كل ما يتعلق بمنتجات افون لشهر رجب 1432

هتجنن يااخواتى;15262957:
بوصى ياحبيبتى اكتر برفان رجالى بحبه من افون وسعره حلو هو تروفورس
وبالنسبة للماسكارا الجديدة سوبر انشانت انا جبتها وجربتها وعجبتنى اوى بتطول رموشى وتفردها وبتقلها صحبتى بتقولى مش بتقل اوى بس انا مقتنعة بيها جدا عشان بتخلى رموشى شكلها حلو اوى

ســــــــــارة الف حمد لله على سلامتك ياجميل انتى والنونو ربنا يخليهولك وتشوفيه احسن مابتتمنى

شكرا يا قمر خلاص حتوكل علي الله واجيبها

بنات باقي الاسئله محدش لسه رد عليها عاوزه تقارير عن الحاجات اللي سالت عليها لان بجد ده اخر شهر اشتري من ايفون الشهر الجاي فرحي وعاوزه الحق اكمل اللي ناقص

بنات هو عروض الشهر الجاى زى كتالوج ايفون السعوديه لانى شوفتها بس ياريت وحده تكتب العروضانا عاوزه حاجات الشهر الجاى ومش معايا الكتالوج
ولا عارفه الاسعار ياريت تفيدونى لحسن هعيط بقالى كتير مستنيه اى حد ينزل العروض وانا محتاجاها

اليه معاها الكتالوج ياريت بقي تقولى اسعار الحاجات دى
كريم سسولشن الليلى والنهارى بتاع البشره المركبه والدهنيه
رغاوى الحمام البابل باث نازله كام لتر وبكام
سيرم الشعر بتاع ادفانس الاخضر بكام

والمنتجات اليه في الصور دى
الغسول والتونر بتوع البشره المركبه والدهنيه هل نازلين ولا لا لان ده كتالوج السعوديه واسعارهم ايه لو نازلين



طقم اللولى ده الابيض نازل الشهر الجاى ولا مش في الكتالوج وبكام لانه عجبنى اوى

يابنااات ايه رأيكم في متتجات العنايه بالشعر بتاعة افون
يعني السررم ومنتجات ادفانس تكنكس دي كويسه وليها مفعول ولا ايه ؟؟

prtty love;15264231:
يابنااات ايه رأيكم في متتجات العنايه بالشعر بتاعة افون
يعني السررم ومنتجات ادفانس تكنكس دي كويسه وليها مفعول ولا ايه ؟؟

انا جربت كذا شامبو و بلسم من ادفانس تكنيكس و طلعوا حلوين اوي اوي

والاوردر بتاعي شكلو مات في السكه :-#

ميااااااده;15263942:
اليه معاها الكتالوج ياريت بقي تقولى اسعار الحاجات دى
كريم سسولشن الليلى والنهارى بتاع البشره المركبه والدهنيه

الليلى ب 37 جنيه والنهارى ب 36 جنيه
رغاوى الحمام البابل باث نازله كام لتر وبكام

1 لتر الواحد بأصل سعره يعنى ب 52 جنيه ولو عايزه واحد تانى نفس النوع او نوع مختلف تاخديه ب 15 جنيه يعنى من الاخر ال2 67 جنيه
سيرم الشعر بتاع ادفانس الاخضر بكام

ب 30 جنيه سواء الملطف او اطراف الشعر كل واحد ب 30

والمنتجات اليه في الصور دى
الغسول والتونر بتوع البشره المركبه والدهنيه هل نازلين ولا لا لان ده كتالوج السعوديه واسعارهم ايه لو نازلين




التونر ب 28 جنيه والمنظف برده ب 28 جنيه

طقم اللولى ده الابيض نازل الشهر الجاى ولا مش في الكتالوج وبكام لانه عجبنى اوى

ب 70 جنيه وبرده اللى فى الصوره تحت ب 70 جنيه خلى بالك الاولانى 2 عقد و2 حلق بس مطلى نحاس مش فضه يعنى لونهم على اصفر

نانسى عبد الله;15264534:
ب 70 جنيه وبرده اللى فى الصوره تحت ب 70 جنيه خلى بالك الاولانى 2 عقد و2 حلق بس مطلى نحاس مش فضه يعنى لونهم على اصفر

مرسي ربنا يخليكى يا نانسي انتى الوحيده اليه عبرتينى معلشي باقي المنتجات لو معاكى الكتالوج عاوزه اعرف سعرهم معلشي

ميااااااده;15264548:
مرسي ربنا يخليكى يا نانسي انتى الوحيده اليه عبرتينى معلشي باقي المنتجات لو معاكى الكتالوج عاوزه اعرف سعرهم معلشي

كل المنتجات ولا حاجه معينه
وماتزعليش هتلاقى بس كل البنات ناموا عشان كده محدش رد عليكى

نانسى عبد الله;15264564:
كل المنتجات ولا حاجه معينه
وماتزعليش هتلاقى بس كل البنات ناموا عشان كده محدش رد عليكى

معلشي مخدتش بالى انك كتبتى باقي اسعار المنتجات اليه بسئل عليها مرسي اوى يا نانسي انا عجبنى الاكسسورات ايه رايك في الطقمين حلوين ولا شكلهم عادى

ميااااااده;15264587:
معلشي مخدتش بالى انك كتبتى باقي اسعار المنتجات اليه بسئل عليها مرسي اوى يا نانسي انا عجبنى الاكسسورات ايه رايك في الطقمين حلوين ولا شكلهم عادى

لا ولا يهمك يا قمر
الطقمين حلوين اوى ولفتين نظرى من يوم ما شفت الكتالوج على فكره هيبقى شكلهم رقيق اوى فى اللبس بس مش عارفه ليه عاجبنى اللى تحت اكتر لان اللون الدهبى ده مخوفنى عشان كنت جايبه الطقم الورده الدهبى لو تفتكريه كان اسمه سيرين باين بس الدهبى بتاعه مطفى اوىىىىىىىى تحسى انه قرب يبيض
بس الطقمين والله اشيك من بعض والاولانى 2 فى 1 فيعنى سعره هيبقى حلو اوى

مياده ازيك ياقمر عامله ايه وحشاني جدااااااا والله ونانسي ردت عليكي اهو

نادو:زعلانه منك اوي طيب انا مبسالش اسالي انتي والله وحشاني بس ظروفي وحشه اوي

انا اوردري لسه واصل النهارده :

ححكيلكم بكره بجد تعبانه اوي يومي كان طويل
المهم الاوردر مفيهوش غلط الحمد لله بفضل انوش

سؤالي

انا جالي هديه البلسم بتاع فريز كونترول هو ليف ان كونديشن والا بلسم عادي ؟؟؟ وكويس والا لا يعني اتصرف فيه قبل مافتحه والا استعمله والا اشيله لجوازي انا شعري عادي

بنات وحدة وحدة كدة عشان انا مش فاهمة حاجة
هو اية اللي حصل بتقولوا افون غيرت الحد الادني ؟؟؟؟؟؟؟؟؟؟؟؟؟؟
وسمعت اخبار مش حلوة عن الاسعار؟
حد يفهمني بالراحة........
وحد يقولي البرشور الجاي في صفحة كام او تقولوا اية الحاجات اللي مكتوب عليها اخر حملة...

[BACKGROUND="100 #CCCCCC"]
حبايبيييييييييييييييييي

وحشتوني موووووووووووووووت

وحمدالله على السلامة يا سارة يا حبيبتي ربنا يخليلهولك :D :L:

والاوردر بتاعي مش عارفة ايه اللي حصلوا لغاية دلوقتي مجاش ادعولي يجيي النهاردة

sylsyl;15258567:
ده انتى طيبة اوي يا دودي
هى نازلة من زمان برة واستوردوها بس من 7 شهور
وشوفت دلوقتي تاريخ الانتاج طلع
181209يعني معتقينها من سنة ونص كويس وفروا علينا انتظار التعتيق ههههههه
بعد كدة مش محتاجين نشيل ونعتق ونتعب نفسنا احنا نجيب ونستعمل على طوووول :D
بلا تعتيق بلا تضييع وقت:lol:

و كلامك صح يا انجل طالما الريحة تمام الحمد لله:)

ما انا عارفة يا حبيبتي بس انا مش متوقعة ان افون يحصل منها ده
بس على فكرة انا دخلت على موقع ولقيته حاطت الصفرا من فوق وتحتيها محطوطة البيضا ومكتوب عليها (جديد\NEW)
ما علينا مش اشكال انشالله تكون خضرا :p
طالما الريحة حلوة :D
اصل انا فكرة اني قريت حد بيقول ان الريحة متغيرة

polaris;15267016:
بنات وحدة وحدة كدة عشان انا مش فاهمة حاجة
هو اية اللي حصل بتقولوا افون غيرت الحد الادني ؟؟؟؟؟؟؟؟؟؟؟؟؟؟
وسمعت اخبار مش حلوة عن الاسعار؟
حد يفهمني بالراحة........
وحد يقولي البرشور الجاي في صفحة كام او تقولوا اية الحاجات اللي مكتوب عليها اخر حملة...

بصي يا قمر

ده نظام العمولة الجديد

ودي صورة فيها الشرح بتاع النظام

البعد الاقصى المسموح بيه للصورة هو بعرض 700 بسكل
[/BACKGROUND]

بنات عاوزة أعرف رأيكم ف قلم تحديد العيون ال24 قيراط الجديد لو له تقييمات عالموقع الأجنبي قولولي أخباره ايه؟؟
واختارولي برفيوم رجالي من دول لحد عنده 50 سنة وبيحب البرفيومز التقيلة (تروفورس_ سيجنتشر_ أروماديسياك)
والتونر والفوم المنظف بتاع البشرة الدهنية والمركبة تقييماته ايه برضه؟؟
وكريمات العين الجديدة؟؟

انا مخنوقة جدا جدا وهافرقع خلاص
ضايقوني اوي النهاردة بجد متنرفزة جدا
واتصلت وقلبت بخناقة مع اني كنت باتكلم بالذوق
ومصممين يطلعوا هما اللي على حق وان انا اللي غلطانة

هاحكيلكم بالتفصيل اللي حصل...

اوردري وصل النهاردة ومظبوط الحمد لله..
النهاردة 20/4/2011 وانا عاملاه من 13/4/2011 ياللا ماعلينا مش هي دي المشكلة
وكمان ماسك الشعر اللي صحبتي طالباه مدلوق ومبهدل الدنيا لكن عديتها واستحملت....
بس ازاي حاجة مستوردة وتوصل لي مدلوقة ده معناه ايه؟ ده معناه انهم بيفتحو الحاجات يستكشفوها ويتسلو عليها وللا ايه...

نرجع للي حصل:
الحكاية بدأت لما عملت بوليصة مرتجع الدلايات والمندوب كتر خيره عمل البوليصة
وقال لي واكد عليا اني اتصل بخدمة العملا اقول لهم رقم البوليصة

اتصلت بيهم واستحملت تعذيب الخط المشغول وبعده الويتينج الطويييييل وفي الاخر ردو
البنت شكرتني اني رجعت الدلايات وبعدين قالتلي لا مش محتاجين رقم البوليصة !
قولتلها ازاي المندوب اكد عليا اني اكلمكم اديهولكو قالتلي لا !!!
وسألتها يعني انا كدة دلوقتي تمام دخلت في تحفيز الاوت سبوكن؟
قالتلي ايوة وبعدين لاقتها بتصدمني بقنبلة ارض جو لاقيتها بتقول لي ان انا كنسلت اوردرات كتير @!!!!!!!!!!!!
وانا عمري من ساعة ما اشتركت عمري ما كنسلت اي حاجة حتى لما بيكون فيه مصيبة على يدكو
باستلم واتصل بيهم اقول لهم فيه غلط
ومرة غلطت وعملت مرتجع شلوني بيه بتاع الخاتم اكيد فاكرينه لما مكانوش لاقيين البوليصة
وفييييين بعد اكتر من 3شهور بعتولي السلسلة وحتى لما بعتوها كانو عاوزين يستردوها تخيلوا كلموني يقولولي
رجعي المنتج اللي جالك زيادة بالغلط !!!

اعدت اقول لها اني عمري ما كنسلت حاجة تقول لي السيستم قدامي وهو بيقول كدة يبقى انتى كنسلتي
قولتلها السيستم بيخرف وحصلت قبل كدة من مدة لاقيت في الاكاونت بالانس على الموقع حاجات بالسالب
وكنت كلمت قبل كدة بتوع النت خط 4 وقالولي ان السيستم بيعمل الارقام السالب دي لوحده
وهي ارقام وهمية ومش محسوبة ترجع تقول لي مافيش حاجة اسمها مش محسوبة ولا السيستم يعمل كدة من نفسه

كلمت بتوع النت خط 4 وقولتله ازاي خدمة العملا يقولولي اني كنسلت اوردرات وانا عمري ما كنسلت حاجة
فوجئت بيه يقول لي ده فعلا انتى مكنسلة اوردرات بتاريخ كذا وكذا وكذا !!! تخيلو؟
بعد ما كانو بيقولولي ان دي ارقام وهمية يجوا دلوقتي يقولولي دي ارقام حقيقية؟؟

يارتني ما رجعت دلايات ولا تعبت نفسي ووجعت دماغي انا غلطانة
خصوصا اني خلاص مابقيتش واثقة في حوارات البوليصة دي
من ساعة ماجربت وعملت بوليصة الخاتم وندمت اني عملتها لانهم طلعو بيها عيني

شوية وهارفعلكم صورة من صفحة الحساب اللي طالع فيها حاجات بالسالب تشوفو المنظر وتقولولي حد عنده المنظر ده ؟
وللا انا بس اللي السيستم بيخرف معايا

=================


وعاوزة اتاكد منكم في حاجة: المندوب كتب في البوليصة:
"رقم العضوية 29"
وده مش رقم عضويتي لا ده رقم الزون
لكن لما قولتله كدة قالي لي لا هو كدة مظبوط احنا بنكتب رقم الزون كدة

وكمان حاجة:
مارضيش ياخد الفاتورة اللي كانت جاية مع الدلايات
قولتله مش المفروض تاخدها كاثبات؟
((المندوب اللي قبله كان عمل كدة لما عملت المرتجع اللي شلوني بيه المرة اللي فاتت))
فقال لي لا مش بناخدها بس انتى تكلميهم تقوليلهم رقم البوليصة.
...
===========================

صور من ال account balance اللي بيكنسل على مزاجه




ربنا يسامحهم وينتقم من سيستمهم المخرف

شوفو يا بنات حساباتكو لحسن يكون فيها حاجة ويروح التحفيز
شوفوها وطمنوني على طول

Señorita;15264272:
انا جربت كذا شامبو و بلسم من ادفانس تكنيكس و طلعوا حلوين اوي اوي

والاوردر بتاعي شكلو مات في السكه :-#

لا جاي يا سينيوريتا ماتقلقيش التاخير على الكل

ميااااااده;15264587:
معلشي مخدتش بالى انك كتبتى باقي اسعار المنتجات اليه بسئل عليها مرسي اوى يا نانسي انا عجبنى الاكسسورات ايه رايك في الطقمين حلوين ولا شكلهم عادى

الطقمين حلوين ورقيقين خالص انا كمان عجبوني

لا يا سلسيل الحمد لله معنديش السالب ده
بس قوليلى هو انتى اللى بتعملى الاوردرات ولا الليدر بتاعتك
لو انتى يبقى اكيد السيستم هو اللى مخرف بس لو الليدر معاها حسابك والباص وورد اتصلى بيها مسخريها لانها ممكن تكون كانت عملاهم لحد تانى وهى مش مركزه وبعد كده ترجع تلغيهم ومعلش ماتزعليش نفسك هما اصلا نصابيين لان المفروض التحفيز كان ييجى الشهر ده وهما اخروه شهر عشان نعمل اوردر زياده ووالله شكلى ما هعمل اوردر ويبقى برده التحفيز راح عليا يالا حسبى الله ونعم الوكيل فيهم
وماتضايقيش نفسك صحتك بالدنيا يا قمر وحسبنى عليهم وهما اصلا شكلهم كده دبور وزن على خراب عشه

نانسى عبد الله;15267766:
لا يا سلسيل الحمد لله معنديش السالب ده
بس قوليلى هو انتى اللى بتعملى الاوردرات ولا الليدر بتاعتك
لو انتى يبقى اكيد السيستم هو اللى مخرف بس لو الليدر معاها حسابك والباص وورد اتصلى بيها مسخريها لانها ممكن تكون كانت عملاهم لحد تانى وهى مش مركزه وبعد كده ترجع تلغيهم ومعلش ماتزعليش نفسك هما اصلا نصابيين لان المفروض التحفيز كان ييجى الشهر ده وهما اخروه شهر عشان نعمل اوردر زياده ووالله شكلى ما هعمل اوردر ويبقى برده التحفيز راح عليا يالا حسبى الله ونعم الوكيل فيهم
وماتضايقيش نفسك صحتك بالدنيا يا قمر وحسبنى عليهم وهما اصلا شكلهم كده دبور وزن على خراب عشه

لا انا اللي باعمله بنفسي يا نانسي
ولو كانت زي مابتقولي كنت اكتشفت لان كله بينزل على النت

هحاول اسمع كلامك يا ننوسة واكون بارداااااااا بس غصبن عني ..

وهما فعلا بالظبط كدة دبور وزنننننننننننن :'(

يا سيلسل شوفي كدة حد بيعمل معاكي اوردر برقم عضويتك ولا ايه ؟؟؟:( اصل متكررة يعني
انا عندي عادي كنسلت مرة واحدة واتعملت بالسالب غير كدة مفيش
وبعدين هو دة معناه ان التحفيز يروح عليكي؟؟؟ طيب ليه يعني

Dr_angel;15267804:
يا سيلسل شوفي كدة حد بيعمل معاكي اوردر برقم عضويتك ولا ايه ؟؟؟:( اصل متكررة يعني
انا عندي عادي كنسلت مرة واحدة واتعملت بالسالب غير كدة مفيش
وبعدين هو دة معناه ان التحفيز يروح عليكي؟؟؟ طيب ليه يعني

ايه ده بئة قلقتوني يعني انا بس اللي حاصل عندي السالب ده من غير ماكنسل؟
يعني السيستم مش بيخرف؟ وحد بيعمل اوردرات ويكنسلها؟
طيب هايستفاد ايه لما يعمل كدة؟
مافيش اي اوردر مش متكنسل وماستلمتهوش
يعني لو حد غيري كان عمل اوردر كنت هاكتشف
لكن كل التواريخ مظبوطة انا اللي عاملاها
طبعا ماعدا اللي بالسالب ماعرفش ايه د بئة