بسم الله الرحمن الرحيم
شخباركم حبايبي عساكم عالقوة ددوووم ، حبيت اشاركم اليوم ب آكشن ولادتي طبعا جت متأخرة كثير لاني والدة من زمان بس اشتقت ارجع حق الايام اللي طافت اخخخخ يا ريت يرجع الزمن لورى .. المهم ما اطول عليكم نبدأ بسم الله ...
طبعا ولادتي كانت بتاريخ 18/3/2009م يوم الاربعاء الساعة 2:20دقيقة ظهرا
في البداية كان موعد ولادتي تاريخ 10/3 بس تأخرت وخلال هالفترة كنت أحس بألم يروح ويرجع وينزل عليي دم خفيف جدا الموهم ، خلال هالاسبوع اني وزوجي نزلت علينا افكار جهنمية كنا متخرعين اول مولود عندنا وفي البيت بعد والكل ينتظر قال زوجي ليش ما نروح اتسوين طلق صناعي مدام طاف موعدش كان يوم الاثنين العصر بوديش مستشفى العسكري وسوي روحش تعبان (( شوفوا لجنون اخخخ ) وخليهم ايولدونش (( رايحة للموت برجولي اخخخ )) الموهم رحت وسويت اللي قالي عليه دخلوني الغرفة العمليات واخدوا فايلي وصارخت عليي الهندية عشان جيت متأخرة عن يا زعم طاف موعدي وقالت لي فصخي ودخل زوجي ايشوفني ولما شاف الاجهزة وثياب العملية قال لا يبا قومي انروح البيت شنو بيسون فيش انجان نهرب اني وزوجي توني راكبة السيارة الا الهندية تركض ورانا اتقول تعالي بس وين شيل عليه خخخخ وجى يوم الثلثاء في الليل إلا هو ليلة الاربعاء و نزل عليي دم بسيط قال زوجي لا خلينا انروح المستشفى قلت لا لااااا ادا شافتنا الهندية شنو بتفشلنا قال لا اخاف اصير للبيبي شي
واني وراه ((( وين مخش يالهبلة ))) الموهم رحنا مرة ثانية وطبعا بهدلتنا لانا انحشنا عنها بس هالمرة ما طافت عليها خلتنا انوقع ادا شردنا مرة ثانية على مسؤليتنا وقالت ليي بنخليش ترقدين لباجر الصبح لان الحين وقت متأخر كانت الساعة 2 الليل وما يسوون طلق صناعي الا الصبح ودوني الجناح فوق وكان زوجي معاي وجاب اغراضي واغراض البيبي واكل وقلت له روح نام باجر وراك شغل ادا صار اي مستجد بتصل فيك راح وهو بالغصب راح (حضرته يبي يقعد )واني اقول له لااا راح اتوترني اكثر والله لا يراويكم ديك الليلة قاعدة متربعة على السرير ولا ادري وش بينتظرني لاني اول مرة انام بالمستشفى بعيدة عن زوجي طبعا كلكم بتقولون وين اهلش بس اني اتفقت ويى زوجي انا ما نخبر احد حتى اولد عن يا زعم سبرايس ،، الموهم جت الصبح قالت لي النيرس بس شربي ماي بنكشف عليش اول بنتأكد ادا ما فيش طلق وبعدين بنسويش طلق صناعي بس الظاهر من الخوف جاني الطلق ولا ادري عن روحي وكشفت قالت ما في طلق صناعي مفتوح 3 س لازم ينزل تحت غرفة العمليات ورحت اتصلت في زوجي ايجيني ونزلت الغرفة وبدلت وكل شي وكانت ويايي الا تولدني بحرينية الله يجزاها خير كانت دهب الصراحة هادية ومبتسمة ولا اروع وزوجي قاعد وياي طبعا بالغرفة وكان الالم يروح ويرجع ولما جت الساعة 10 الصبح قالت لي تبين ابر مهدىء قلت لها ايه وضربتني ولا حسيت فيها وصرت انام واقعد حتى جت الساعة 12 الظهر وخلاص وصل الالم وكان زوجي يقرأ عليي آيات وهو ماسك ايدي واني اتحمل ما صحت ولا صارخت إلا في اخر لحظة من الالم قمت قعدت وهي اتقول لا انبطحي لا تقعدين واني اقول ليها بموت حسي فيني وهي ولا همها قاعدة على مكتبها تكتب وتقول نطري واني من الالم اضرب راسي بحواجز السرير وزوجي يقول ليها قومي سويها عملية دبحتونها خلاص تعبت وهي اتقول لا احنا اول مرة تجينا حالة مثلها بكرية وما تصارخ وبسرعة تنفتح سانتيات ( ما شاء الله ) وهي على وشك ولادة الحين وطبعا خلو زوجي يطلع بره ونادت على النيرسات وقالت لهم بسرعة وشغلوو الكشافات واني قاعدة وهي اتقول انبطحي خلاص بتولدين كنت مستانسة اني بولد وفي نفس الوقت اتألم وكنت احس بحرارة بجسمي معرقة وبضغط براسي بينفجر وهي اتقول ضغطي بوووش بقوة مرتين الحمد لله والثالثة طلع احلى قمر شنووو حسيت براحة اخخخخخ يا الله وقالت لي ولد وجابته على صدري بوسته واخدته لابوه شافه وجاني باس راسي وقال الحين نبتدي اتصالات حق اهلي واهلش بعد نصف ساعة جتني الدكتورة وخيطتني وطلعت ونمت لي يمكن نصف ساعة من التعب على ما ودوني الجناح فوق ركبت فوق الساعة 3اونصف الظهر تقريبا معاي زوجي والعصر بعدها بعشر دقايق جابو البيبي على ما سبحوه ونظفوه وبعدها وصلو اهلي واهل زوجي ويوم ثاني الظهر رخصوني بعد ما كشفو وشافو كل شي طبيعي الحمد لله ....
واني وراه ((( وين مخش يالهبلة ))) الموهم رحنا مرة ثانية وطبعا بهدلتنا لانا انحشنا عنها بس هالمرة ما طافت عليها خلتنا انوقع ادا شردنا مرة ثانية على مسؤليتنا وقالت ليي بنخليش ترقدين لباجر الصبح لان الحين وقت متأخر كانت الساعة 2 الليل وما يسوون طلق صناعي الا الصبح ودوني الجناح فوق وكان زوجي معاي وجاب اغراضي واغراض البيبي واكل وقلت له روح نام باجر وراك شغل ادا صار اي مستجد بتصل فيك راح وهو بالغصب راح (حضرته يبي يقعد )واني اقول له لااا راح اتوترني اكثر والله لا يراويكم ديك الليلة قاعدة متربعة على السرير ولا ادري وش بينتظرني لاني اول مرة انام بالمستشفى بعيدة عن زوجي طبعا كلكم بتقولون وين اهلش بس اني اتفقت ويى زوجي انا ما نخبر احد حتى اولد عن يا زعم سبرايس ،، الموهم جت الصبح قالت لي النيرس بس شربي ماي بنكشف عليش اول بنتأكد ادا ما فيش طلق وبعدين بنسويش طلق صناعي بس الظاهر من الخوف جاني الطلق ولا ادري عن روحي وكشفت قالت ما في طلق صناعي مفتوح 3 س لازم ينزل تحت غرفة العمليات ورحت اتصلت في زوجي ايجيني ونزلت الغرفة وبدلت وكل شي وكانت ويايي الا تولدني بحرينية الله يجزاها خير كانت دهب الصراحة هادية ومبتسمة ولا اروع وزوجي قاعد وياي طبعا بالغرفة وكان الالم يروح ويرجع ولما جت الساعة 10 الصبح قالت لي تبين ابر مهدىء قلت لها ايه وضربتني ولا حسيت فيها وصرت انام واقعد حتى جت الساعة 12 الظهر وخلاص وصل الالم وكان زوجي يقرأ عليي آيات وهو ماسك ايدي واني اتحمل ما صحت ولا صارخت إلا في اخر لحظة من الالم قمت قعدت وهي اتقول لا انبطحي لا تقعدين واني اقول ليها بموت حسي فيني وهي ولا همها قاعدة على مكتبها تكتب وتقول نطري واني من الالم اضرب راسي بحواجز السرير وزوجي يقول ليها قومي سويها عملية دبحتونها خلاص تعبت وهي اتقول لا احنا اول مرة تجينا حالة مثلها بكرية وما تصارخ وبسرعة تنفتح سانتيات ( ما شاء الله ) وهي على وشك ولادة الحين وطبعا خلو زوجي يطلع بره ونادت على النيرسات وقالت لهم بسرعة وشغلوو الكشافات واني قاعدة وهي اتقول انبطحي خلاص بتولدين كنت مستانسة اني بولد وفي نفس الوقت اتألم وكنت احس بحرارة بجسمي معرقة وبضغط براسي بينفجر وهي اتقول ضغطي بوووش بقوة مرتين الحمد لله والثالثة طلع احلى قمر شنووو حسيت براحة اخخخخخ يا الله وقالت لي ولد وجابته على صدري بوسته واخدته لابوه شافه وجاني باس راسي وقال الحين نبتدي اتصالات حق اهلي واهلش بعد نصف ساعة جتني الدكتورة وخيطتني وطلعت ونمت لي يمكن نصف ساعة من التعب على ما ودوني الجناح فوق ركبت فوق الساعة 3اونصف الظهر تقريبا معاي زوجي والعصر بعدها بعشر دقايق جابو البيبي على ما سبحوه ونظفوه وبعدها وصلو اهلي واهل زوجي ويوم ثاني الظهر رخصوني بعد ما كشفو وشافو كل شي طبيعي الحمد لله ....
وانتهت الحكاية اتمنى ما ثقلت عليكم إن شاء الله والله يتمم على حامل حملها يارب ويعطي اللي ما عندها ... على فكرة عمر ولدي الحين سنتين و3 شهور الله يحفظها ....