يؤجل الله أمانينا ،،، ولا ينساها !!!!

السلام عليكم ورحمة الله وبركاته :

ما أدري شلون ابدا سؤالي بس ابي اي وحده مرت او تعرف عن حالة مثل حالتي
تطمني ..!!

أنا متزوجة صارلي 5 سنين ،، حملت أول حمل بعد سنه من الزواج واجهضت بالاسبوع السابع بدون عملية تنظيف وعملت تحاليل وكل شي سليم عندي الحمدلله ،، وقالت الدكتورة يمكن اجهاد ،،
وبعدها بشهرين حملت ببنتي الله يخليها لي وكان حمل طبيعي بدون اي تدخل علاجي ،،
بعدها بسنتين فكرت بالحمل وتم الحمل وصار خارج الرحم بس الغريب ( إني بالاسبوع الرابع من الحمل سوت لي الدكتوره اشعة صوتيه وقالت الكيس داخل وعطتني موعد بعد اسبوعين رحت لها قالت مافيه كيس وسويت سونار وقالوا خارج الرحم) وسألت الدكتوره قلت شلون كان داخل والحين برا قالت ماأدري يمكن غلط بالكشف .! مع اني شفت الكيس كان واضح المهم استئصلوا لي الانبوب الأيمن لأنه معطوب والحمدلله على كل حال ،،
بعدها بسنه فكرت بالحمل ورحت للدكتورة وصار عندي ضعف بالبويضات واخذت كلوميد شهر وحملت وكان التبويض عندي متأخر ،، لكن ماتم الحمل توقف نموه بالاسبوع السابع ونزل من غير تنظيف ،،ونفس الشي كل شي سليم وقالوا لي يمكن اجهاد ..
الحين صارلي شهر على اجهاضي ورحت اراجع عند الدكتورة وقلت لها أبي اسوي مراقبة تبويض من غير كلوميد بشوف الوضع عندي قالت اوك
أجهضت بتاريخ 19-5-1432 واستمر الدم معي 7 ايام وعقبها اشوف افرازات دم بسيطه الين جتني الدورة بتاريخ 23-6-1432واستمرت معي 8 ايام ،،

واليوم سوت لي جلسة وانا باليوم العاشر من الدورة وكان حجم البويضة اليمنى ( اللي مافيه انبوبه ) 10
والبويضة اليسرى (اللي فيها انبوبه ) مررره صغيره ضعيفه جدا ،،

وانا لو على كيفي ماستعجلت الحمدلله قنوعة بأمر ربي ،، بس بنتي تقطع قلبي اذا قالت ليش فلانه عندها اخو وانا لا ؟؟
ماما اشتري لي اخت صغيرة << تحسبهم خذني جيتك خخخخ
وزوجي مايبين لي انه يبي اطفال بس واضح عليه لما يلعب عيال اخوانه او اي طفل بمكان عام

أحس اني مذنبه وحارمته من شوفة اطفاله وهو سوا تحاليل وكل شي سليم عنده الله يديمها عليه

سؤالي هل هل حجم 10 كويس باليوم العاشر من الدورة ؟ وهل يتم حمل بالبويضه اللي مافيها انبوب ؟؟
لأن الدكتوره قالت لي الشهر الجاي لازم تاخذين كلوميد وانا بصراحة خايفه منه ماأبي اكثره
وخايفه بعد اخسر الانبوب الثاني الله لايقوله ،،،
وقالت لي بعد استخدمي حامض الفوليك من الحين و اذا حملتي ان شاء الله راح اعطيك اسبرين عشان نحصر الجنين من كل الجهات ،، وحده قالت لي ان الاسبرين يسبب نزيف وقت الولادة < خوفتني صراحة

آسفة طولت بس تعبت من التفكير ،، والله يلهم بنتي وزوجي الصبر

والله يعينا واياكم على طاعته ويرزقنا الذرية الصالحة ،،، آمين