ماادري عند امنوه اسوي الكوشة.....ساعدوني

السلام عليكم ورحمة الله وبركاته..

الغاليه عندج هالمحلات يسوون كوش:
* انترفلور.. شارع الرقه..
* هاي فلور.. شارع المطينه..
* سامس.. شارع الرقه..

انتي روحيلهم وساليهم عن الديزاينات للملجه والخطوبه.. وهم طبعا بيراوونج الالبوم وانتي نقي الي تبينه وقوليلهم انج تبينه يكون صغير وعلى حسب الامتار.. قيسي كم متر "طول" للحجره وخبريهم..

هلا اوبرا....
مثل ما قلتي كوشة الملجة لازم اتكون بسيطه
بس اللي ذكرتهم الاخت XxSnow WhitexX
واااااااايد اسعارهم غاليه ... فبدليلج اماكن في الشارجه و ارخص وااايد ...

اذا اتعرفين شركة الخضار اللبنانية الاماراتيه مقابلنها كل محلات للكوش و الاعراس (ما اذكر اسم الشارع )

الغاليه.. الشارجه وعيمان ارخص عن محلات دبي.. اذا تحبين تسوين شي فنان وفي نفس الوقت هب غال يوايد..

عندج : ليلة فرح ..... في عيمان
عندج سيدتي لخدمات الافراح.. الشارجه

في دبي شي محل الكوشة.. في مركز بوهيل..

عندج الشارع اللي ذكرته اختي الماسه فيه محلات لا تعد ولا تحصى من خدمات الافراح..

عندج اذا تبين محل الاثيـــــــــــر للزهور على البحيرة في الشارجه.. .. وايد فنانه هيه لبنانيه وسوت خطوبة ربيعتيه. صراحه ما عليها كلام.. راقية وايد.. :)

وبس..
اذا تبين اي مساعده انا حاضر الغاليه

الصراحه انا اعرف في دبي
Art and Flower هذا في شارع جميرا عدال عالم الحيوان
وفي في الجمعيه مالت الصفا الي سوي ورد فوق والله عنده اشي حلوه واسعاره زينه
وبعد فيه جناين حفيت عدال مركز بوهيل
وبلالونا في شارع المينا مجابل فندق الكبيتول

مرحبا

اختي ملاك الامارات : مشكورة وايد على الرد بس حبيت اسالج عن محل الاثير اللي في الشارجة شو سوو بالظبط لربيعتج ممكن تعطيني فكرة


اختي غزالة_دبي ممكن تخبريني زياده عن المحل اللي عدال عالم الحيوان هل تعاملتي وياهم او انج شفتي شغلهم عند حد

حبيبتي سوالها الطاولات.. والورد اللي على الطاولات والبوفيه.. بس هاي كانت حفلة خطوبة..

وسوتلها الورد اللي حو ل الكرسي لي بتيلس عليه هيه وخطيبها.. صراحه كان شي وايد راقي وحلو..

جربي ليلة فرح.. والله ماشي احسن عنهم واسعالهم معقــــــــــــــولة جدا جدا جدا..

ليلة فرح في عيمان اسعاره وايد حلوه وديزايناته وايد حلوه محل مواطن

محل يوهر ربيع بن ياقوت انا مسويه كوشت عرسي عنده ويسولج على الاسعار اللي انتي تبينها:up::up::up::up::up::up::up: