تجربة فعالة ومنقولة لفرغات الشعر

السلام عليكم ورحمة الله وبركاته



من أسبوع تقريباً تناقشنا أنا وقريبة لي عن أهم خلطات الشعر واستخداماتها
أنا أحب أستعمل الخلطات اللي تكون طبيعية وتناسب شعري وتفيده وماتضره
أنا والحمدلله شعري ناعم جداً وأسود ولامع والعيب اللي فيه إنه خفيف ونصحوني
إني أقصه وقصيته بالصيف ولاحظت أنه يطول بمعدل بسيط
نصحتني نسيبة لنا إني أعمل خلطة خل التفاح مع الثوم
أقسمت بالله أن هالوصفة مجربة على أختها اللي تعاني من فراغات بالشعر
وعملت هالوصفة واللي تشوف شعرها تسألها عن السر حتى الكوافيرة
اللي بتصبغ لها شعرها استغربت من كثافة شعرها وثقله وما في ولافراغ
حتى فروة راسها مو باينه من كثافة شعرها..


الخلطه
قنينة خل تفاح طبيعي (تتاكدوا أنه طبيعي مو مقلد) نفرغ منها شوي
نجيب راس ثوم وناخذ كل حبة وندقها وننزلها بقشورها
بالقنينة لين نكمل راس الثوم كله
نترك قنينة الخل اللي فيها الثوم أسبوع وبعدين نستعملها
نسحب شوي خل بالقطارة أو بآله ضرب الإبر
وننزله بفروة الشعر وندعك لمدة ماتقل عن 5دقائق
وناخذ فص ثوم من اللي بالقنينة وندعك بيها الأماكن اللي فيها فراغات
وبعدين نغسله بالشامبوعادي بعد مايجف الشعر تروح الريحة
وتستعمل هالطريقة مرة بالأسبوع وراح تشوفو النتيجة

نسيبتي هذي طلبت إني أنشرهالوصفة وعلى ذمتها لأنها مجربة
أنا نقلتها وماجربتها بعد لكن باذن الله راح أجربها بالصيف..


عجبتني الوصفه وحبيت أنقلها لكم
وان شاءالله اللي محتاجه لها تفيدها