زعلت من سلفتي..شو أسوي

هلا خواتي..
أن اليوم واااااايد مظايجه لأن صارلي موقف أمس و زعلت منه و في نفس الوقت زعلت لأن زعلت غيري..

المهم أنا و سلفتي و الحمد لله نحب بعض و نحترم بعض و دوم نسولف و تتشاور و الحمد لله يعني مثل الخوات..بس أمس زعلت منها :'(:'( و أنقهرت منها لدرجه تنرفزت و و رميت كلام جاسي عليها جدام زوجي و أخت زوجي و عمي و هذا ظايجني أكثر و بقولكم السبب:

أمس رحنا أنا و زوجي و سلفتي للمطعم و الطاوله إلي جنبنا كان فيها ياهل يصرخ و يصيح و نرفزني:worn_out:..فقلت لزوجي أووووووووف نحن مفتكين من يهالنا في البيت و في المطاعم بعد يهال؟؟؟!! قالي زوجي وطي صوتج لا يسمعون فقتله هيه والله صح كلامك :woo:

1- قامت قالت سلفتي فشلتينا صراحه :| ...هي جابتها بالمصخره بس صراحه أنحرجت بس طنشت قلت عادي هي تتمصخر..

و بعدين رحنا نعمل شوبنق و طبعا أنتوا تعرفون دبي و محلاتها الكثيره..أنا علقت و قلت (صح أن دبي متروسه مراكز و محلات بس نحن إلي عايشين فيها ما نسوي شوبنق ألا في الشهر مره )

2- ردت علي قالت ليش أن شاء الله تبغين تسوين شوبنق دايما انت بنت الغرير و لا الفطيم يعني أنت مثلا أسمج فاطمه الفطيم ولا فاطمه الغرير :mad: و بعد طنشت قلت تبغي تتمصخر يلا ما عليه و ظحكت :) بس في نفس الوقت حسيت عمري حمار :thumbs_down:

المهم بعدين رحنا لمحل الميك أب و خذتلي ميك أب و صراحه طحت في الميك أب طيح لأن صارلي أكثر من 3 سنوات ما خذت أرواج و أي شدو و عددت الميك أب و كانوا عاملين عرض فطبعا أستغليت الفرصه و أشتريت واااايد أشياء فهي علقت و قالت (نحن و بنات خالتي دايما نتبادل الميك أب حسب الألوان إلي نحتاجها بدل لا نشتري) فرديت عليها (قلتلها بس أنا و خواتي أحس صعبه لأن كل وحده عندها عدتها و صعبه نتبادل)
3- قامت ردت علي أونه هيه نحن لأن بنات نتبادل عادي بس أنتوا لأنكم حريم :|:| مع أن بيني و بينها 5 سنوات بس و هي حرمه مب بنت يعني ^o) فقلتلها (ليش أنت بنيه مثلا!!) قالت لاء أنا عمري 23 و أنت 32 ؟؟ (هي عمرها 24 و أنا 29) قالت أخت زوجي أحين فاطمه عمرها 32 :confused:!!! و يلست سلفتي تظحق و انا أنحرجت وااااااااااايد :o

المهم انا هني خلاص طفرت و وصل حدي و قلتلها بالمصخره (أنت اليوم شكله مخج ظارب و الظاهر الحمل (هي حامل) أثر في مخج فأنا أنصحج تيلسين عشان عقلج ييلس معاج شوي)

المهم رجعنا لبيت عمي و أنا كنت حاطه الأغراظ في السياره و قامت و أصرت ان أطلع الأغراظ من السياره و يشوفونهم :confused::| و أنا ما أبا لأن اليهال بيكونون موجودين و بيدمرون و صراحه كانت في هدايا و هي مصره تاخذ الهدايا لها (يعني أنا أشتريت بها المبلغ عشان الهدايا و العروظ و في الأخير تبغي تاخذهم عني) و طبعا كله تييبه بأسلوب مصخره

المهم كنت أراويهم الميك أب و ألوان الأرواج تخيلوا شو قالت

4- شو هالألوان الحزره قلتلها و بكل حسن نيه شو يعني حزره ؟ :) قالت يعني مال يدتي و يدتج :-o8o|:mad:

هني خلااااااااااااااااااااااااااااااااااااااااااااااااااااااااااااااص فعلا تصرفت لا إراديا شليت الأغراظ و قلتلها مصخرتج ثجيله و صراحه مصختيها و كنت معصبه موووووووووووول حتى زوجي قال ليش جي تسوين هي تتمصخر معاج (ما يدري بالمواقف إلي صارت قبل) قتله و بصوت عالي و جدامها بس هالمصخره ثجيله و من الصبح و هي تتمصخر علي و زودتها

و هي ويها أحمر قالت زعلتي؟؟ و قالت أنا اسفه بس أنا ما كنت اسمعها و سكت و نزلت راسي و سويت عمري ألعب بالتلفون و هي قامت و راحت غرفتها و بعد شوي طرشتلي مسج اعتذار و أنا بعد اعتذرت منها لأن أنفعلت :'(:'(

زوجي في البيت يلس يكلمني و قالي المفروظ إذا ما عجبج شيء من شخص تعزينه ما تجرحينه جدام الناس و تاخذينه على صوب و تكلمينه و صح كلامه 100% بس والله أنفعلت من المواقف إلي صارت و بعد أنا بطبيعتي حساسه و ما احب حد يتمصخر على غيره عشان يظحك الناس و يعمله جو

بس ندمت لأن ظايجتها مهما كان هي لها معزه عندي و هي وااايد محترمه و حبوبه بس لو تخفف جرعات المصخره علي شوي

بس شو أحين كيف أتصرف أنا منحرجه منها واااااااااااااايد واااااااااااااااااايد و أحس أنها انصدمت من ردت فعلي لأن اول مره انا جيه اتصرف