ارجو منكم المساعده

ان شاء الله المتزوجات يفدونك
يارب تولدي بالسلامه

سؤالج يا في وقته البارحة طول اليل يالسة افكر و اكتب الله يسهل علينا و عليج:smile:

اولا بالنسبة لج....
1_ ملابس مريحة للمستشفى( جلابيات صدرها مفتوح عشان الرضاعة) ممكن تكون قطعتين روب و قميص نوم.... خذي كمية تكفي لقعدتج في المستشفى....

2_ ملابس داخلية و شلح وشيلة بيضا...

3_ مناشف..

4_ لا تنسين ثياب لوقت خروجك من المستشفى..

5_ الله يكرمج نعال خفيف للغرفة....

6_ عطر, ماكياج خفيف, وفرشاة للشعر و سشوار...

7_ شامبو وصابون و كريم و ليفةوفرشاة اسنان و معجون....

8_ جوارب تلبسينها وقت الولادة لانج بتحسين ببرودة في اطرافج...

9_ الموبايل لا تنسينه و الشاحن...

10_ فوط صحية و ال breast pads.....

11_ مطارة ماي حار تريح الظهر....

12_ اذا كنتي تلبيسين عدسات خذي نظارة عيونج بتكون حساسة ما بتستحملين العدسة ....

13_ كريم للصدر و زيت اللوز...

14_ خذي رشاش ايفيان الوردي عشان و انتي تولدين ترشينه ع ويهج للانعاش...

15_ و طبعا اهم شي المصحف....

:smile:


اذا حبيتي اني اكملج باقي الاغراض قوليلي


:shy:

الله يسهل عليج

ماشاء الله الاخت بطبوطه كفـــــــــــت ووفت.........

وانشاء الله تقومين بالسلامـــــــــــــــــه .........

فعلاً ماشاءالله الأخت بطوطه ماخلت شي الله يجزاها خير

تصدقين اني البارح جالسه أجهز شنطتي انا بعد

لكن ماحطيت كل اللي قالته بطوطه لأني ولدت قبل سنه ونص بمستشفى المملكه وكان روعه بصراحه خدمتهم والمستشفى والممرضات والطبيبات وكل العاملين عندهم ...

انا حطيت في شنطتي ملابس جديده للبيبي طبعاً لبس واحد لأن طول ماأنا في المستشفى هو يلبس من ملابسهم لكن هذي حطيتها لوقت الطلعه من المستشفى .. طبعا شامل كل شي يعني الشراب واللحافات والمفرش حقه وقبعه قطنيه عشان البيبي لايلفحه هوا وانا طالعه خصوصاً الشتاء جاي يعني الهوا عندنا شوي برد ، او مكيف السياره
كذلك حطيتلي انا غيارات داخليه وخارجيه وطبعاً الخارجيه مختصه بالرضاعه
وحطيت عطر ومكياج خفيييييييف عشان لما تولدين بالسلامه وتتروشين تطلعين حلوه بعيون زوجك يمكن احد يقول مو ضروري بس انا أضطر لأن زوجي ( ينام معي في المستشفى ) يعني صعبه اخرعه هههههههههه
اممممممم بعد حطيت دهن عود عشان امسح شووووي على البيبي ولازم تعطرين ملابس البيبي قبل تلبسينه عشان مايجيه شمم بعدين
كذلك انتي بعد ماتولدين شمي " حلتيته " وتعطري مباشره عشان بعدين لما تشمين العطور ماتتعبين
طبعا الجوال معي لاااااازم حتى في غرفة الولاده (:
وأهمممممممممممممم شي خذي معك علبة موية صحيه كبيره وتكونين قرأتي عليها الأدعيه والأيات حقت الحامل تلاقينها في مثبته في هالقسم عشان وقت الطلق تشربين منها وتمسحين على بطنك تسهلك الولاده بإذن الله
أما الفوط الصحيه والكريمات واللوشنات وفرشة الأسنان والمعجون والصابون والشامبو هذي كلها ألاقيها بنفس الغرفه اللي انا أكون فيها بعد الولاده حتى انهم يحطون ملابس داخليه تتخلصين منها كل ماغيرتي الفوطه لو حبيتي

وسلامتك

مشكورين يا اخواتي الغاليات وياليت تكملين اختي بطبوطه والله يعطيكم العافية

الله يقومك بسلامة وانا ماعندي فكره بعدي ماتزوجت

انشالله حبوبة بكملج من عيوني


بالنسبة لاغراض البيبي

1_ ملابس للطفل و يفضل انه تكون overalls خذي من 3-4

2_ قمصان داخلين من 3-4

3_ بدلتين احتياط للكشخة

4_ مناشف

5_ قبعة عن الهوا

6_ booties و قفازات

7_ لحاف

8_ قماطات

9_ اسفنجة, شامبو وغسول للجسم... انا خذت ماركة mustela
تنباع في الصيدليات واايد زينة, وتعرفين لوازم البيبي ممكن المستشفى يعطونج اياها بس لازم تاخذين احتياطاتج....

10_ لا تنسين ال carseat للسيارة يوم بتطلعون...

11_ الكاميرا وااايد مهمة تصورين البيبي اول ما يطلع....

شو بعدددد نسيت بعدني ما خلصت اغراض البيبي لو تذكرت شي بقولج

اذا تبيني اقولج شو تحتاجين للضيافة و الغرفة قوليلي...:smile:

بطبوطه
ماشاءالله عليج كفيتي ووفيتي ..

بس شووهوه ((carseat للسيارة يوم بتطلعون...))

شوو هوه الcarseat

واكوون لج شاكرررررررره فديتج :)

ماشاء الله الاخوات ماقصروا ان شاء الله تستفيدي

وحنا بعد نستفيد الله يسهل عليكي ان شاء الله

وتقومي لنا بالسلامه ولاتنسنينا بالدعاء

تحياتي لك 00 شوق العيوووووون

مرحبا

اعتقد ان ال carseat هو كرسي البيبي االي يثبت في السياره
متى احمل واملى سيارتي كلها كراسي hehehehehe:]
ادعولي....

تحياتي
ليلك

الأخوات الصحيح ما قصروا بس انا حبيت اقول لك
تقومي بالسلامة ان شاء الله

هلا fatma
:smile:

ال car seat هو كرسي السيارة احسن تعودين عيالج عليه من وهم صغار اامنلهم .... في امريكا ممنوع يطلعون البيبي من المستشفى الا اذا اتاكدوا اني الكرسي موجود في السيارة َّّّّ!!!! انا اختي معوده عيالها عليه ماشالله يتمون ساكتين بدون ازعاج و اذا الكرسي مش موجود الله لا يراويكم الحشرررة:pain:


اتمنى اني افدتكم واذا فيه اي استفسار لا تترددرون:smile:

إن شاء الله تولدين بالسلامة يارب