ما عندي حد بهالدنيا ='( منو مثلي ؟

حبيبتي عروس

والله تاثرت بكلامك

تتكلمين وكاني شايفه حالي بالمرايه

الله يعينك على اللي انتي فيه

واعتبريني حد تقدري تفضفضي معاه بالطريقه اللي تعجبك

بس صدقيني يمكن النوع اللي مثلي ومثلك ما يحق له العيش بدنيا وحوش

انا قدامك الان

ما معي غير الاب والنت وبس هم كل شي بالنسبة لي

بس صدقيني دام انك على ذمة رجال حاولي انك تتقربي منه

للاسف الشديد انا مطلقه حديثا بعد زواج اربع شهور فقط

حاولت مع زوجي بكل الوسائل بس للاسف

للاسف

النتيجة الوحدة اللي قاعده انا فيها الحين

والله انك قلبيت على المواجع يوم قريت قصتك

حسبي الله ونعم الوكيل ف كل ظالم وخاين

سبحان الله ذكرتيني بنفسي

صديقاتك كلهم اختفوا

او بمعنى اصح موجودين (زي زحمة معاليق من غير ثياب) لمن يحتاجوني يتصلو وغير كذا لا
تصدقي اوقات من الطفش مدري وين اروح
زوجي يقول لي وين صديقاتك اوديكي لهم وانا احترق من داخل واقول وينهم
واذا فكرت ازور وحده فيهم تخلق مليون عذر
تصدقي الاسبوع اللي فات عرفت بالصدفه انه وحده منهم ولدت لها 20 يوم
يعني ماعلمتني ابد
لكن ماعليكي
انا بصير صديقتك يمكن نعوض بعض عن الصديقات اللي راحو

حبيبتي عروس لتشيلين هم الصديقات والاخوات هنا كلنا خواتج وصديقاتج صدكيني اني مريت بنفس حالتج واكثر بس الحمد لله عندي خوات بس مو كلشي احجيلهم لانهم متزوجات ومو كل مرة احتاجهم اكدر احاجيهم بس وية مرور الوقت راح تتكيفين وية الوضع لان حتعيشين بدون مشاكل وصدكي ماتجي من الصديقات غير بس المشاكل ودوخه الراس حاولي تفكرين بزوجج وبحياتكم والله يسهللكم ويرزقج بالذرية الصالحه ويصير كل تفكيرج باطفالج احسن من ماتفكرين بالماضي وبصديقاتج هذه حالتج لان مااعندج هسه اطفال اكيد اذا اجوي اطفالج راح تلتهين وياهم ويصير تفكيرج بس الهم ادعي من الله يسرع بحملج ماادامهم مايسالون عليج فميستاهلون تفكرين بيهم لان اكيد حتى تفكير ميفكرون بيج هسه واكيد همة ميردولج الخير لان عافوج من انخطبتي عيشي لنفسج ولزوجج وعفا الله عما سلف

حبيبتي عروس الله يوفقج لما يحب ويرضى ويرزقج الذرية الصالحة ومثل ماقالوا الأخوات نحن كلنا مثل خواتج

وأنا أقولج عمر الطيبة ماكانت غباء لأنها ترفع رصيدج عند رب العالمين وسوي اللي مقتنعة فيه ولا يهمج أحد

ما شاءالله تبارك اولا الإنسانه الي تتكلم بها الإسلوب البليغ , اكيد إنسانه رائعه , ولا احتاج

الى حكم الاخرين لكي احكم عليها , عزيزتي ما علمته اياك امك ليس صحيحا , هي مسكينه

لا تظليمها الأم احيانا من خوفها على ابناءها تنصحهم ومن غير ادراك بالطريقة الخطأ , ظنا

منهم هذا هو الصح , اولا لا تلومي نفسك على طيبة اخلاقك فهذا اجمل ما كسبتيه من

تربية والديك , ومن حولك , وهذا فضل كبير ارجو أن تضعيه في الإعتبار جيدا , الآن ما حدث

بالنسبة للحياة الزوجية , كلنا نعاني ولكن الحياة علمتنا كيف نتصرف في المواقف , اياك

يا عزيزتي السكوت , يعني حينما تلاقين اي جمله دافعي عن نفسك وبطريقة لبقه يوما بعد

يوم ستعتادين , اما بالنسبة للصحبه , الآن انتي مسؤوله عن حياه زوجية اياك والتفكير في

الصحبات ضعي جل تفكيرك في زوجك وكيفية الوصول الى السعادة , اجعلي هذا تفكيرك وبس

اسعي للوصول الى قمة السعاده في الحياة الزوجية , وما تعرضتي له من صحباتك هذا في

الماضي , أنت الآن مشغوله بزوجك وحياتك الزوجية , فكري كيف تسعدينه , تفكيرك في

صحباتك يدل على الخلل في العلاقه الزوجية , الفتاة حينما تتزوج , الفتيات هن من يتقربن الى

المرأه وذلك بسبب الغموض الذي يسكنها بعد ومحاولة معرفتهم لأمور كثيره ولكن الزوجه

تزداد غموضا وتزداد الفتيات حديثا معها هكذا حاولي أن تتحولين ومع الأيام ستجدين نفسك

في هذا الموقف , الآن صحباتك إن سألوا عنك وقت حاجتهم , اولا اجلسي رجل على رجل

وبكل ثقه ضعي عينيك في عينيها وابدأي بحل المشكله بشكل موضوعي , يعني أنا فلانه

عملت لي موقف , غامض لا اعلم بعد اذا كانت هذه الحقيقة ام كذب , كل ما اشعر به أن ما

حدث لي مكيده والله اعلم ولكن كانت تبكي , وأنا ابعدت وجهي الى الجهة الأخرى , واعطيتها

الحل في ثلاث كلمات قومي بفعل كذا وكذا وكذا , ولم اطول , صحيح الكلام الذي ذكرته من

ذهب ولكن , لا استطيع أن اتعامل مع من غدر بي , بطيبة كما في السابق .

تصدقـيـن بالله ان أخـلاقـج عـــــاليــه ...!!

ماشاء الله عليـج .. والله حبيــتج ...,

حياتي الي سويتيه عين الصواب ... وهاذي أخلاق نبينا ورسولنا محمد ((عليه افضل الصلاة والسلام ))

انا للأسف مو نفسج ... أو كنت نفسج وتغيرت واااااااااايد ....خلاص انقهرت من هالنوعيه ... سنيين وانا وفيه معاهم ...

تصدقين لو قلت لج اني كل ماجت اجازة نهاية السنه كنت ابكي لفراقهم لأسابيع كثيره واستمريت على هذا الحال ..لين ماتخرجت من الثنويه

وربي اني ندمت بعدها ندم شديييييييييييييد .... قولي لي بالله شو استفدت ... هم يلعبون ويستانسون باجازتهم وماعليهم من الدنيا ...

ولا حتى يفتكروني او يقولو لنفسهم وين فلانه وشخبارها ...

وانا الهبله اقعد ابكي على فراقهم ... بعدها اتخذت قرار وانا بالجامعه ... اني لاعاد اسأل او اهتم بحد .. غير اهلي هم الي يستهاهلو وهم سندي

وهم الي يحاتوني ... اما الناس وصديقاتي كل وحده بكرا بيت زوجها ولاهي داريه ولا سائله عني ...

وخلاص صرت اعاملهم بالمثل ... تعرفين شلون بالمثل ... ؟؟

الي يسأل ويتصل واحس ان هذا من دون مصلحه ... اروح اسأل واتصل عليه ...

والي مطنش اطنش ... ايوه هاذي هي الحياه ... تعبت الحق ورا الناس ...

ألحق وأدور رضا ربي أحسن .. وأسعد لي ... من هالناس الي مارح يقدمو ولا يأخروا شيئ في حياتي ...

السلام عليكم / ....

الله يعييييينج يالغلا بس اسمعي كلامي دقي راسهم فالايدار خل يولووووووووووووووووووووووووووون طااااااااااااف و حياتج اطلعي و استانسي سوي الي بخاطرج ماعليج من حد و خليج اوكي ويا ريلج و احنا كلنا ربيعاتج ولا يهمج بعدين خل يولون اهل ريلج اكسبيه

والله تأثرت من قصتك..
بس تصدقين انا مايهمني.الناس..
من كثر الجرااح توصلت لشيء لحقيقة..في حياتي..
اعملي خير ولا تستنى الرد بالعرفان للجميل..
وعلقي قلبك بربنا..بس ..من طلب رضا الناس غضب عليه الله والناس..ومن طلب رضا الله رضي الله عنه والناس..
ومحد يقدر يفكني..من مصيبه غير ربي..ومحد يقدر يسعدني غير ربي..
وبذكر الله تطمأن القلوب وتبالصدقات تشفى السقام..وبالدعاء تنجلي الهموم..
عباداتي لله هم أصدقائي في السراء والضراء..
وأحلى شيء تخلي علاقتك سطحيه بالناس..وإذا بقلبك شيء فضفضي لله بسجودك..تلاقي الشفاء والرضاء والسعاده..
الله يوفقك..ويفرج همك..ويسعدك بالدارين

محد يرضي يكون حبة بندول للحاجة فقط

نسعد ان نكون حرف في سطر في صفحة شخص ما

{ انا صح انصدمت في ناس كثير..~
بس الحمدلله ماوقفت حياتي عندهم
لا ما اسمح لحد يوقف حياتي ويكسرني

الحمدلله لا مت ولانقص من ملكي شيء
تعرفت ع ناس ثانين وكونت علاقات ومعارف جديدة

خليت علاقاتي سطحية
مبنية ع الاخوة والمحبة والاخلاص
لكن بدون اسرار (لان الاسرار هي دوم الي تخرب العلاقات)
وبدون نميمة وذم
والحمدلله مرتاحة مع صديقاتي

مو كل الناس يغدرون
ومو كل الناس مصالح

انتي بشخصيتك تقدرين تميزين
اذا احد غلط عليك مرة خلاص حطي عليه اكس
بكرةوبعده ذليهم اذا احتاجوك
ولاترجعين لهم لو يبكون دم تحت رجولك

دوسي عليهم واضحكي وطنشي ولا ع بالك شيء

خليك قاسية مع الي يغلط عليك
لاترجعي تسامحي
بس بينك وبين ربك سامحي
وهذا الي مطلوب منك
اما غير كذا لا

..* ياقلبي انتي والله اللي زيك ومثل اخلاق العاليه المفروض يتعامل بأحسن معاملة ..
بس بهالزمن هذا حطي اكس ع اللي يحترم ويسأل عن الثاني بدون مصالح ..

انا من هاليوم راح آكون آختك وصديقتك وبأي وقت افتحي الاب واكتبي باللي خاطرك فيه ..

جبتيها على الجرح والله الحين ماكو صداقات ياخذون اللي يبونه ولا كنه يعؤرفونج ولا كنه كانت بينكم عشره وسنين الزمن تغير والناس نفوسهم تغيرت ماعادت مشاعر صداقه ولا حب زي اول كلن ياخذ مصلحته ويتركج وبتغيرون بسبب ومن دون سبب مريت بها النوعيه وايييد وعانيت فتره واثرت على نفسيتي بس بعدها وقفه مع نفسي وراجعتها وقلت اهم عايشين حياتهم وانا قاعده ابجي وهامه عمري على ناس ما قدرتني اللي يبيج هلا بج واللي مايبيج لا تفكري فيه ولا تسالي عنه والخوي اللي ماقدر صداقتي وطيبتي وش استفيد من صداقاته لا تخلين احد يحطمج ويكسر خاطرج لا تسمحين لهم الدنيا ما توقف عند حد اهم شي علاقاتج مع اهلج وربج اهم اللي عزوتج وسندج اما الاصدقاء ناس تجي وناس تروح وتمر علينا شخصيات الله العالم بنواياها بس طريقه التعامل لاوم تكون غير لا تثقي باحد وتعطين اسراراج له واشكي همومج لرب العالمين

مرحباااا عروووس
حبيبتي ماعليك من احد اسمعي نصيحه النااس في هذى الزمن ماينفع معهم الا العييين الحمراء

إذااحد رمى عليك كلمه ردي عليييه بعشر

بس طبعا بذوق واسلوب يهزهم وهم ثابتين

انتبهي لبييييييييتك ولزوووووووووجك

وشدي حيلك بولد ولا بنت يعوظونك عن كل شي

وحنااااا هنااااا خوااااتك واهلك فضفضي قد الدنيا

حبيبتي واللهF:

الله يسخر لك زوجك ويرزقك بذرييييييييييييييييييه الصـــــــــــــــــــــــالحه
اللهم آمــــــــــــــــــــــــــــين

انتهى زمن الكريم اللذي ان اكرمته ملكته ... وبدأ زمن اللئيم الذي ان اكرمته تمردا



هذه العبارة اللي اقولها في نفسي كل ما امر بالطعنات واو اتعرض للغدر من اقرب الناس لي

نفوس الناس تغيرت ما عادت مثل اول بس ارجع واقول

اننا نعامل الناس باحترام ليس بالضرورة لانهم محترمين ولكن لاننا كذلك

هذه انت حافظي على طبعك واخلاقك العالية وكله بتلقينه في الاخرة وكل من يغلط فيك قولي انك فوضتي امرك لربك


تتوقعين هذا حالك ...ابدا والله كلنا كذا وكلنا خواتك وكلنا صديقاتك ...هنا في المنتدى بتلقين بنات ولا شافتهم عينك ولا شافتك عيونهم ...بس قلوبنا تتلامس مثل الاصابع


على فكرة العبارات اللي كتبتها من تواقيع او مواضيع بنات عروس ...السموحة