- تعالو دلوني يا بنات الرياض على اسواقكم .. }

.

..swan..

عروس جديدة

30-05-2011 | 03:59 PM

السلام عليكم يالغاليات F:

استفساري لبنات الرياض .. واي حد عنده خبره ومعرفه في الاسواق هناك ..

بما انه في نية زياره للرياض قريب ان شاالله .. قلت نقضي لعروسنا بالمره .. بما انه ماشاالله الاسواق عندكم كثيره وحلوه وزهيده بالنسبه للي عندنا ..

فحبيت استفسر عن الآتي :

- احسن المحلات والاسواق لفساتين العروس ؟

- احسن المحلات لفساتين السهره .. الجاهز منها طبعاً

- محلات تبيع اقمشة فساتين العرايس والسهره بعد ؟

- مفارش العرسان اللي تكون فخمه وفيها كرستال .. في وين ؟

- واخر شي .. محل نكتار :L: .. في وين ؟

ترا مب اول مره اتسوق من هناك .. بس صار لي زمان ما رحت ..

ناطرتكم فديتكم F:

ط

طيوبة وحبوبة

عروس مشرقة

31-05-2011 | 02:51 PM

- احسن المحلات والاسواق لفساتين العروس ؟
فيه المتنبي بس الجاهز عندهم كله قديم
اما التفصيل يضبطونه لك مره وتختارين من البرد عندهم
واسعارهم روووعه ماتصدقين كيف

- احسن المحلات لفساتين السهره .. الجاهز منها طبعاً
الحياه مول في شمال الرياض فالدور الثاني
الموسى في شمال الرياض كله فساتين جاهزه
العليا مول في شمال الرياض جزء منه
الرياض الدولي في شرق الرياض بس فيه خرابيط وفيه حلو يبيلك تدورين زين واسعاره ارخص منهم

- محلات تبيع اقمشة فساتين العرايس والسهره بعد ؟
الاندلس في شمال الرياض حلو واسعاره متوسطه
العليا مول في شمال الرياض احلى واسعاره ارفع شوي
البديعه مول في جنوب الرياض حلو واسعاره حلوه

- مفارش العرسان اللي تكون فخمه وفيها كرستال .. في وين ؟
فيه في سوق شعبي اسمه وشيقر في الجنوب
وفيه في سوق مكه في الجنوب الجزء الثاني منه
وفيه بعد في طيبه في الشمال

- واخر شي .. محل نكتار :L: .. في وين ؟
فكل مول تقريبآ ادخلي
واسألي اي محل عنه ويدلونك عليه

وحياك فالرياض

&

Ǎ7łα βεήť

عروس مشاركة

01-06-2011 | 10:39 PM

مرحبا

- احسن المحلات والاسواق لفساتين العروس ؟
متري شارع العليا فيه محلات حلوه فيها فساتين العروس حتى فيه بعض المحلات يوريك كتلوج واذا اعجبك فستان منها سواء عروس او لا يطلبه لك

واسعاره حلوه

- احسن المحلات لفساتين السهره .. الجاهز منها طبعاً
اما فساتين السهره عندك بعض شارع العليا وعندك طريق الملك فهد فيه كذا محل وعندك نجود وعندك حياة مول ومارينا مول

- محلات تبيع اقمشة فساتين العرايس والسهره بعد ؟

عندك العليا مول والاندلس
- مفارش العرسان اللي تكون فخمه وفيها كرستال .. في وين ؟

العويس
- واخر شي .. محل نكتار :L: .. في وين ؟

نكتار تلقينه بكل مكان

.

..swan..

عروس جديدة

04-06-2011 | 01:37 PM

تسملوون لي والله .. وه يا حبي للرياض واهلها <3

وبالتوفيق يالغاليات

د

دلع الهيلا

عروس مشاركة

04-06-2011 | 03:23 PM

والله في فساتين زواج في مارينا مووول ومكه والمتنبي اللي اسمعه

اما الاسواق الرياض فساتين سهره الرياض جيليري وحياه مول والعلياء مول والاندلسسسس

اهم شي قدمت اللي تبينه