الفحص الطبي قبل الزواج...متى وكيف؟؟

والله اختي انا سويته بعد عقد القران.. :)

مع انه على اعتقادي المفروض قبل.. لانه هالشي بيمنع اشياء كثيره.. يعني لا سمح الله لا سمح الله اذا في امراض ولا شي لا يمكن علاجه بينتهي بهم الامر الى الطلاق.. والعياذ بالله..

فاعتقد الافضل يكون فترة الخطوبة..

واذا تخجل الفتاه في اخبار زوجها او خطيبها.. تخلي حد من اهلها ابوها مثلا او امها تكلم امه وتقولهم.. :)

والسموحه

والله هذا موضوع وااايد مهم. أنا عن نفسي الحمدلله اهلي وأهله متعلمين وفاهمين فما واجهت مشكلة، سرنا قبل الملجة بأسبوع وسوينا الفحص، حتى هوه ما شافني. كانت أميه ويانا ، دخل هوه سوى الفحص وروح ودخلت أنا وراه، مجرد تحليل دم عادي مثل اللي انسويه اي وقت. ما اعرف ليش الناس تشوفه مشكلة!! بالعكس بدونه تكون مشكلة. والحين فيه مليجين واايد ما يرضون يعقدون الملجة الا بعد الفحص الطبي!!

السلام عليكم ورحمة الله وبركاته

مشكورين لطرح الموضوع و الرد عليه

كان فى بالى هذا السؤال و الحمد الله حصلت الجواب

صدقتي الغاليه مووضع ما يستاهل كل هذي الجلبه. لانه الا تحليل دم عادي.. بس ياخذون عينه من الدم.. بس.. :)

يعني مافيها انتقاص من الرجولة ولا شي.. :) حد من الناس ياخذها جيه انها انتقاص للرجولة ..

تسلمون على الردود

أنا كان على بالي هالسؤااال والله

وانشالله بسوويه .. بس المشكلة أن خطيبي متردد لا يروح الفحص .. مادري ليش والله :(


بس أتووقع أنه يكون عادي .. يعني عينة دم و تصوير أشعه و بس

هذا اللي أمي قالتلي بيسوونه لي ..

عزيزتي منيرة

أولايسونه قبل عقد القران

ثانياالحين استوا إجباري من قبل صندوق الزواج

ثالثالانه إجباري هو طبعا بيتكلم لان ما يعقد المعقد إلا بالفحص ويكون دم بس ومب لازم يكون موجود المعرس هو يروح بروحه وإنتي بروحتج بس هو يروح صندوق الزواج يعطونه ملف فيه بيانتكم وتروحين مستشفى الكبير (الطب الوقائي) وتسوين الفحص وبعد يومين يعطونتج النتيجة وانشاء الله يوفق بينكم ولاتخافين انا مجربه من شهر.

السلام عليكم ورحمة الله وبركاته

أحب أن أحيي هذه البادرة الطيبة منك عزيزتي munerah:clap:


الموضوع جدا جدا مهم .........احنا محتاجين فعلا لمناقشة هذه المواضيع التوعوية ............

لأنه وللأسف ما زال هناك أفراد بعضهم متعلمين ومثقفين يهملوا فحص ما قبل الزواج .....

وأحب أقول ان الفحص المفروض يكون قبل عقد القران ......لأن البعض يأجله لبعد الملكة واللي يصير انهم يتعلقوا ببعض ويحبوا بعض ....وما يعملوا الفحص لأنهم يعرفوا انه ممكن يكون سبب لتفريقهم .......وقد تكون النتيجة لا تحمد عقباها .....

اعملوا الفحص قبل قبل قبل ما تملكوا وقبل حتى ما تشوفوا بعض ......علشان ما تعطوا عواطفكم أي مجال للتدخل ......





تحياتي
ايمـــــــــــــــــــــــا

السلام عليكم


بصراحه اناكنت قلقه بسالفه الفحص ذا لاني بجد اخاف من شيء اسمه مستشفى وابره وتحليل متعقده منها بصراحه تقدم لي وبصراحه رربي كتب لي اني ارتبط بشخص من برا ديرتي واهم الاجراءات هو الفحص الطبي ثلاث شهور وانا اوسوس كل مره اكنسل الموعد الين خلاص ماكو خلاص منها لازم اسوي تحليل انا معه رحنا وسوينا كل شيء اولا سوينا تحليل دم وهذا التحليل يشمل الامراض الوراثيه والجنسية حتى هالتحليل يسونه يشوفون اذا كان مدمن ( مسكرات ومخدرات ) لان الليعرفته من صاحباتي ان اللي يشرب او مدمن مخدرات يحول الى عياده نفسيه بمستشفى لأمل .
ثانيا : سوينا أشعه صدريه .
ثالثا : دخلنا انا معه على طبيب اخصائي يكشف علينا اول كشف عليه وبعدين كشف علي وهذا لان بعض التحاليل لا تظهر المرض وتكون اعراض المرض خارجيه هذا اللي عرفته يعني علامات مرض الزهري وما شابه وقوه الانتصاب عند الرجل .


اتمنى اني افدتك.

تحياتي

حبيت أضيف على ردي السابق
بالنسبة للأمارات:
ضندوق الزواج يطلب اجباري فحص الزوج والزوجة، بس لازم يكونون هم الاثنين موجودين لما يسوون الفحص بس مب لازم في نفس الغرفة، بس لازم تتقدم الاوراق في نفس الوقت، أحسن حل يسير ويا البنت حد من محارمها عشان يكون حلقة وصل اذا هيه مب حابة توقف وياه مثل ما أنا سويت. سرنا نفس الوقت بس هوه ما شافني لأن أمي كانت ويايه ووقفت وياه لين ما خلصوا وروح ودخلت أنا بعدين. وكل الموضوع فحص دم للتأكد من عدم وجود أمراض معدية أو وراثية.

السلام عليكم...

اختي ملاك الامارات...حياك الله ومشكوره على الرد...لكن مثل ماقلتي بعد عقد القران ماراح يكون فيه فايده لو لاسمح الله كان فيه اي مشاكل...

انا بس حبيت اعرف الطريقه اللي ممكن تفتحين فيها الموضوع هذا مع خطيبك... وتدخل الاهل راح يزيد الاحراج... يعني بيني وبينه احسن بس طريقه فتح الموضوع صعبه :o

حياك اختي hindali ... ومشكوره على مشاركتك بتجربتك اللي افادتني كثير..

هلا .. الملاك الحزين...

العفو...والحمد لله انك استفدتي..

عزيزتي .. أخــت القــمــر

ياريت تقولين لنا كيف فتحتي الموضوع مع خطيبك؟... لان هذا اللي محيرني ... وان شاء الله ماراح يكون معارض لكن انا محرجه من عرض الموضوع فقط...

هلا بك .. عنابه

كلامك جميل... والف شكر على ردك..

حياك الله .. اختي ايما...

وكلامك درر ... الله يهدينا واياهم... وانا اللي مخوفني انه احدى قريباتي فتحت الموضوع مع زوجها طبعا بعد الملكه ورفض من غير اي سبب!!...

عشان كذا ابغى اعرف طريقه اعرض فيها الموضوع من غير مايحس انه فيه اي احراج له... لانه من جد الموضوع مايستاهل الاحراج هذا كله...لكن تعرفين بعض الرجال كيف ممكن يفهمون مثل هذي المواضيع......

الف شكر على ردك..

حياك...كهرمان

مشكوره على عرض تجربتك اللي افادتني ... تسلمين

هلا عزيزتي منيرة

بصراحة اللي خلاني أفتح الموضوع معاه سوالف عادية

لأن مجال دراستي الأحياء والهندسة الوراثية :)

فكنت أنتقد بعض اللي يتزوجون بدون مايسوون فحص قبل الزواج .. لأن من المعروف أن هالفحص يساعد في الكشف عن الامراض الوراثية لو كانت موجودة عند أحدى العائلتين

وبس طرحت عليه فكرة أني ناوية أفحص على عمري :)

بس هو تردد و خاف .. وسبب تخوفه أنه يخاف ان هالفحص يفرق بينا :(


بس انشالله مايحصل الا كل خير

يعني انتي ممكن تفتحين الموضوع مع خطيبج من هالجانب .. وانشالله مراح يتخوف ولا يشك بأمور ويتحرج من هالموضوع


بس اللي محيرني و مخوووفني .. هو وش الأشياء اللي يتم الفحص عنها غير عينة الدم والاشعة ؟!

لأني بنت خجوووولة بصراحة