بنات البحرين وش رايكم في حناء الصالون

خيتو انا مو من البحرين .
لكن ..
اختي تحنت في الصالوون .. لعرسها ..
وكان وايد راقي ..

بس مااعرف اشلون الكوافيراتكم .. وحناهم ..

انا افضل بالبيت احسن بوااااجد
بالنسبة للحنايات دوري ع وحدة
قريبة لديرتكم تقدر تجي انا شفت
نقش زينب ام محمود من المالكية
35 دينارو منيرة من المقابة بعد مبدعة
سعرها 40 دينار حسب ما عرفت شفت
حناها شخصياً بس ما حنتني بس الحين
ما ادري جم و اختي راح تاخذ زينب او منيرة
لحناها لأن ثنتينهم روووووعة بالنسبة للصالون
يمكن تتوهقين فالطلعة و الحنة يتقشر و ما يصبغ
عدل

هلا خواتي
كلكم ما قصرتون على الرد
لكن عجزت عجزت عجزت وأني أتصل
حتى ما أتذكر كل اللي كلمتهم
كلمت أم سجاد
ومنيرة
وفاطمة
وحورية
وأم آمنة
وما ادري بعد من غيرهم واجد
يعني مو كلهم ما عندهم مجال بس البعض تقول ما تقدر اجي منطقتنا والبعض محجوزة والبعض 60 دينار
عرسي قريب قريب
الله يوفقكم ما قصرتون
بس زينب الحناية ارسلو لي رقمها الله يخليكم

أختي زوزو استقبلت رسالتش على الخاص بس مو مسموح أرد عليش لان مشاركاتي أقل من 15
اتصلت ليها وقالت ما تقدر اجي منطقتنا وش اسوي في عمري
الصراحة طيبة وأخلاقها عالية الله يوفقها يارب
الله كريم
مشكورة خيو على الرد والإهتمام
مشكورين كلكم

اها حاولي تزيدين مشاركاتش
و قولي الي انتي من وين مو شرط
اسم المنطقة يعني وصفي لي عالخاص
حتى الاماكن القريبة حتى اساعدش و بعد
شوفي الموضوع الشامل للحنايات راح تعرفين
منهي الي قريبة لش و ما اتصلتين ليها

ما أقدر أرسل على الخاص لأن مشاركاتي أقل من 15
ناس بعد قالو لي عن حنايات بس المشكلة مو جايفة شغلهم والصراحة ما ابغى أجازف
دائماً تصير لي سوالف ويا الحنة
مع إنه أموووووووووت عليه
مشكورة عزيزتي ما تقصرين

عزيزتي .,

ما في على حنة البحرينيـة

كشخة ومرتب وتجي لج تحنيج وسط بيتج >> وهذي أهمـ وأفضل ميزة

وأغلبية الحنايات أسعارهم من 40 إلى 45 .. قليل إذا تحصلين أقل أو أكثر !

وما شاء الله أحنا ما عندنا حناية ولا 2

مجموعة كبيرة

وكل وحدة تقولج الزود عندي

أختاري أقرب شي لمنطقتج .. علشان ما تتعذر من الجية

والصور متوفرة عندج في موضوع : " موسوعة الحنة " - المثبت بـ القسمـ

بس عموماً

عندنا صالونات في البحرين جداً كشخة ومرتبة وبـ مستوى الحنايات

بس عيبهمـ : السعر + إنج تتحنين في الصالون مب في بيتج , وهذي بحد ذاتها عبالـة

أفضل صالون مشهور للحنة هو :

- فناء الحنة في توبلي (شارع الخدمات)

وعندج أيضاً :

- لليان .. في جد علي

- هواجر .. في بو كوراه

- شهناز .. جد علي

- فاتنة الخليج .. سوق واقف

- الفيروز الأخضر .. سوق واقف

الحنايات أغلبيتهمـ ( هنود ) وحناهمـ مضبوط

الأسعار من 35 وما فوق " يعتمد على الحنة ناعمـة ولا متروسة "

وعادي يوصل السعر إلى 50 أو 60

وموفقـة

:)

حلم مشكورة وما تقصرين
بس الحنايات مو يرفضون علشان البعد بس
في البعض نعرفهم قبل يجون حتى مناطق بعيدة بس حالياً بسبب الأوضاع
واحنا منطقتنا ما شاء الله حساسة شوي
الله يعين بس

الله كريم يا أختي

بسألش خيتو لقيتي حناية ؟
اني اليوم اتصلنا للحناية منيرة
الي من المقابة حق تحني اختي
قالت تقدر هي نفسها الي اتصلتي ليها؟

جربي اتصلي لام شهد حناها روعه واتيي حتى لو بعيد بيتكم

بس يمكن سعرها بحدود ٤٥ او ٥٠ دينار

بنات بسألكم منهي احسن وحده اتحني في صالون فاتنة الخليج وجم اسعارهم؟؟

حبيبتي حنه البيت افضل بواجد
عشان تسوين ليلة الحنه له
والسعر اقل بعد
وعبالة اقل
واحلى
واحسن
وبحرينيات
جوفي في ملف التجهيزات
واطلبي من موضوع تجهيزات عرائس البحرين
ملف تجهيزات العروس فيه
ارقام الحنايات وجوفي الي قريب لمنطقتش