ما اعرف استشور شعري

أول شي اهتمي في صحة شعرج

روحي سوي تريتمنت أو إنتي بنفسج استخدمي زيوت وغذي شعرج

بعدين استخدمي شامبو بروحه وبلسم بروحه ... ممكن تجربين حمام زيت فاشكول عقب الشامبو

هاي وايد زين

ودايما يعني على الاقل على الاقل كل 4 شهور أو 6 شهور قصي شعرج بالأحرى عدلي أطرافه

ولا تستخدمين سشوار الصالونات اللي بس مجفف الا من بعد ما تتعودين عليه

استخدمي اللي تقدرين تغيرين الراس ( الفرشاة)

وإن شاالله تستفيدين

‏​ٱھــْـٌـْـٱ شكرا انـ♡ـا فاهمه أني أجزءه لخصل

لكن إبغيه يقعد هابط ما يكش

استخدمي سيروم الشعر بعد السشوار او من بعد ما تغسلين شعرج

استخدمي اول شي قبل لاتشتشورين شعركـ سيروم سيراميكـ ولا تكثرين مرهـ قليل لان اذا كثرتي يصير هابط حيل كنهـ مدهون بكريم وجزي شعركـ جزئين والجزء الايسر جزيهـ الي 3 اجزاء والجهـه الثانيهـ نفس الشي ثلاث اجزاء وبكذا بتحصلين ع اللي تبينهـ موفقهـ شوفي انا طريقتي ف استشوار شعري استشورهـ بس ماخليهـ مرهـ ناعم لا مجرد تجفيف عن الماي وابدء بالسيراميكـ واللي يشوف شعري يفكرهـ رايحهـ للصالون الصلاهـ ع النبي ماشاء اللهـ ^ـــ^...

اذا شعرك كثير ومجعد مره
مايصلح لك الا السيراميك

نوع استشوارك هو السبب

اختاري استشوار يكون الواط فيه اكثر من 1400

لانه اذا كان اقل تكون الحراره مو كافيه وينفش الشعر

حبيبتي اول شي ما تشوري شعرك وهو مبلل خليه يكون مرطب
استعملي سيروم لوريال لونه اورنج حد بجنن
تاني شي خدي خصل صغيره وبعد ما تخلصي سشوار
استعملي السيراميك كمان بخصل صغيره
وصح اهم شي يكون السشوار 1800 واط زي تبع الصالونات

{ لي عودة....~

انصحج قبل ما تغسلين شعرج عشان تسوينه حطي فيه اي نوع من زيوت او كريم خليه مده في شعرج بعدين غسلي شعرج بالشامبو وعقبه حطي حمام زيت او بلسم انتي اختاري,,,

طبعا لما تغسلي شعرج اعتمدي الطريقة الصحيحة الا هي ان تاخدين غرشة ماء فاضية وحطي في قاع الغرشة "قارورة الماء" الشامبوو و حطي في بقايا الغرشة ماي وسكريها اا ورجعي الغرشة بشوفين يصير رغوه وبعدين بهالرغوة فركي شعرج عدل بس بلطف وبتدليك ونظفيه زين بعدين غسليه بالماء الفاتر وانتي منزله شعرج بالعكس عشان تتحرك الدورة الدمويه وبعد خلي حمام زيت قليل في راحة يدج وحطي على شعرج بس لا تخلي على فروة الرأس عدل وخلي شوي بعدين غسليي,,,


لما تطلعين من الحمام وغسلتين شعرج خليه ينشف شوي بعدين قسمي شعرج خصلات ضعيفة مب متينه عشان كل خصلة تركزين عليها وتسوينها عدل وانصحج تسوين بالسشوار الي يستخدمونه في الصالون يسوي الشعر احسن شي عقب خلي سيروم قليل ,,,

وانصحج اذا تبين تطلعين وتسوين شعرج سوي قبل بيوم من ما تطلعين لان يوم ثاني يصير الشعر احلى و ما بينفش لج

انشاءالله اكون افدتج وسوري ع الاطاله,,,

انا مثل مشكلتك لانو شعري خفيف يخرب بسرعه تعقدت والله استشوره خمس دقايق ويبداء يخرب كاني ماسويت شي

{ افضل انك ماتستخدمي الاستشوار..~
واشتري مكواة سراميك من شركة بيبي ليس او امجوي
واستخدميها تعطي نتائج افضل بكثير من الاستشوار
شعر ناعم واملس بدون جفاف وولمدة طويلة
لان الاستشوار ع ابسط رطوبة ينفش الشعر ولاكانك سويتي شيء!

والطريقة انك بعد ماتسبحي شعرك (ممكن تدخلي مواضيعي علشان تستفيدي من الطريقة الصحيحة لغسل الشعر)
استخدمي سيريوم لوريال او بخاخ ضد الحرارة
تلقين في نزيه مستحضرات حلوة او بودي شوب

امممم

قسمي شعرك اربع اقسام
واستخدمي المكواة مثل ماتستخدمي الاستشوار

من تتعودين ع المكواة
راح تستغني تماما عن الاستشوار وراح تلاحظي
نتائجها الحلوة ان شاء الله

السلام عليكم أنا اللي أعرفه أنو بعد مانسشور الشعر مانستخدم مشط بلاستيك بل
نستخدم مشط خشبي لأن البلاستيك ينكش الشعر لآنه بعد الأستشوار يكون الشعر حار مع المشط البلاستك يتتطاير

شوفي اختي قبل اسبوعين خدامتنا سوت لي طريقه عجبتني فالاستشوار

بصراحه استشورت شعري بالسيراميك اول شي عادي بعدين حطت عليه زيت أي نوع ما يطلع ريحه انا استخدمت زين فاطمه من تايلند و بعدين ردت عادت و صار حرير و لا كأنه يبين انه مستشور كأنه طبيعي