حياتى مع جوزى عذاب فى عذاب الحقوووووونى

السلام عليكم ورحمه الله وبركاته

انا هدخل فى الموضوع على طول انا جوزى دايما ليه علاقات مع بنات على النت شات يعنى بس مش عاره من فتره جاى احسساس ان جوزى عنده شذوذ ومش عارفه الاحساس ده مصدره ايه هو كان فيه واحد صاحبه لقيتهم قريبين قوى من بعض مقابلات كل يوم ومكالمات هاتفيه فى اوقات متاخره جدااا وكثيره جدا ممكن يكونوا لسه سايبين بعض والاقيهم مع بعض على الفون المهم لقيت جوزى بعد عن صاحبه ده خالص ولا بيرد على مكالماته ولا مقابلات بس احساسى لسه موجود كذا مره اشوف جوزى بيتفرج على افلام شذوذ

لكن المصيبه المره دى مكنتش فيلم ده كان كابوووووووس خرجت فى مشوار بره البيت لما رجعت لقيت جوزى رخم فى معاملته معايا قلت يمكن عشان قاعد على النت اتعرف على بنت ولا كده المهم بعديها بكام يوم دخلت على الماسنجر بتاعه هو من غير ما ياخد باله عامل حفظ للمحادثات على الماسنجر لقيت محادثه بينه وبين واحد اصغر منه فى السن كتير جوزى 32 سنه اما الولد عنده 19سنه
المهم انهم كانوا بتكلموا على انهم هيتجوزو هما الاتنين وجوزى هيكون الراجل والولد التانى هيكون البنت والولد ده قال انه متجوز بس جوزه مسافر واتفقوا انهم هيتقابلوا لما ابو الواد ده يسافر
جوزى بقى قاله انه عمل الموضوع ده مع اولاد من دول عربية تانية قبل كده انا مش عارفه جوزى بيشتغله ولا عمل كده فعلا طب جوزى معايا طبيعى فى علاقتنا انا دلوقتى مش عارفه جوزى فعلا شاذ ولا بيشيت والسلام ولا هيتجوز الولد ده ولا فى ايه انا مصدومه ومزهوله ومش قادره اصدق ومش عارفه اعمل ايه اواجهه ولا اقول لاهله ولا اعمل ايه انا دلوقتى مش واثقه فى جوزى خاااااااالص يعنى لو خرج اى مشوار هعتقد انه مع الولد ده انا شيلت الاب توب من البيت وقلتله انه كان معايا عند ماما ونسيته بالله عليكم تاعدونى وتقولولى اعمل ايه الولد باباه مسافر الاسبوع الجاى وخايفه ان جوزى يخرج يكلمه من اى مكان غير البيت ويعمل الموضوع ده علما بان الولد قال لجوزى ان مفيش كلام تليفونات كلامهم على الشات بس انا خايفه جداااااااااااااااا