ممكن مسآعده صغنونه - منتديات عروس

ب

بنت الفقيدة

عروس مشرقة

11-06-2011 | 04:06 AM

السلاام عليكم

كيفكم يآالغاليآآت

انا عندي مشكله صغنونه وهي اني فرمت جهآزي وصرت كل مآ ادخل المنتديات لاازم اكتب نكي يعني مآ القآه في مستطيل التسجيل زي قبل اذا ضغطت على طرف المستطيل يطلع لي الاسم او اذا كتبت اول حرف من الاسم يطلع

وفيه بعد لما اكتب في قوقل اكتب انقلش يعني لاازم كل شوي احول اللغه من لوحه المفاتيح قبل كنت اكتب على طول في المستطيل حق قوقل بالعربي بدون تحويل اللغه للعربي الحين اول مآ اكتب فيه يكون انقلش ولاازم احول عربي يآرب فهمتوو علي :o

وربي يسعد من سآعد F:

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

11-06-2011 | 03:59 PM

اوكي حبيتي عن قوقل طقي على كلمة العربية وبيتحول لج قوقل للعربي نفس الصورة

وعن المنتديات اختي انتي تستخدمين اي متصفح؟!؟ وهل تبين تخلين اسمج محفوظ في المنتدى يعني مجرد ما تدشين المنتدى يكون حسابج مسجل الدخول او بس تبين تطلع لج لستة فيها الاسامي اللي دشيتي منهم المنتديات؟!؟

ب

بنت الفقيدة

عروس مشرقة

12-06-2011 | 12:30 AM

هلاا بكوول كيفك يالغلااا

كول هو شكله مثل ماتشوفين عربي بس انا مشكلتي في لمآ اكتب فيه يجي الكلاام مثل ماهو وآضح في المربع يجي انقلش حتى في صندوق الرد في المنتديات يجي انقلش وبعدين احول اللغه من لوحه المفاتيح للعربي يعني قبل الفرمته مآ كآن كذآ

وعن المنتديات اختي انتي تستخدمين اي متصفح؟!؟ وهل تبين تخلين اسمج محفوظ في المنتدى يعني مجرد ما تدشين المنتدى يكون حسابج مسجل الدخول او بس تبين تطلع لج لستة فيها الاسامي اللي دشيتي منهم المنتديات؟!؟

استخدم متصفح انترنت اكسبلور وابي يطلع لي لسته فيها الاسم يعني زي قبل لمآ اكتب اول حرف يطلع الاسم واختآره

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

12-06-2011 | 01:14 AM

هلا فيك اختي انا بخير الحمدالله...
اوكي اذا تبين الكلام يبتدي بالعربي مو بالانجليزي فهذي تعدلينه من اعدادات الجهاز مو الانترنت... دشي "لوحة التحكم" وبعدين "الاعدادات الاقليمية واعدادات اللغة" وبعدين اختي قولي لي شنو المكتوب في الخانات؟!؟

وعن المتصفح طقي على ادوات وبعدين خيارات الانترنت (internet options) وبعدين اختاري خانة المحتوى (content) وبعدين settings المبين في الصورة

وبعدين حطي علامة صح في اول ثلاث مربعات وطقي اوكي وبعدين اوكي

ب

بنت الفقيدة

عروس مشرقة

13-06-2011 | 12:49 AM

هنآ طلع لي الخيآرآت الاقليميه

وبعدين ضغطت على اللغه وبعدها التفاصيل وطلع لي هذا

والمتصفح اتبعت نفس الي قلتي وباقي نفس المشكله

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

13-06-2011 | 07:13 PM

حبيبتي هني غيري "الانكليزية (الولايات المتحدة) - الولايات المتحدة" واختاري العربية (السعودية) وبعدين موافق ويفضل عقبها تسوين اعادة تشغيل (restart) حق الجهاز

وعن المتصفح هل تأكدتي اختي صكيتي المتصفح وفتحتيه وللحين المشكلة موجودة؟!؟

ب

بنت الفقيدة

عروس مشرقة

14-06-2011 | 11:55 PM

خلاااص انحلت كل المشاكل ربي يسعدك ويجزآك خير على تعبك :)

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

15-06-2011 | 12:16 AM

اللهم امين واجمعين يا رب
والحمدالله انحلت مشاكلج حبيبتي