تمنيت الموت ياربي

أدري أسم الموضوع سلبي جداً .. لكن حالتي النفسية مو عالم فيها الاربي

ابي اقوم أصلي مو قادرة أشد روحي و أوقف ,,,

يا جماعة أنا عمري 22 سنة ,, و من تزوجت للحين بس 3 أشهر .. يعني للحين ما وعيت على حياة .. للحين ما تهنيت بزواجي

مشكلتي الدورة تخربطني .. ساعات بال6 اشهر و بالسنة تقطعني ,, يوم كنت عزابية رحت و عطتني الدكتورة دوا و بعدين قطعت و المشكلة استمرت ,, و كان الكل يقول بالزواج بتتعدل هرموناتج

الله وفقني و تزوجت ,, عقب شهر جتني الدورة و استبشرت خير ان الحمدلله نزلت بروحها يعني مثلما قالو الزواج نظم الهرمونات

عقب شهرين انتظرت ما جتني الدورة سويت تحاليل مافي حمل بعدين عملت تحاليل هرمونات طلع هرموناتي مرتفعة جداً >> هرمونات وحدة بسن اليأس

رحت للدكتورة و خبرتني بهالشي و عطتني نوعين حبوب واحد اشرب منه 7 حبات و أنتظر و اذا ما نزلت اشرب من دوا ثاني 21 حبة و أكيد تنزل و اعمل فحوصات

طبعاً أنا مشكلتي بهرمونات الغدة الدرقية LH و FSH

طلعت النتائج و انا مستبشرة خير اني بس استخدمت ابو 7 حبات و ما احتجت حق اللي تبع 21 حبة ,,

و جتني الصدمة خبرتني ان الحمل عندي 1% هذا اذا كان مستحيل و أن الأمل قليل و عطتني حبوب اشربها لمدة 4 أشهر ..أنا أنهرت و هي تقولي لا تتعبين نفسيتج ,, يعني شنو ما اتعب نفسيتي :'( والله العظيم اتمنى الموت و لا هالشي يصير !!!


الدكتورة صباح بيج و القهر ماخذين علي مبلغ شقده حق فحوصات و غيره لوما انتبهت جان فلوسي راحت ,, حاسبين ليي تبع الترا ساوند و هم ماعملو لي:confused:

أنا أحتاج لدعائكم أولاً و لنصيحتكم ثانياً .. بصراحة مو ناوية اواصل معاها ,, حتى لو نسبة الحمل عندي صفر % المفروض ما تخبرني جذي و لا تقولي لا تقولين حتى لزوجج:-o.. يعني شنووو قهرتني صراحة ,, زوجي اذا كان يحبني بيستمر وياي و بيصبر و من حقه يعرف :'(

هل أواصل عند دكتور أو دكتورة ثانية لو ألجأ للطب الشعبي ؟ لو أسافر على ديرة ثانية ,, أنصحوووني ابي اروح محل يجوفون لييي حلل ,, أنا اليوم ادفع 50 مني و 100 مني و 20 مني ,, مابي اضيع فلس على شي ما منه أمل ,, آخذ قرض لو عساه 10 آلالاف و اروح محل لو ديرة عدلة و أتعالج صح :'(