◕‿◕ التجمع الخامس لحوامل أغسطس 2011 ◕‿◕

ام جااسم;15205502:
صباح الخير حوامل
ان شاء الله يكون يوم خير على الجميع

*بنوته عسل*;15205508:
تسلمين خلف جبدي على الدعوات

انتين احسن وحدة بتروحين الجنه لان كل تدعين لي
ان شاء الله الله يعطيش خوخه ورمانة وعلي وباقر (هذول اللي تبينهم عفر لا نسيت)وتفرحين فيهم وتعرسينهم يارب






انزين في وين هالمحلات اي صوب
ملك السرير والجزيرة وصفوهم لي لا



شدراني اني من زمن تبت قمت اكتب في الوورد

بس البارحة ما ادري شفيني من الخرعة عفر
عبارة كنت احارس النت يشتغل وبقول ليكم ومالحق فتح سيدة قمت اكتب

اقول قبل لرجلي يتحجج علي
وماادري ضربت انتر لو باكسبيس ما ادري ويش ضربت واختفت الصفحة

حتى مينا تليكوم اسمع انه عليها مشاكل بعد
شنسوي عن حسب هالمرة بعد مزيدين الجيجا



تصدقين ما انتبهت ان اثال مغيرة اسمها
ولا اطالع في الاسامي اعرف الوحدة من ردودها

حيا الله سنفورة عروس شحوالش زينة؟؟





الحمد الله على سلامتها
ويتربى بعزكم ان شاء الله
والله يعوضش بهالحمل السليم يارب

واحسن تاخرتي عنها لو كنتوا بنفس الوقت يمكن تصير مقارنة بينكم اكره شييييي

*بنوته عسل*;15205642:
الله يسلمكم ويسمنكم يا حوامل

امس كان موعدي ست ونص وزوجي مارجع من الشغل الا ست الا عشر
سبح وسيدة طلعنا وطبعا هالوقت الشارع مناك زحمة وكل مانمشي جم خطوة
المرور واقف ويتصيد على الاوادم
الموهم وصلنا المستشفى ست ونص بالضبط في موعددي
قعدت شوي ونادوني حق الضغط ووالوزن ..وزني ترا مازاد ولانقص ولا بجرام واحد هذا هو
وضغطي اوكي
وطلعت انتظر يمكن خمس دقايق ونادوني دخلت الغرفة وجهزوني للتلفزيون وطلعت السستر
وقعدنا نحارس الدكتورة كانت عند مريضة ثانية عاد واني احارس جاني وجع راس ابي انام
فيني نومة حددددي وزوجي مسكين من التعب حس روحه بيصخن وكلما اطالع عيونه تعبانة
تدمع عيوني وقام يتحجج فيني ويسولف واني كللش مالي مزاج قلت له اسكت تعبانة حدي
الحين لو في البيت مصحصحة وابي اسولف انجان بسكتني خلاص اسكت حط راسك ونام على ما اجي الدكتورة
وجت واحنا على هالحال سلمت الا تقول تاخرتوا على موعدكم عشر دقايق طلعنها من خشومكم سامحونا على التاخير
سالتني شخبارش شخبار البيبي من اخر موعد لليوم قلت الحمد الله .... مافي مشاكل ؟؟ ... قلت لها لا مافي الحمد الله
الا تقول ووي زوجش؟؟؟(افتكرت تقصد مشاكل في هذاك اللي شسمه نسيت اسمه تعرفونه انتون لا) قلت لها ايه لازم
الا تقول لازم هذي بهارات الحياة ولو مافي مشاكل ماتصيرين مراه وقامت تكلم زوجي تقول ليه ماعليه تحملها
ولازم تتحمل فيها وهذي هرمونات الحمل لازم تسوي جدي وووووو الخ ...
عاد وهي تسولف شنينا هجوم على زوجي مسكين اني والدكتورة وهي اجيك البيبي تقول مايستحي ولدكم كانه مافي الا هو ول في العالم
كل مرة ابي اشوفه اول شي يراويني اياه عضوه خخخخ فطستني ضحك
تالي سئلت منو يبدي بالمشاكل انتي لو اهو سكتت وبعدين قلت لها وش صار قبل لاجي
الا تقول اصلا يبين عليش طيوبة وحبابة وعلى نياتش لكن تعرفين جيفه تنتقمين انتظري كلها كم اسبوع وبيجي البيبي وبيصير اشد انتقام
لان مابيصير عندش وقت تسولفين وياه وبيقعد يترجاش تعالي سولفي وياي تمللت بروحي
وقامت تقول لي لازم ماتصيرين جدي انتقمي منه بلفلوسا قلت لها ما احب ما اعرف اقول ليه جيب وجيب
الا تقول هاااااااااااا يعني منش عودتينه تعالي بعطيش كورسات
وووووو وهي تسولف وياه وتسال عن شغله
الموهم شافت ولدنا الجميل وقامت تسوي الصورة بنيه اوضح قلت لها ابي اشوف وجه يشبه من

*بنوته عسل*;15205687:

وحاولت الا تقول زعلان حاط ايده على وجه وحاولت تحركه ويشيل ايده بس مارضي كان يرفس برجوله

وايده مو راضي يشيلها وسوت اللون البني الااااااااااااي ولدي يجننننننننن دمعت عيوني يوم شفته ايده صغنونة


حدييييييييييييييييييييييي مستانسة


وعصبت على زوجي تقول ليه ليش تزعلها شوف كا حتى ولدك زعلان مايبي يشوفك لكن الحين الحين توديها السيتي وتعشيها


كانت الساعة سبع ونص


سالت متى اخر مرة رحتوا مطعم قلت لها ولا مرة في حياتي دشيت مطعم استغربت ليييييييييييييييييش


لكن بسوي وياك اتفاق حرام تقص على هالمسكينه هي عرفت وين يشتغل ولانه قطاع خاص فعذرته بعدين


واتفقت وياه اليوم مابحسب ليكم جارج بس توديها مطعم ها وش قلت .... زوجي سكت


قالت ليه اذا توعدني توديها مابحسبها ليكم اليوم شرايك قال اوكي بعدين قالت ليه السيتي بعيد روح مجمع المطاعم اللي اهني


في الجفير مطعم اصفهاني اكله واجد طيب (واني مبطلة عيوني اقول اني وين قاعدة )


قال ليها ان شاء الله


قالت لسستر خلاص اليوم لاتحسبين ليهم جارج وخلهم يروحون يتعشون ويستانسون


وسلمت علينا وقالت الموعد الجاي بتكونون على دكتورة ثانيه لانها بتسافر شهر وعقب الشهر بتشوفني شكلها مابترجع الا اني ولدت خخخخ


وقلت لها عن دمي نزل قالت لا اوكي بس لاينزل زود اخذي فولك اسيد وماترينا (فيتامينات للحوامل ... منسه هالحبوب ماليه ريحة مثل مال المستشفى ولاطعم بعد)


وبعدين.......

*بنوته عسل*;15205753:
عاد قولوا رحنا اي مطعم ؟؟؟































































مارحنا مطاعم ولا شي
رحمت بحاله قلت له انت تعبان وشكلك بتمرض
خل نرجع البيت ويوم اللي تكون فاضي بنطلع العصر نتمشى ي السيتي ونمر مطعم الليل
وعشان تستانس انت بعد مو بس اني لا(ادري فيه بعد مابيستانس لان مايقدر يمشي واجد بسرعة تالمه رجوله ويتملل اصلا)

بس هااا مو مرة ثانية تقول لي مشي بوزش وانسي طاف اليوم
ترا قالت ليك عقب الوعد كل شي يحرم
قال انزين
قلت ليه دام احنا موصلين اهنيه مر الانوار بشوف التوزيعات
واخذنا فره فيه بسرعة لان كنت متحاصرة حدي ومو قادرة امشي ماشفت شي حليو
وبسرعة طلعنا كنت ابي افر صوب المواعين بس ماقدرت
طلعنا وشرا ليه ذرة واني دونت ورجعنا البيت
في الطريق وش العشا قلت له ما ادري قال بياخذ دجاج على الفحم قام يتصل بالمطعم
كل مشغووول او يرن مايشيلونه عصب قال خلهم يوولون مرينا الخباز الا طابور رجعنا البيت فاضين
عشااي اني اندومي وهو اكل قيمر وخبز جابه من بيتهم خخخخخخخخخ
ماوصلنا البيت الا تسع وربع تعبانين بعد مافيني شدة اسوي عشا

SomeOne1;15205699:
احسن لك بسومة

تفتكين من الطباااااااااااخ

اي الاصفر والاخضر عذااااااااب

وألوااان الصيف عجيبة ..

بنوته
ههههههههههههههه
زين عطت زوجش محاظررة خخخ
خووش شيء ..


اي ذكرت بكرة لازم من الصبح اروح المركز
علشان يفتحون لي فايل ويعطوني موعد
علشان اروح اراجع ..

بحرينيه عسل;15206210:
بنات بتوحشوني بكرة لاني ما بدخل اكلمكم :'( لانه عندي موعد ان شاء الله كل شي تمام اشوفكم على خير الخميس :adore:

الدنيا 2005;15206365:
اهلين با بنات

شخباركم منسه واثال عاد غيرتون اساميكم ما غيرتون اني ما باناديكم الا باساميكم (عناد)

سم ون عن جد الثياب يهبلون ويتهنى فيهم ومن هذا لين تشوفينه معرس

بنوته ما شاء الله قصة ممتعه والله يكملها وتشوفون فرحتكم بين ايدينكم

زهرة الله ما يسوي شي الا فيه صلاح ففكري الحين بس في البيبي

سحابة عن جد زعلت وما دشت مرة ثانية

بحرينية انجان زين اقدر افيدش بالثيمات بس للاسف

بنات شخبار فراشة محد يدري عنها شي ولا هند الرشيد وشجون صايرة دخلاتها قليلة عسى ماشر

بنات اني لاول مرة في حياتي يرتفع عندي الضغط مو وايد بس شوي بس بالنسبة الى ضغطي يعتبر مرتفع والسبب مثل ما قلت ليكم ولد حماتي وايد احاتيه بس ما عندنا الا الدعاء

اني بعد قاعد دمي ينزل كان 11.5 الحين صار 10.8 مع اني اشرب الحبوب

هالمرة الدكتورة قالت لي تقدرين تمشين ولازم تشربين كالسيوم وبس

هالاسبوع انشاء الله ببدي اجهز (توني متفرغة ادري )

وانشاء الله انزلهم المهم دعائكم بنات

الدنيا 2005;15206434:
اخ بس لو تدرين يا اثال

كنت افتر في الاقسام مال المنتدى وقريت قصة وحدة والدة تقول ان كانت وياهم وحده تولد وجابت ولد وبعدين وقف قلبها وتوفت

والحين اشتغل الوسواس فيني وكلما ابغي انسى ما ني قادرة

الدنيا 2005;15206440:
اني بروحي خوافة وكل افكر شسوي اف