات.. ربطت في كل حبة شوكلاته فيونكه بشريط احمر رفيع جداً
صراحه شكل الهدايا روووووعه وحاجات مغريه للبنات الحلوات
تذكرت بنتي تحب خلطات الجمال والوصفات البيتيه لجمال البشره والعنايه فاشتريت كتاب الى كل زهره كيف تكوني عطراً>>تقريباً الاسم صح
وغلفته..وشنطة لابتوب فوشيه لأنهاماكانت حابه شنطتهاالسودا..
اتمنى اكون افدتج عزيزتي
وانتي تعرفين ميول صديقتج ..وشنو الأشياء الي تحبها
مثل امي في عيد الأم اشتريت علبه كبيره وحطيت فيها ورد مجفف وعطرته ..وحطيت علبة العطر..وبخور وطرحه فيهاجانب كله كريستال
وعلبة صغيره فيهاخاتم ذهب..وشال..
يعني كل عمر والهدية الي تناسبه..

وعلى فكرى قبل عيد ميلاد بنتي راحت معي المجمع وكانت كلماشافت شي حلو قلت لها
غالي او موحلوا..واشاورها واخليها تختار بعدين اقولها لاتستعجلين نشوف محل ثاني
واشتريت لأختهاالصغيره اسم جايهاشتري لها بعض الاغراض
الزبده اني عرفت شنو حابه و ثاني يوم لقطت الاغراض الي شافتهم
يعني بعض هداياها على ذوقها
وماتصدقين اشقد افرحت لأنها زعلت يوم سكرت المحلات ومااشتريت لهاشي..خخخخخ
قالت بس تقصين علي تشاوريني ليش ..!! بس تحمصيني ههههههه كسرت خاطري بس مسكت نفسي
ماتدري اني راح افاجئها..في يوم ميلادها

تحياتي عزيزتي