اطفال عمر سنه وسنتين

Bossy22;15251277:
نفس بنتى اهئ اهئ مفيش توكة بتسيبها فى شعرها اكتر من 3 فمتو ثانية

\\نبرة شجن\\;15251296:
الله يكون بعونكم
بس زي ماقالت اختي--
اذا وضعت الشباصات حاولي تنسيها وتلهيها بحاجه
والعناد طنشيها يومين وبتتعب
والاكل خلاص سنه ونصف حلو تاكل من اكلك

ضحك الورد;15252914:
يمكن يالمها لين تحطين لها الشباصات يعورونها يمكن او ماسك شعرها بالقوة
بتي مثل بنتك بالضبط
بس لما امشطها اقول لها ماما بنروح النينة خلي الحلا على شعرش عشان تصيرين حلاوة .. فما تشيله لان تفهم ان بنطلع ابها بس لما تشوفني قاعدة مو لابسة عبايتي تقوم تصيح وتقول ليي نينه نينه خخخخخ اذا حقرتها حطت ايدها على شعرها وهي اطالعني نينه اذا ما رحت ليها جودتها عن تمشع شعرها ما يفيد فاقوم ليها واطلعها بسرعة وعقب تنسى ان في شعرها شبابيص ساعات انقهر اخلي لها تاج واني طالعه ابها برى مفلول اخليه لان شعرها ناعم
وبتي كبر بنتش عمرها سنة وشهرين
وعلمتها تلفظ الاشياء بسيطة
مثلا
عطيني ماي ,,تقول مااااي
حلاوة .. تقول امبه هلاوة
تبين تاكلين هم عيش ..تقول هم هم
اذا ما تبغي تاكل .. تقول ليي لا ما امبه واذا تبي تقول امبه
عيب .. تقول عيب اس جب
يعني كله اتكلم وياها
وتقول ماما وتقول بابا وتقول اسم ابوها عدل وتلفظه عدل
وتقول باب
يعني كله على التعويدة قعدي وياها وتكلمي وياها
ومو زين تخلين بنتش تضرب راسها في الارض ترى الحركة مو زينة

اسى الايام;15253132:
البنات كفوو وفوو

والله يخلي بنتك

أشواك ورد;15254070:
في المره الجايه اذا يبتي بنت , هالأشيا لبسيها من وهي في الشهر الرابع بنتج الحين ما

متعوده , تحس أن شئ على راسها , لكن لو متعوده , كان ما حست , اذا في المستقبل

بتشترين شئ , انتبهي أن يكون مريح وواسع .

رهف طيف;15254325:
الله يكون بعووونك...زي بنتي تماما..
تدري ايش سويت قصيت شعرها بوي ...وماشاءالله بدا يطول ...ورجعت للمعاناة في الشباصات تشيلها وترميها
واحيانا واحنا برا...اتفاجئ انها من غيييير ..ذبحتني ربي يهديها
يبغالهم صبر وطولت بال..امشطلها لمن تكون مشغوله بلعبه او بالتلفزيون
والعصبيه والعناد مالهم حل غير يكبروا والتطنيش حاليا...الله يصلحهم ويهديلك بنتك

ღღ دريـــم ويــب ღღ;15262092:
مرحبا حبيبتي

انا بنتي مثل بنتك تقريبا ماتحب البكل والتسريحات الحلوة بشعرها على طولها تشيلها فا صرت احط لها بكل من النوع اللي صعب تشيلها يعني ما البسها طوق ولا كلبس
لا البكله اللي فيها مغاط واسوي لها اثنين واحط لها مشابك فيها حركات حلوة لو بتشيلها ماتقدر..

ايه عرفت عن البكل الي تقصدينها مثل المطاط هذي نفسها احطها براس بنتي وبحاول اني الهيها شوي---

بخصوص الشيطانه عندي وعندك خير.. انا بنتي اشتريت لها سيديهات بارني وسمسم ستريت واشتريت لها كنب صغير وتنبسط تقعد عليه وتتفرج
حلو مرره صراحه فكره قلت بشتري لها كرسي حلو حق اطفال قال ابوها صغيره عليه بس شكلي بجيب لها
وشريت لها خيمة كلها كور تحب تلعب فيها وتلهى شوي
ولاحظت شي بالفترة الاخيره ان اذا بنتي رفعت ضغطي ومافي حل تهدأ اروشها بمويه دافيه واخليها تلعب لين تدوخ وتنام فا عشان كذا انا اشتريت لها بركة صغيرة ومايوه وكل يوم قبل المغرب اسبحها وتخف الشيطانه كثيرررر

حلو والله عطيتيني فكره ---

انا بنتي الله يحفظها خلاص تآكل من اكلنا بس الفطور تحب البانكيك وساندويش فيها نوتيلا
وبخصوص الكلام حاولي تسولفين معاها كثير وتتكلمين معاها وكانها كبيرة مو تنزلين لعمرها لاء
اهاا انا ااكلها كل حاجه بس احيان احتار ابي افكار وهي مو كل شي بغاه تزهق
والسواليف ان شاء الله بسوي لها كذا واشوفها

وربي يحفظ لك بنوتك
ويارب بنتك الله يخليها لك ويحفظها وتسلمين يالغلا على ردودك اسعدتني