التجمع الأول لحوامل شهر فبراير 2012 .. !

انا مدري ليش ابدا مو متحمسه اشتري لنفسي للعيد
حتى بنتي شريت لها بدله و مو ستايل عيد ابدا ...احنا في بيتنا عيد الاضحى خفيف ولا فيه هذيك الجمعات و الطلعات فمو متحمسه للتسوق خصوصا مع الحمل و الثقل

سلاااااااااااااااااام عليكم وبقوة

شلونكم كروشات بطات حلوات امهات >> هع

والنونووات كلهم حلوين زيكم ان شاء الله ؟

انا مريضة بلاعيم ودوخه وكله تعبانه هالكم يوم اللي طافوا

عن التجهيزات انا عارفه جنس البيبي من فترة بس ماحصل وطلعت

وعن تجهيزات العيد ,, فاني مجهزة له من قبل بس باقي العبايه


تحملوا بروحكم وايد ,, ولا تنسونا ,,

سي يووو ,, باي

.. أمــ عــلــيــ ..;15657330:
في السونار الملون .. بس ماعرف اسمه هههههه :-# .. امس سألت عنه وحده مسويته يوم كانت حامل تقول بـ ( 400 ) ريال .. !!! :-#

بس اذا زوجك معلم او انتي معلمة ومعكم بطاقة معلم يسوون لكم تخفيض 50% .. يعني تطلع لك بـ ( 200 ) ريال ..

اسعاركم مثلنا بالبحرين الالتراسوند ب 30 دينار الى 40 دينار :confused:
حاليا اراجع في عيادة خاصة وكل شهر موعد وتسوي لي فحوصات والتراسوند وتاخذ مني بكل موعد 15 دينار :D

ميمي الجميله;15657274:
سلااااااااام شخباركم


وحشتوووووووووووووووووووووني من زمان مادخلت ولا طليت عليكم

لاني واجد تعبانه الحمل متعبني كله شد في جسمي ومتنرفزه
وبتي روضه اول سنه وتعب

وحبيت اخبركم اني عرفت جنس البيبي

وللحين ماشريت شي احتمال الشتري من الحين لانه شهر 2 الجو بارد وماابغي اخد كله شتوي

ويلا نخليكم وان شاء الله قريب نلتقي

هذي السنة قريبتنا ولدت شهر 2 وكانت مجهزة ثياب شتوية
ما استفادت منها ، لان كان شهر 2 الجو وسط لا هو بارد ولا حار
فـ يفضل تاخذين كم طوويل لكن خفيف :thumbs_up:

هلا بنات شخباركم ؟؟

بسألكم عن التطعيمات لتسمم الحمل كلكم اخذتونها ولا لا ؟؟؟
لان ماقدرت اروح موعدي صار عندي ظرف ووحده قالت ليي مو مهمه ؟؟؟

يااااااريت تفيدوووني يعني عادي اذا مااخذتها لان بحملي الاولي بعد مااخذتها !!!!

سلام عليكم
لحد اللحين ماجهزت ولاقطعه
وانتووا بديتوو لو لا
ابيي اسووي اوردر للمفارش البيبي محتااره

امممم

فاطمة النوراء;15659417:
هلا بنات شخباركم ؟؟

بسألكم عن التطعيمات لتسمم الحمل كلكم اخذتونها ولا لا ؟؟؟
لان ماقدرت اروح موعدي صار عندي ظرف ووحده قالت ليي مو مهمه ؟؟؟

يااااااريت تفيدوووني يعني عادي اذا مااخذتها لان بحملي الاولي بعد مااخذتها !!!!

ما اجوف العيادة او المركز الحكومي جابو لي طاري هالتطعيم :confused:

السلام عليكم ..

كيف حالكم اليوم ؟

:)

بالنسبة للتطعيمات .. بصراحه انا اراجع في مستشفى حكومي وما جابوا لي طاري تطعيمات نهآآآآآآآآئياً .. مادري وش السالفه .. !! :-#

وراجعت مرتين في مستشفى خاص .. وكتبت لي تطعيمة الكزاز .. وان شاءالله بروح لها هالسبوع واشوف وش يصير .. الله يعين ..

مسااااااااااااء الخير ياكروشات

شخباركن

انا امس كان موعد لاسناني يوم خلصت مريت مول بس ما عيبني شي لمحمد

وغالين ع الفاضي فقلت بنتظر لحد قرب العيد يمكن ايبون اشياء حلوه

عقب مرينا محل مسوي تنزيلات بس ولاااااااااااااشي حلو والغريب الناااااااااااس تطلع بكم كيس

وانا بس قبعه مالت الشتاء لمحمد حتى يوم ندفع الكل يطالعنا ونحن نطالعهم هههههه

ومرينا محل ثاني خذيت انعال لمحمد للبيت شفت بدلات حلوه لبنوته

بس ما رضى ريلي اونه مش اصليات يمكن تحسس

قال بعد العيد بنتشراء لها من محلات حلوه ونعرفها قلت له اوكي وخليتها

مع ان خاطري فيها كانت فرو


وبس

شخباركم بنوتات ؟


انا بعد ما اشتريتي شي لين الحين

صبااااااااااااااح الخير ياحلوات

شخباركن شخبار نونواتكن ان شاء الله كلهم يتراقصوووون


احس بداء الثقل الله يسهل علينا

وانا بعدني ما جهزت للعيد لا لي ولا لولدي بس فصلت ملابس لي وملابس لولدي

ابا اروح اخذ له بدلات بس ابا قرب العيد

وعقب العيد بفصل لي ملابس للربى ان شاء الله

بس اعتقد ع شهر 2 مب ذاك الزود برد

انا افكر ما اخذ لبنوتي صوووووف بخذ لها قطن بس كم طويل ولبسات كامله

لانها نونو ما بتطلع برى بس في المنز وملفوفه بقماط وبلبسها شي كامل

وبتكون بالغرفه

المشكله محمد يبى ملابس برد لانه ما يحب داخل يحب كله برى واخاف يمرض علي

الحين الصبح عندنا برد ومحمد من الفير ناش ع الساعه 5 لين 8 ويرد يرقد

احس برد الصبح

صــــــــــــــــــــــــــــــــــــــــــح حد سوى صوره توضيحيه ؟؟؟؟؟؟؟؟؟؟



ولا بعدكم



قصدي الصورة الي يشوفون الجنين اعضاءه الداخليه






انا موعدي يوم الخميس



ان شاء الله خير يااااااااااااااااارب

حركة الجنين أثناء الحمل
تنصح جميع الحوامل بضرورة متابعة الحمل حتى يتم اكتشاف أي مضاعفات قد تحدث أثناء الحمل لتداركها، ومن ضمن الأشياء التي تنصح الحوامل بمتابعتها هي حركة الجنين.
يبدأ الجنين بالتحرك ابتداء من الأسبوع الثامن من الحمل أي الشهر الثاني، ولكن حركاته لا يمكن الشعور بها ويتم الكشف عنها فقط بالتصوير بالموجات فوق الصوتية. ويبدأ عادة إحساس الحامل بحركة الحنين في بداية الشهر الخامس أو الأسبوع 18من الحمل لدى الحوامل بالحمل الأول، ولكن تستطيع من حملت من قبل أن تشعر بحركة الجنين بحكم خبرتها بشكل أكبر أي بالاسبوع ال 16من الحمل.
تكون في البداية حركة الجنين بشكل ارتطام أطراف الجنين الصغيرة بجدار البطن الأمامي، وتشتد مع تطور الحمل لتصبح أكثر وأقوى.. يتفاوت إحساس كل سيدة حامل بحركة الجنين عن غيرها، كما أنه في نفس السيدة قد يختلف من حمل لآخر، وبالتالي فإنه لا يمكن لأي سيدة الحكم على سلامة الجنين بالإحساس بكيفية الحركات، ولكن بعدد هذه الحركات. قد يتأخر الاحساس بحركة الجنين أثناء الحمل لأسباب طبيعية مثل الخطأ في حساب فترة الحمل أو قد يكون السبب كون المشيمة أمامية مما يخفف من ارتطام أطراف الجنين بجدار الرحم أو نتيجة انتفاخ الأمعاء الشديد والإمساك الشديد. نادراً ما تكون هناك أسباب مرضية لتأخر الإحساس بالحركة مثل نقص السائل الأمينوني أو بعض الأمراض التي تصيب الجنين وتضعف جهازه الحركي وتفيد زيارة الطبيب وإجراء تصوير بالموجات فوق الصوتية في الكشف عن هذه الأسباب وتطمين الحامل على صحة الجنين.
أما في نهاية الحمل فإنه من المهم متابعة عدد حركات الجنين خصوصاً في نهاية الشهر الثامن والشهر التاسع من الحمل. ويعتبر عدد حركات الجنين إلى عشر حركات يومياً من الممارسات المفيدة التي يجب على كل حامل التعود عليها، حيث إنه قد يدل نقص عدد حركات الجنين في هذه الأشهر الأخيرة من الحمل على نقص وظائف المشيمة. ويتطلب الأمر إجراء تخطيط لدقات قلب الجنين والفحص بالموجات فوق الصوتية للتأكد من وصول الدم بشكل طبيعي للجنين خصوصاً إذا تعدت الحامل الشهر التاسع، حيث إن قلة حركة الجنين في نهاية الشهر التاسع قد يكون دليلاً على وجوب الولادة السريعة لتفادي العواقب السيئة. من المهم أيضاً لكل حامل معرفة أن حركة الجنين تختلف أثناء اليوم أي أنها تزداد بعد الوجبات وبعد شرب المنبهات مثل الشاي والقهوة وتقل عادة الحركة في الأوقات التي تعودت فيها الحامل الخلود للراحة. كما أن للجنين فترات راحة أيضاً يتوقف فيها عن الحركة، ولكنها فترة قصيرة قد تصل إلى ساعة أو ساعتين، ولكنه سرعان ما يعاود الحركة مرة أخرى وعادة يكون تخطيط دقات قلب الجنين طبيعياً في هذه الحالة. ومن الحركات التي يقوم بها الجنين داخل الرحم الانقلاب من جهة إلى أخرى والدوران من أعلى إلى أسفل، بالإضافة إلى تحريك الأيدي والأقدام ومص الأصابع كما في الأطفال حديثي الولادة. ويمكن أيضاً رؤية ذلك بالفحص بالموجات فوق الصوتية وهي علامة تدل على سلامة الجنين داخل الرحم.

خلونا نلعب ونشوف اوزانا ...........

س1 : كم كان وزنك قبل الحمل واثناء الحمل ؟؟

صباح الخير بنات ابي انظم لكم انا من لامارات وحامل بنهاية الخامس وعندي ولديين وبنتين عاطيني موعد ولادتي تاريخ 28/2/2012 والسونار التفصيلي سويته بالاسبوع اللي طاف قالوا السونار عطاني موعد ولاده تاريخ 26/2/2012 بس انا ولامره ربيت ع تاريخهم ولاع السونار عادي ربي يسهلها يرزقنا بيبي حلو وبصحه وعافيه ويسهل ع الجميع ويرزق كل محروم يارب

السلام عليكم ..

كيف حالكم ؟

ام رواضي ..

أهلاً و سهلاً .. نورتي التجمـّـع .. والله يخلي لك عيالك وبناتك ويصلحهم ..

:025:

شيوخية ..

اول مره اسمع بها هذي الصورة التوضيحية ... !!! :-#

هل هي ضرورية ؟؟ غريبة المستشفيات ما يهتمـّون لمثل هالاشياء .. !!

وبالنسبه للوزن ههههههه وزني قبل الحمل مابين 48 و 50 كيلو <<< عصقولة :02: خخخخخخخخ .. ومع الحمل الحين وصل 52 :) .. واحياناً ينزل ويضيق صدري .. :( .. اتذكر بحملي الأول ماشاءالله .. كل مراجعه الاقيه زايد شوي .. الا هالمره ..

.. أمــ عــلــيــ ..;15664498:
السلام عليكم ..

كيف حالكم ؟

ام رواضي ..

أهلاً و سهلاً .. نورتي التجمـّـع .. والله يخلي لك عيالك وبناتك ويصلحهم ..
هلا اختي ام علي انا اتابعكم من يومين قلت بنظم لكم نفيد بعض ونشكي لبعض :lol:
:025:

شيوخية ..

اول مره اسمع بها هذي الصورة التوضيحية ... !!! :-#

هل هي ضرورية ؟؟ غريبة المستشفيات ما يهتمـّون لمثل هالاشياء .. !!

وبالنسبه للوزن ههههههه وزني قبل الحمل مابين 48 و 50 كيلو <<< عصقولة :02: خخخخخخخخ .. ومع الحمل الحين وصل 52 :) .. واحياناً ينزل ويضيق صدري .. :( .. اتذكر بحملي الأول ماشاءالله .. كل مراجعه الاقيه زايد شوي .. الا هالمره ..

اعتقد تقصدواا السونار التفصيلي ليشوفوا به البيبي واعضائه وتطمنوا عليه انا اذكر لما حامل برواض الدكتوره قالت لي حامل ببنت قالت لي شوفي هذاا الرحم عاد احنا ياللاعرف راسه من ريله خخخ وهذا السونار سويته من اسبوع هالخميس بروح لدكتوره عندي موعد بتقول كم وزنه وعن البيبي اللي بسونار طمنتني قالت كل شي تمام وبعد هم يسوونه برابع او بخامس ويعيدونه بسابع ع حسب زحمة المواعيد انتي وحظج انا لما سألت الدكتوه اللي تسوي السونار بالوصل جي قالت انا اراجع بمستشفى الوصل بدبي عيالي كلهم يايبتهم بالوصل وبربي عندهم بس فيه بعض مواعيد تكون بعيادة القصيص

مرحبااااااا كروشات امهات حلوات

شلونكم عسى الله يخليكم .. ؟

والنونوات ؟؟

انا عن نفسي الحمدلله كل شي بخير ,,

والنونو الله يسلمة حلوة حركاته وخفيفة موب شيطان بس متعب بالقوم والقعده

اممممممممم

ام رواضي ,,
حياج نورتي التجمع غناتي ,, والله يخلي لك العيال ويقومج بالسلامة لهم يارب

,,
ام علي
الظاهر الصورة التوضيحية تعني السونار نفس ماقالت اخت ام رواض

انا عندي موعد تاريخ 23 للسونار وحقي انا عندي يوم الاربعا هذي

,,

عن الوزن
قبل لا احمل كان وزني 46 بعد الحمل 44 ومادري ليش الصراحه ,,
ومرت حماي تقول لي موب زين ينزل الوزن ,,, بس ماقالوا لي ان يأثر

,,,

في كروشات فاقدتهم وايد مايبانون مختفيين الله يساعدهم يارب

سي يوو

تحملوا بروحكم وبـ نونوواتكم

شيؤؤؤخية;15663853:
خلونا نلعب ونشوف اوزانا ...........

س1 : كم كان وزنك قبل الحمل واثناء الحمل ؟؟

من الاسبوع الخامس الى الاسبوع 17 زدت 5 او 6 كيلو :hysterical: وهو طبيعي ==> تطمن على روحها :lol:

صبااااااااح الخيرااااااااااااااااااااااااااااااااااااااااااااااااات ياكروشاااااااااااااااات

شخباركن شخبار نونواتكن


ام رواااااضي :

نورتي التجمع يالغالية مرحبابج بين والله يسهل عليج وعلينا ياااااااااارب



ام علي :

فديتج الصورة التوضيحية هذي مال التشوهات بسم الله يعني يشوفون قلب الجنين

واعضاءه الداخليه الثانية يسونها مره خلال فترة الحمل يوم يكتمل الجنين

ما يخصه بالسونار العادي

لان العادي بس يشوفون البيبي من برى حركته ايديه اريوله راسه

الله يحمي عيالنا من كل تشوه ونقص او زياده ياااااارب

انا موعدي الخميس ان شاء الله خير



بخصوص الوزن انا بداية حملي 53 والحين بالشهر السادس 53 نفس ما هو

حتى الدكتورة قالت ما تغير

شكلي نفس ولدي الاول لين ربيت بس زت 4 كيلو وطاح وزنه اقل عن كيلوين

حطوه بالحضانه ولانه بعد طايح بالثامن

احس بالبيبي هذا بيكون مثل اول واحد بيكون صغير بس مب حلوووووووو

تربين وتتعبين واخر شي ما تحضنين ولدج

تميت اصيح اباه اخر شي هزبهم ريلي وقالهم خلوها تمسكه وتشوفه

ورحنا انا وياه الحضانه ومسكته تميت مستانسه حتى كنت تعبانه

تميت اصيح من الفرحه وراح التعب عني

عاد تميت كل ساعة انا عندهم اذا ما طلعوه لي تميت اشوفه من الزجاج