التجمع الأول لحوامل شهر فبراير 2012 .. !

مرحبااااااااا كروشاااااات؟؟؟

شخباركم؟؟

بسألكم تحسون بحركة البيبي؟؟؟ اشلون اعرف اذا يتحرك او لا؟؟

اني في الاسبوع 18 متى بيرافس؟؟؟

انا امشي في بداية الاسبوع السابع عشر 17
وودي اعرف جنس البيبي ... بسير بعد ماخلص الرابع مع بداية الخامس عشان اتاكد عدل

بنات من تحرك البيبي فيها .. ؟؟

سلااام بنوتااااااااات شلونكمممم ,,
وصج التجمع مييييت مني ومن الي مثلي>>> الي تتصفح من دون ماترد هخخخخخ
انا من يومين رحت موعدي بالمركز ,, جيكت لي الغدة والصدر والبطن وريولي وقالت لي لوين واصل الرحم وجيكت نبضي ونبض البيبي وعطتني حبوب الي هوه فوليك +حديد ,, وعطوني موعد للالتراساوند عقب شهر تقريباا

عندي سؤال بنااااات ,, انا رحت لفهيمة المطوع في شهر الثالث وقالت لي جنس البيبي ,, الحين اعتمد عليهااا ؟ او في احتمال للخطأ ..؟؟ في احد يدري اذا فهيمة قط غلطت في تحديد الجنس او لااا ؟؟؟

.:!:. دلوعة السيد .:!:.;15536222:

عندي سؤال بنااااات ,, انا رحت لفهيمة المطوع في شهر الثالث وقالت لي جنس البيبي ,, الحين اعتمد عليهااا ؟ او في احتمال للخطأ ..؟؟ في احد يدري اذا فهيمة قط غلطت في تحديد الجنس او لااا ؟؟؟

يقولون الجنين تكتمل اعضائه خاصة التناسليه في الشهر الرابع او بداية الخامس
انتظري نتيجة المركز اذا قالو لش نتيجة تختلف عن فهيمة هنيه الوهقة
رجعي لفهيمة مرة ثانية :confused::hysterical:

http://forums.3roos.com/showthread.php?t=633586

مرحبا كروشات

شخباركم


بخصوص سؤالش عن ذكتورة قهيمة فأنا رحت لها وأنا 13 أسبوع يعني نهاية الثالث وقالت ليي ان بنت وفعلا طلع بنت
بالرغم من أني كنت مشاككة نفسش

مررررررررررررررررررررررررررررحبا ... يالنايمين ... ما بناديكم كروشات ولا شي
شخباركم؟ شعلومكم؟ شلون الرقدة معاكم ؟
ود ... اني مسجلة في المركز بس صار لي دهر ما دخلت ... بس ما فهمت شنو تقصدين اني مستانسة؟
واااااااااااااااخيرا خلصت الوورك شوب ... الحين كل سبت نجتمع اذا عندنا شغل مني مناك ....

اممم ... اخر اخباري ... امس عرس بنت حماي والحمدلله طلعت قممممر مع دبتي خخخخخ ... واليوم غدى العرسان ... وعدى على خير ...

بالنسبة للي تسال عن حركة البيبي اني احس فيها ... وقلت لكم من قبل انها مثل النبضة ... وبالنسبة للكريمات ... من الشهر الثاني كنت استخدم زبدة الكاكو من بالمرز ... بس عندش فازلين او زيت زيتون بعد زين ...

انتظر 27 بفارغ الصبر ابي اعرف وش فيني بنت والا ولد ... وفهيمة عندها فحص تجوف البيبي يشبه من الابو والا الام ... تسويه في الشهر السابع ... الي حابة تروح يعني ... بس احسه مو ضروري ... لان البيبي خصوصا في البداية كل يوم له وجه وكل مرة يتغير ...

فيه خبر بعد ... رد تاغ \ بيت التنزيلات \ سناء مسوي تخفيض 50% الي حابة تجهز من هناك ... ان شاء الله هاليومين بروح وباخذ الوان حيادية مثل البيج والاخضر ... لانه احس الوردي والبحري صاروا قديمين ...

وبث

السلام عليكم و رحمة الله وبركاته

كيف حالكن ؟

ماشاءالله .. ع البركة التجمع الجديد ..

والله يتمم لنا حملنا على خير ويقومنا بالسلامة ويرزق المحرومين الذرية الصالحة ..

انا على حساب آخر دورة .. طلع عندي موعد الولادة ان شاءالله .. في :

6 - 2 - 2012 م ... :02:

وحبيت أنضم للتجمـّـع ..

:02:

كروشات ... احس حساب الشريط حقي غلط ... شلون 17 اسبوع وفي الشهر الرابع ؟ معقولة الموقع مخرف والا اني حسبتي غلط

لو سمحتوا .. حطوا اسمي معكم في الجدول ..

ومراجعتي ان شاءالله يوم الأربعاء .. ويا رب ترزقني ما أتمنـّـى ..

الا ابسألكم .. الحين انا استعمل حبوب فوليك أسيد + الحديد .. حبوب الكالسيوم متى يصرفونها بأي شهر ؟.!!

وشكراً مقدماً ..

:02:

هلا بنات شخباركم ؟؟؟
بالنسبه عني رحت مستشفى ابن النفيس الى دكتورة كيرن .. وسوت لي الرتاسوند وشفت البيبي .. فدييييييته ..
بس قالت لي مايبين جنسه عدل ..
بس استانست على شكله وحركاته .. كان يتثاوب ..
بالنسبه لي عادي بنت ولا ولد واللي من الله رزق ونعمه .. مابتحسس .. بالرغم ان عندي ولد يعني قبله .. بس عادي ..
اني لحد الان احس بنبض الجنين بس ماحسه يتحرك عدل .. بولدي كان بطني بكبره يتحرك والكل يلاحظ .. وكله اقول واجد شيطان ..
الواحد اهم شي الخلقه التامة وسلامة الام والبيبي ..

وصفت لي حبوب حديد .. وكالسيوم .. لان بولدي ماكنت اشرب كالسيوم وماحب الحليب والله حتى ضروسي قامت تتكسر .. تادييييييييت اديه .. الله لايراويكم

ماشاءالله عليك .. شفتي البيبي .. بس خساره ما عرفتي الجنس :(

ان شاءالله يوم الاربعاء اشوف و أعرف يا رب يكون سليم معافى ..

:)

ام علي اذا مو عدولادتك صح معناها دخلتي الخامس و الكالسيوم بدوه معاي من بداية الرابع بالاضافه للحديد و الفوليك

:-o

صدق والله .... !!!

غريبه انا ما صرفوا لي الا حديد و فوليك .. !!!

مع اني بحملي الأول صرفوا لي الكالسيوم بدري ... !!!

:-o

انا شكيت وهذا اللي خلاني اسأل اتأكد ..... !!

بانتظر ان شاءالله مراجعتي الأربعاء وبسأل الدكتورة ..

:(

وان شاءالله يا رب مافيه الا العافيه ..

صباااااااااح الخير كروشات الحلوات

شخباركن

سمحلي تاخرت عليكن كنت مشغوله ويا ولدي فديته


انا يوم الخميس رحت العياده وشفت البيبي الحمدلله تاكدت انها بنوته

بس خوفتني وايد

قالت المشيمه نازله ................ يعني نفس معانات ولدي الاول(((( كانت نازله وقرب المشيمه دم وكانو يخوفوني يقولون احتمال كبير

ينزل الدم وتنزل وياه المشيمه وضربوني بابرة تثبيت وحبوب وربيت بالثامن )))))



والحين مش بس المشيمه نازله ........!!!!!!

اول مايتها قالت لي موعد ولادتي بالصورة 2\2

الشهر الي عقبه قالت لي لا 7\2

وهذا الشهر قالت لا 9\2

قلت شو السالفه كل مره تقولين لي تاريخ !!!!!!!!

قالت كل مره البيبي يصغر .....!!!

كل ما تقول لي تاريخ ع اساس دخلت الشهر الثاني وتقيس حجم البيبي

تقول لا بعده ما دخلتي

شكلي بغير بخذ موعد بروح المستشفي وين مربي بولدي الاول



قلت لها على شو اعتمد الحين موعد رباي قالت من الثامن كوني جاهزه احتمال انج تربين بالثامن

او يمكن عيالج اصغار لانج صغيره وضعيفه


الله يستر بس


انا احس بحركة البيبي ومن يومين وااااااضحه الحمدلله

واصفين لي حبوب حديد بس ما حب ريحتهن وما خذيت اي حبوب لحد الحين

أهلين بالحلوات .. :02:

عروس بلادي ..

لسـّـى بدري على التجهــيز . . !!

بصراحه ما أفكـّر أجهـز الا بنص الثامن الى الولادة ههههههه :02:

والحمدلله هالمره ما راح تكون تجهيزاتي ان شاءالله كثيرة .. لأن فيه اشياء كانت قبل لولدي علي .. وبعضهم جديد ما استعملتهم .. فحفظتهم عندي لوقت احتاجهم فيه ان شاءالله ..

والحركه الحمدلله .. بس خفيفه .. واحياناً قليلة جداً .. صايره اوسوس كثير :( :-# بس ان شاءالله مافيه الا العافيه يا رب ..

شيوخية ..

حبيبتي .. لازم حبوب الحديد تاخذينهم علشان ما يجيك فقر دم حاد بسم الله عليك ويجيك نزيف وقت الولادة .. وطفلك ما يكون عنده نقص في الدم ويضطرون يخلونه عندهم في حضانة .. انتبهي زين .. ترى أفيد شي فترة الحمل حبوب الفوليك والحديد ..

ما عليه .. تحملي الطعم كلها فتره بسيطة ان شاءالله وترتاحين منها .. بس لا تهملينها رجاءاً .. وحاولي تأكلي اشياء فيها حديد .. عندك ( الكورن فليكس ) غني مررررررره بالحديد .. اعرف وحده ما استعملت حبوب الحديد بس كانت مداومة ع الكورن فليكس يومياً وماشاءالله دمها زين .. :) ههههههههه ..

الموز و التفاح فيهم حديد .. السبانخ والجرجير فيهم بعد حديد ..

الكبده قريت عنها انها فيها نسبة حديد عالية .. بس مضرة للحامل .. انتبهي منها لا تأكلينها ..

:)

ويالله يا بنات وين الباقين ؟.!!..!!

اللي سوت الجدول .. ياليت الله يعافيك تنزلينه كل شوي .. وتشوفين الجديد وتضيفينه .. :02:

هلا كرووووشات ... واخيرا ما بغينا يتحرك التجمع شوي ... نبيه على طول جذي ...
انا ما عندي شي جديد ... بس انا بعد ما صرفوا لي الكالسيوم ولا حديد ... بس الفوليك ... والحمدلله منتظمة عليه ... يمكن هالموعد يصرفونه لي ...

بالنسبة للتجهيز ... اليوم ببدأ ان شاء الله ... ادري بتقولون باقي وقت وايد .. بس ما ابي كل شي يتراكم علي وانفغص ... لاني للحين ما خلصت الورك شوب ومفكرة اقوي لغتي واروح البريتش واحتماال اسافر ... فحاطة في بالي هالاشياء ...

والله يسهل لنا ولكم ...

من قبل لا احمل كنت اخذ فوليك اسيد
وبآخر اسبوع بالثالث وصفت لي الدكتورة الكالسيوم
لكن الحديد للحين