مشكلة محرجة .. لكن مظطرة أطرحها

السلام عليكم ورحمة الله وبركاته

أولاً أعتذر عن طرح المشكلة وعن الألفاظ غير اللائقة لكني والله مظطرة

لأني ما أبي أروح حالياً المستشفى لأن قربت اختباراتي ولازم أدرس عدل

مشكلتي هي كالتالي :

آنه من فترة أكثر من ثلاث شهور كان عندي مشكلة الغازات .. خروج الغازات بكثرة طوول اليوم

اليوم ولأول مرة يصير معاي هالشي .. صاحب خروج الغازات دم

قبل خروج الغازات بساعتين يمكن رحت الحمام وعادي مكان معاي امساك

وآنه أصلاً ما معاي امساك ولله الحمد ولا طلع مني دم يوم رحت الحمام إلا هالمرة

لما مسحت الدم بالفوطة كان بقعة كبيرة نوعاً ما مثل دم الدورة أول ما ينزل

دم الدورة أول ينزل بقعة ثم ينزل سائل وبكثرة .. فالدم اللي طلع مني بقعة

بقعة وخلاص يعني مب نزيف .. لأني بعد ما مسحته بفترة ييت مرة ثانية مسحت

نفس المنطقة .. إلا مافي دم وبعد خروج الدم ألم بسييييييط جداً يادوب أحس فيه

مثل الألم لما الواحد يتبرز بصعوبة و لون الدم أحمر عادي مب غامق مثل دم الدورة

لكن له ريحة كريهة ومب مثل ريحة دم الدورة وآنه صار لي أسبوع مكملة الدورة

فمتأكدة إن هذا مب دم دورة لأنه طلع من الخلف مب من الأمام

هل قط مرة صار معاكم جذي ؟ أو تعرفون أحد صار له جذي ؟ أو تعرفون شالمشكلة ؟

آنه للحين ماخبرت أمي علشان لا تخاف وتخليني أروح المستشفى غصب

اختباراتي قربت وآنه مادرست عدل والروحة للمستشفى تاخذ وقت وآنه أصلاً ماعندي وقت