عندي مشكلة

أم سلمى2007;15183662:

بصراحة الموقف صعب وخاصة إن زوجك راجل

ماعندهوش نخوة ولا غيرة على أهله

وبدل ما يعتذر لك راح عملها مشكلة وهددك

بالطلاق

بس مبدأيا أنا عايزة توضيح عن موضوع مجلس

الرجال ده هو داخل البيت بس فى باب يفصله عن

بقية البيت ولا هو أصلا مبنى خارج البيت تماما

تعرفى من أول يوم زواج قلت لزوجى اخوك او حد

من اعمامك او أخوالك لو جه

وإنت مش موجود مش هأفتح له لو هتعمل إيه

عامة اللى حصل حصل

بس دلوقتى علشان حلفانه والموقف اللى وضعك

فيه إجلسى فى بيتك ومالك اى دعوة بالضيف ده لا

تضايفيه ولا تاكليه ولا شىء زوجك موجود يضايفه

مش موجود ولا تفتحى باب بيتك

بس بعد ما يمشى الضيف تروحى بيت اهلك

وتطلبى قعدة لكبير عيلته وعيلتك

وترفضى فيها التصرف ده تماما وترفضى فيه التخيير

بين طلاقك وبين قبولك بالوضع

فإن قبل بعدم وضعك فى الموقف ده مستقبلا كان

بها

اما لو لم يرضى بكلامك وموقفك ورغبتك يبقى ده

مش راجل تحسى بالامان وإنتى عايشة معاه

ومايستاهلش إنك تبقى على العشرة معاه لأنه

بقى ديوث ولا يهمه الحفاظ على حريمه

وصلى إستخارة قبل اى قرار

فى إنك توافقى على كلامه وتفضلى فى البيت

والضيف موجود ولا تتركى البيت وإن شاء الله ربنا

يوفقك للقرار الأصوب

أختك فى الله أم سلمى